កន្លងមកប្រិយមិត្ត បានដឹងខ្លះៗរួចមកហើយ ទាក់ទងនឹងប្រវត្តិស្នេហារបស់លោកដែន សូនី និងអ្នកនាងLove Riya ថាផ្ដើមចេញពីការសម្ដែងជាមួយគ្នាលេងៗ ក៏ស្រឡាញ់គ្នាមែនទែន រហូតមកដល់សព្វថ្ងៃនោះ។
ទោះយ៉ាងណាក្នុងការស្រឡាញ់គ្នានេះ ពួកគេ ឆ្លងកាត់រឿងប្រេះឆាជាច្រើនដង តែពួកគេនៅតែអាចបន្តដំណើរទៅមុខជាមួយគ្នាបានរហូតមកដល់បច្ចុប្បន្ននេះ ក្រោមការសុំផ្សះផ្សាជារឿយៗពីសំណាក់លោកដែន សូនី , ការអធ្យាស្រ័យពីLove Riyaនោះ។
ពេលពួកគេបែកគ្នានោះ ក៏ធ្លាប់ត្រូវបានគ្រូទាយ ធ្វើការទស្សន៍ទាយរួចហើយថា ពួកគេ នឹងមិនបែកគ្នានោះទេ ហើយលទ្ធផល ដូចការទស្សន៍ទាយមែន។ នេះទំនងជាពួកគេ ជាគូព្រេងពីអតីតជាតិហើយមើលទៅ ជួបរឿងប្រេះឆាគ្នាប៉ុណ្ណា ក៏នៅតែជួបគ្នាវិញដដែល។
ជាក់ស្ដែង នៅថ្ងៃទី២៤ ខែកញ្ញា ឆ្នាំ២០២១នេះ លោកដែន សូនី បានបង្ហោះរូបថតស្វីៗជាច្រើនសន្លឹក ជាមួយអ្នកនាងLove Riya និងទែនទែន ក្នុងឈុតប្រពៃណី មើលទៅពិតជាសមសួនខ្លាំងណាស់។ នៅក្នុងការបង្ហោះនេះ ទោះលោក ដែន សូនី មិនបានសរសេរអ្វីក៏ដោយ ក៏យើងអាចមើលឃើញថា ពួកគេ ពិតជាមានក្ដីសុខខ្លាំងណាស់។
ចំពោះអ្នកគាំទ្រវិញ គ្រាន់តែឃើញពួកគេស្លៀកឈុតប្រពៃណីយ៉ាងស្រស់ស្អាតទៅវត្តបែបនេះ ក៏លើកឡើងថា «ស្អាតណាណ់ណប់ទាំងបីស្រលាញ់ពេញបេះដូង, សូមអោយស្រលាញ់គ្នាជារៀងរហូតប្អូន, បងនិយាយ ពិតកុំឈ្លោះប្រូសមគ្នាណាស់ចាប់ដៃគ្នារកស៊ីទៅដឹងតែមានខ្លាំង ហើយបើកហាងលាងឡាន បើកហាងលក់ឡានទៀតទៅប្រូ,
គូនេះសមគ្នាណាស់ត្រូវសន្ដោស និងអភ័យទោសឲ្យគ្នាទៅវិញទៅមកកាន់ដៃគ្នារហូតចាស់រៀងខ្លួនគឺគ្មានអ្វីដែលស្អាតជាងប្អូនទាំងពីរនាក់នេះទេ, ចុមឥឡូវត្រូវគ្នាវីញហើយលោកសូនីត្រូវពីថ្ងែណា, សមគ្នាណាស់, ស្រស់ស្អាតទាំង៣នាក់, ទែនៗលេងពួយដេកចឹងម៉ង»៕
