បើទោះបច្ចុប្បន្ន តារាចម្រៀង យក់ ឋិតរដ្ឋា ហាក់រយាលពីការងារសិល្បៈ មកស្រវាចាប់មុខរបរ អាជីវកម្មផ្ទាល់ខ្លួនជាច្រើនក្នុងដៃយ៉ាងណាក៏ដោយ ក៏អ្នកនាង មិនភ្លេចមិត្តចាស់ក្នុងរង្វង់សិល្បៈ គឺតារាចម្រៀង មាស សុខសោភា នោះដែរ។
គេសង្កេតឃើញថា ឲ្យតែតារាចម្រៀង មាស សុខសោភា ដល់ថ្ងៃខួបកំណើត ឬសម្រេចការងារអ្វីមួយនោះ យក់ ឋិតរដ្ឋា តែងតែឆ្លៀតពេល បង្ហោះសារជូនពរ ពុំសូវខាននោះឡើយ បើទោះអ្នកនាងរវល់នឹងការងាររកស៊ីខ្លាំងប៉ុណ្ណាក៏ដោយចុះ។
ជាក់ស្ដែង ពេលតារាចម្រៀង មាស សុខសោភា ចូលផលិតកម្មReamនោះ យក់ ឋិតរដ្ឋា បានបង្ហោះសារជូនពរថា «Congratulations Friend ជូនពរសម្លាញ់ មាស សុខសោភា ជោគជ័យគ្រប់ភារកិច្ច និង មានការគាំទ្រកាន់តែច្រើនក្នុងវត្តមានថ្មី របស់ផលិតកម្ម រៀម នេះណាមិត្តសម្លាញ់»។
ដោយឡែកនៅយប់ថ្ងៃទី២៥ ខែកញ្ញា ឆ្នាំ២០២១នេះ យក់ ឋិតរដ្ឋា នឹក មាស សុខសោភា ពេក ក៏បានបង្ហោះរូបថតជាច្រើនសន្លឹក អមដោយការរំលឹកបទចម្រៀង ដែលពួកគេច្រៀងរួមគ្នា នៅផលិតកម្មតោន ទៀតផង។
យក់ ឋិតរដ្ឋា បានបង្ហោះសារទម្លាយពីអារម្មណ៍របស់ខ្លួនដូច្នេះថា «Good night everyone នឹកសម្លាញ់ណាស់ (មិត្តអាលាក់ហ្សី ) មាស សុខសោភា ចំណងជើងបទឡើងសាហាវ តែតាមការពិតនិយាយពីមិត្តភាពវិញគឺអស់យាយម៉ងចរិតគឺដូចគ្នាសាហាវ នឹកណាស់ណប់ចិត្ត!»៕ សម្រាប់អ្នកមិនទាន់ស្ដាប់បទចម្រៀងពួកគេច្រៀងរួមគ្នាខាងលើនេះ សូមទស្សនាវីដេអូ ខាងក្រោមនេះ ៖
