ប្រិយមិត្ត បានជ្រាបរួចមកហើយថា អ្នកស្រី នួន សារី វ័យ៦៥ឆ្នាំ ដែលគេស្គាល់ច្បាស់ថា យាយ យ៉យ មានស្រុកកំណើតនៅភូមិដើមឫស ស្រុកកណ្ដាលស្ទឹង ខេត្តកណ្តាល បានមកផ្សងព្រេងនៅភ្នំពេញតាំងពីអ្នកស្រី ទើបមានអាយុ១៤ឆ្នាំ មកម្ល៉េះ។
ក្រឡេកមកជីវិតស្នេហារបស់ នួន សារី ហៅយាយយ៉យ វិញ អ្នកស្រីមិនបានរៀបពិធីមង្គលការអ្វីទេ ព្រោះ អ្នកស្រីត្រូវបានគេចាប់ជាគូៗរៀបមង្គលការតាំងពីសម័យប៉ុល ពត។ សព្វថ្ងៃអ្នកស្រីមានកូនចំនួន៤នាក់ ស្រី២ ប្រុស២។ ក្នុងចំណោមកូនទាំង៤ កូនពៅប្រុសរបស់អ្នកស្រី ឈ្មោះខេង រតនៈ ហៅនាយព្រែក ក៏មាននិស្ស័យខាងសិល្បៈដែរ។
និយាយដល់ នាយព្រែក គឺជាពិធីកររូបសង្ហា ដែលកំពុងកើនប្រជាប្រិយភាពខ្ពស់ក្នុងវិស័យសិល្បៈ ជាមួយនឹងទេពកោសល្យ និងសមត្ថភាពខ្ពស់។ ស្របពេល ដែលមានរូបរាងសង្ហាហើយនោះ នាយ ព្រែកថែមទាំងច្រៀងបានយ៉ាងពីរោះទៀតផង ហើយក៏ឧស្សាហច្រៀងជាមួយយាយយ៉យ ដែលជាម្ដាយផងដែរ។
លើសពីនេះ នាយព្រែក ក៏ជាកូនកតញ្ញូ និងស្រឡាញ់ម្ដាយរបស់ខ្លួនខ្លាំងណាស់។ ជាក់ស្ដែងនៅថ្ងៃទី២៤ ខែកញ្ញា ឆ្នាំ២០២១ ជាថ្ងៃកាន់បិណ្ឌទី៣នេះ នាយព្រែក បានបង្ហោះរូបថតជូនលុយម្ដាយសម្រាប់ខែភ្ជុំ ហើយប្រាប់ថា «អនុមោទនាបិណ្ឌ3 ជូនលុយម៉ែខែភ្ជុំ Yey Yoy»។
តាមរយៈនេះ អ្នកគាំទ្រ បានសរសើរនាយព្រែកថា «កូនប្រុសដ៏ល្អ, កូនល្អ ប្រកបដោយធម៌, កូនល្អណាស់ពូព្រែក, កូនកតញ្ញូល្អ, កូនល្អណាស់ន៎៎អាយដល។ ទោះយ៉ាងណា ក៏មានអ្នកខ្លះនិយាយបែបលេងសើច និងលើកជាចម្ងល់ថា« ម៉ែសន្សំទុកដណ្តឹងកូនគេ, សំពះម៉ែឬសំពះកាំមេរ៉ា?»៕ ដើម្បីជ្រាបកាន់តែច្បាស់ សូមទស្សនា វីដេអូខាងក្រោម ៖
