រាជធានីភ្នំពេញ ៖ ដូចដឹងស្រាប់ហើយថា តារាចម្រៀង វីរៈ និច ជាតារាស្រីវ័យក្មេងមួយរូបកំពុងទទួលបានការចាប់អារម្មណ៍ខ្លាំងលើសមត្ថភាពច្រៀងរបស់នាង បូករួនឹងរូបសម្រស់ដ៏ស្រស់ស្អាត បើទោះបី តារាស្រីរូបនេះទើបតែចូលប្រឡូកសិល្បៈមិនបានច្រើនឆ្នាំ ក៏នាងអាចទាញយកប្រជាប្រិយភាពពីទស្សនិកជនគ្រប់មជ្ឈដ្ឋានបានយ៉ាងឆាប់រហ័ស។
មិនតែប៉ុណ្ណោះ កាលពី១ខែកន្លងទៅនេះ រូបនាង និងគូដណ្តឹង បានប្រកាសរៀបចំ ពិធីចែចូវ ដោយមានមេបា ទាំងសងខាង ដឹងឭរួចហើយ នៅចាំតែថ្ងៃរៀបការ តែប៉ុណ្ណោះ ។ ជាមួយគ្នានេះ ចាប់តាំងពី បានចាប់ដៃគ្នា មានឈ្មោះជាគូដណ្តឹងរួចមក តារាស្រីវ័យក្មេងរូបនេះ និងអនាគតស្វាមី តែងបង្ហាញរូបថត Pre-Wedding បណ្តើរៗ ដែលធ្វើឲ្យមហាជន ផ្ទុះការចាប់អារម្មណ៍ជាខ្លាំង ព្រោះរូបថតមួយសន្លឹកៗគឺ ស្រស់ស្អាតសមសួនណាស់។
មិនតែប៉ុណ្ណោះ ថ្មីៗនេះ ក្នុងឱកាស ថ្ងៃកាន់បិណ្ឌ ជាពិធីបុណ្យប្រពៃណីជាតិនេះ អ្នកទាំងពីរ បានដឹកដៃគ្នា ថតរូបក្នុងឈុតទៅវត្ត ដែលមើលទៅ សមជាកូនខ្មែរថែរក្សាប្រពៃណី ទំនៀមទម្លាប់ លើសពីនេះទៅទៀត អ្នកទាំងពីរពិត ត្រូវហ្វេនៗ សរសើរថា សមនឹងគ្នាខ្លាំងណាស់ ម្នាក់ជាស្រីស្អាត ឯម្នាក់ទៀតជា ប្រុសសង្ហា៕
ប្រភពពីkhmerload
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
