និយាយដល់ឈ្មោះ Ah Gi Leader ប្រិយមិត្តច្បាស់ជាស្គាល់រួចមកហើយថា រូបនាង ជានារីវ័យក្មេងម្នាក់ ដែលជោគជ័យលើការលក់ផលិតផលតាមអនឡាញ ហើយធ្លាប់អះអាងថា ក្នុង១ថ្ងៃខ្លួនអាចរកបានក្នុងចន្លោះពី ២ម៉ឺន ទៅ៥ម៉ឺនដុល្លារនោះ។
Ah Gi Ladies មានឈ្មោះពិតថា តេង ស៊ីណាត ហៅ អាជី បានភ្ជាប់ពាក្យ កាលពីថ្ងៃទី២២ ខែកក្កដា ឆ្នាំ២០២១កន្លងទៅ ហើយគ្រាន់តែថ្លៃបណ្ដាការ ដែលអាជី ទទួលបានរហូតដល់ទៅ ៥០០លានរៀល ខ្សែកពេជ្រ តម្លៃខ្ទង់៧ម៉ឺនដុល្លារ ព្រមទាំងផ្ទះមួយខ្នង តម្លៃជាង១០ម៉ឺនដុល្លារ។
ក្រោយភ្ជាប់ពាក្យពួកគេ បានទទួលឱកាសការងារជាបន្តបន្ទាប់ និងបង្ហាញភាពផ្អែមល្ហែមជាមួយគ្នាស្ទើរតែគ្រប់ការឡាយលក់ផលិតផល តែថ្មីៗនេះ ស្រាប់តែបាត់វត្តមានគូដណ្ដឹងរបស់នាង លេងឃើញបង្ហាញមុខជាមួយគ្នាទៀត ធ្វើឲ្យអ្នកគាំទ្រពួកគេមានចម្ងល់ ហើយក៏សួររក។
នៅពេលដែលមានការសួររកនោះ អាជី បានប្រាប់នៅក្នុងការឡាយកាលពីថ្ងៃទី២០ ខែកញ្ញាថា ថ្ងៃនេះ ខ្លួនចេញឡាយ ប្រកាសនៅទំព័រឡាយច្បាស់ៗ ហើយអត់ក្រឡាស់ពាក្យសម្ដីវិញទេ ហើយឈប់សួរម្នាក់ហ្នឹងតទៅទៀត ខ្លួនលែងគ្នាហើយ ប៉ាម៉ាក់ទាំងសងខាងមកហើយ លែងគ្នាដាច់ហើយ។
អាជី បញ្ជាក់ទៀតថា បើខ្លួនថា លែងគ្នា លែងគ្នាហើយ ហើយកុំនិយាយឈ្មោះម្នាក់ហ្នឹងឲ្យខ្លួនស្ដាប់ទៀត។ ម្នាក់ហ្នឹងគ្មានអ្វីស្អាតសម្រាប់ខ្ញុំទេ មុខដូចឆ្កួត ខ្លួនសម្រេចចិត្តលែងចោលហើយ ហើយខ្លួនមកឡាយថ្ងៃនេះ មករកប្រុស រកឈ្មោល អីចឹងអ្នកណាគេដែលSingle សង្ហា ១ម៉ែត្រ៨២, ១ម៉ែត្រ៨៣ ឬ១ម៉ែត្រ៨៥ ដាក់CVមក ខ្លួនក្រមុំចែសតែម្ដង។
អាជី បានប្រាប់ទៀតថា កុំយករឿងនេះ ទៅផ្សព្វផ្សាយជាសាធារណៈឲ្យសោះ ពួកខ្លួនគ្រាន់តែភ្ជាប់ពាក្យទេ លែងគ្នាពេលណាក៏បានដែរ។ ខ្លួនស្អាតពីធម្មជាតិទាំងអស់ ម្នាក់ហ្នឹងស្អាតដោយសារការកែ ចឹងខ្លួនអត់ត្រូវការយកមនុស្សកែ មកធ្វើជាប្ដីទេ ខ្លួន ត្រូវការយកមនុស្សធម្មជាតិដូចខ្លួន៕ ដើម្បីកាន់តែជ្រាបច្បាស់ សូមទស្សនាវីដេអូ ខាងក្រោមនេះ ៖
