កាលពីថ្ងៃទី២៤ ខែកញ្ញា ឆ្នាំ២០២១កន្លងទៅថ្មីៗនេះ ពូម៉ៅ ចែករំលែកវីដេអូ ចាស់ ឡើងវិញ ហើយប្រាប់ថា «វីដេអូចាស់ប៉ាថតកូន។ ឥឡូវប៉ា បានត្រឹមតែមើលរូបកូនតាមទូរសព្ទ មិនបានថ្នាក់ថ្នមមើលថែកូនដូចមុនទេ»។
ដោយឃើញបែបនេះ ស្រាប់តែអ្នកគាំទ្រម្នាក់ បានផ្ដល់ជាយោបល់ដ៏ចាក់ដោតថា «ពូទៅដល់ផ្ទះហើយពេលពូឃើញចែចាប់អោបចាប់ថើបគាត់ ហើយសុំទោសគាត់ទៅពូ អាណិតកូនកូន អាណិតចែ គាត់អត់មានអ្នកនិយាយជាមួយ»។
ក្រៅពីការខំមិនខាងលើនេះ អ្នកផ្សេងទៀតក៏បានផ្ដល់យោបល់ដែរថា «សុំទោសគាត់ទៅបង, បើទៅមុខមិនរួចសុំយកកូនទៅបង ព្រោះកូនជាឈាមបង។, ពូសុំទោសចែដាណាម្ដងទៀតទៅពូ, ស៊ូស៊ូបង ដើម្បីមនុស្ស ជាទីស្រឡាញ់ គង់ចែទន់ចិត្តថ្ងៃណាមួយ, ក្មួយចូលទៅផ្ទះយើង កូនយើង ដើរចូលទៅដូចអ្នកចូលទិញមាសចឹងទៅ ហើយយើងនិយាយសុំទោសគាត់ទៅ មនុស្សស្រីចិត្តទន់ណាស់ មីងជឿឲ្យតែយើងដឹងកំហុសគាត់នឹងអនុគ្រោះ»។
ចំពោះមតិ ដែលឲ្យចូលផ្ទះដូចចូលទៅដូចអ្នកទិញមាសនោះ ត្រូវបានពូម៉ៅ ឆ្លើយតបនៅថ្ងៃទី២៦ ខែកញ្ញា ឆ្នាំ២០២១នេះថា «គេមិនអោយក្មួយចូលផ្ទះទេ»។ ដោយឃើញពូម៉ៅ ឆ្លើយបែបនេះ ម្ចាស់គណនីហ្វេសប៊ុកដដែលនេះ បានបួងសួងថា «សូមឲ្យវត្ថុសក្ដិសិទ្ធក្នុងលោកទេវតាទាំងប្រាំបីទិសព្រះអង្គដងកើ មែម៉ៅពេជ្រនិលសូមលោកជួយឲ្យប្ដីប្រពន្ធក្មួយរិទ្ធនិងក្មួយទ្រីដាណាបានជួបជំគ្នាហើយសុខសប្បាយចាស់ព្រិទ្ធចាស់ព្រេង»។
ដោយឡែក អ្នកស្រី ទ្រី ដាណា នៅថ្ងៃទី២៦ ខែកញ្ញា ឆ្នាំ២០២១នេះ ក៏បានបង្ហោះរូបថតជាមួយកូនប្រុស ហើយប្រាប់ថា «ថ្ងៃនេះម៉ាក់អូនដាច់បាយហើយ ព្រោះលក់មាសពេជ្រដាច់ខ្លាំង»។
គ្រាន់តែអ្នកស្រី ទ្រីដាណា និយាយបែបនេះ ស្រាប់តែអ្នកគាំទ្រ បានសំណូមពរស្រដៀងៗគ្នាថា «ចែជាមនុស្សល្អ ហើយចែក៏ធ្លាប់អភ័យទោសអោយមនុស្សលោកជាច្រើន. គ្រាន់តែអត់ទោសម្នាក់ទៀតចែនឹងមានសេចក្តីសុខហើយបានបុណ្យទៀត, ចែដាណាអើយលើកលែងអោយពូខ្មៅម្ដងទៀតទៅ ខ្ញុំឃើញកូនប្រុសរបស់ចែហើយអាណិតពូខ្មៅណាស់ មនុស្សប្រុសណា ដូចមនុស្សប្រុសណា មានមួយមិនស្ងប់មានដប់មិនស្កល់»៕
