កាលពីយប់ថ្ងៃទី១៨ ខែកញ្ញា ឆ្នាំ២០២១កន្លងទៅនេះ អ្នកនាង សួស វីហ្សា និងលោកថមី បានឡាយលក់កាបូប ដោយមានចំនួនអ្នកទស្សនាច្រើនបំផុតរហូតដល់ជិត២០ម៉ឺននាក់ ហើយក្រោយឡាយចប់ គិតមកត្រឹមម៉ោង១និង២០នាទីរំលងអធ្រាត្រឆ្លងចូលថ្ងៃទី២០ ខែកញ្ញា មានអ្នកទស្សនាសរុបរហូតដល់២,៩លានដងឯណោះ។
ការ ដែលមានអ្នកទស្សនាដ៏ច្រើនលើសលប់បែបនេះ ក៏ដោយសារតែលោក ថមមី តុបតែងខ្លួន ធ្វើកាយវិការ និង និយាយកំប្លុកកំប្លែង ទាក់ចិត្តអ្នកទស្សនា ចូលមើលហើយដកចិត្តមិនរួច តាមដានដូចរឿងភាគអញ្ចឹង។
ចំនួនអ្នកមើលដ៏ច្រើនបែបនេះ ក៏ត្រូវបានអ្នកនាង សួស វីហ្សា បញ្ជាក់នៅពេលនោះថា បំបែកកំណត់ត្រាអ្នកឡាយលក់អនឡាញស្រុកខ្មែរ ដែលមានអ្នកទស្សនាច្រើនបំផុត ហើយរូបអ្នកនាងផ្ទាល់ ឡាយ ច្រៀង ស្ទើរតែស្លាប់ទៅវិញហើយ ក៏មិនទាន់មានអ្នកមើលច្រើនបែបនេះដែរ ខ្លាំងណាស់ត្រឹម១ម៉ឺននាក់ប៉ុណ្ណោះ។
និយាយពីលោកថមមី វិញ នៅផ្ទះតុបតែងខ្លួន ធ្វើកាយវិការ សម្ដីសំដៅ ដូចតារាកំប្លែងអាជីពអញ្ចឹង ដើម្បីឲ្យអ្នកទស្សនា ក៏ដូចភរិយារបស់លោកផ្ទាល់ បានសើចសប្បាយ រំសាយអស់ទុក្ខកង្វល់ ហើយក៏ដើម្បីមានអ្នកទស្សនាច្រើន ពេលឡាយលក់ផលិតផលផងដែរ។
ចំណែក នៅកន្លែងធ្វើការវិញ គេឃើញលោកថមមី តុបតែងខ្លួនយ៉ាងស្រស់សង្ហារ ស្វាហាប់ ពាក់អាវធំ ចូលរួមប្រជុំប្រចាំខែ ជាមួយក្រុមការងារ មើលទៅ ខុសគ្នាដាច់ពីទិដ្ឋភាពនៅផ្ទះ ជាហេតុធ្វើឲ្យអ្នកគាំទ្រសរសើរមិនដាច់ពីមាត់ ហើយសូម្បីតែអ្នកនាង សួស វីស្សា ជាភរិយា ក៏ចាប់អារម្មណ៍ចំពោះទិដ្ឋភាពទាំង២នេះដែរ។
ជាក់ស្ដែង នៅយប់ថ្ងៃទី១៩ ខែកញ្ញា ឆ្នាំ២០២១ អ្នកនាង សួស វីហ្សា បានបង្ហោះ ទិដ្ឋភាព ពេលប្ដីឡាយជាមួយខ្លួន ធ្វើឆ្កួតធ្វើជា និងទិដ្ឋភាពនៅកន្លែងធ្វើការឈរ, អង្គុយយ៉ាងស្រស់សង្ហា ភ្ជាប់ជាមួយខ្លឹមសារថា «រូបភាពមួយសន្លឹកនេះរយលានអត្ថន័យសម្រាប់ខ្ញុំ»។
ចំពោះអ្នកគាំទ្រ វិញ បានលើកឡើងថា «ពិតណាស់ប្ដីល្អចេះបត់បែនគ្រប់កាលៈទេសៈតាមស្ថានភាពក្នុងនាមជាប្ដីដើរតួជាឪពុកផង ជាបងប្រុស និងជាមិត្តគ្រប់ពេលដែលយើងពិបាកចិត្តគាត់អាចជួយលើកទឹកចិត្តយើងគ្រប់ពេល ខ្ញុំសុំសរសើរស្វាមីបង និងបងដោយស្មោះនិងកាលគាំទ្រការស្រលាញ់បងជាច្រើនឆ្នាំ, ពិតជាមានន័យណាស់បងប្រុស,
មនុស្សស្រីសំណាងបំផុត ដែលអាចរកបានបុរសម្នាក់ ដែលអាចធ្វើបានគ្រប់យើងដើម្បីនាង លះបង់ដើម្បី មិនខ្វល់ថា អ្នកដទៃគេគិត ឬនិយាយអ្វីពីខ្លួនឡើយ សំខាន់ គាត់ជាតួឯក តួកំប្លែងសម្រាប់មនុស្សស្រីដែលគាត់ស្រឡាញ់, មានបុរសបែបនេះប៉ុន្មាននាក់ទៀត រំភើបចិត្ត, ចែវីស្សាជាមនុស្សសំណាងដែរបានបងប្រុស Tommy ជាប្ដី»៕
