ប្រិយមិត្តមួយចំនួន បានជ្រាបរួចមកហើយថា កាលពីថ្ងៃទី១៥ ខែកញ្ញា ឆ្នាំ២០២១ ឧកញ៉ា ហ៊ីង បញ្ញារិទ្ធ ហៅ ពូម៉ៅ បានសម្រេចចិត្តទៅសាងផ្នួសមួយរយៈ ក្រោយពីព្យាយាមអស់លទ្ធភាពក្នុងផ្សះផ្សាជាមួយអ្នកស្រី ទ្រី ដាណា នោះ។
មុននឹងទៅសាងផ្នួសនោះ ពូម៉ៅ បានចេញវីដេអូ សុំទោស ដោយរៀបរាប់ថា ដោយសារតែខ្លួនអស់ជម្រើស សូម្បីតែហ្វេសប៊ុក, តេឡេក្រាម, ប្រព័ន្ធទាក់ទងទាំងអស់ ភរិយារបស់លោក បានប្លុកចោលអស់ហើយ។ ដូច្នេះលោកគ្មានជម្រើសអ្វី ក្រៅពីធ្វើវីដេអូនេះឡើយ ដើម្បីបង្ហាញជូនភរិយាបានឃើញ។
ពូម៉ៅ បានបញ្ជាក់ថា កន្លងមក ខ្លួន និងភរិយា បានឈ្លោះគ្នាពិតប្រាមែន រហូតឈានដល់ការដាក់ពាក្យបណ្ដឹងមិនឲ្យលោកចូលផ្ទះ។ លោកថា នេះមិនមែនជាការសម្ដែងដើម្បីប្រយោជន៍ ដូចការលើកឡើងមួយចំនួននោះឡើយ គ្មានអ្នកណាយកកិត្តិយសគ្រួសារមកសម្ដែងនោះទេ។ នេះដោយសារការខឹងមួយឆាវ ឈានទៅដល់ចំណុចនោះ។
ពូម៉ៅ បញ្ជាក់ទៀតថា នេះក៏ជាវីដេអូមួយ ដែលលោកធ្វើការសុំទោសជាសាធារណៈ ក៏ដូចជាការសុំទោសដល់ភរិយារបស់លោក ព្រោះរយៈពេលកន្លងមកនេះ លោករស់នៅផ្ទះម្ដាយរបស់លោក។ ដូច្នេះរយៈពេលរស់នៅបែកគ្នានេះ លោក បានគិតឃើញពីចំណុចខ្វះខាត និងកំហុសរបស់ខ្លួន។លោកនឹងធ្វើការកែប្រែដើម្បីគ្រួសារ ភរិយា និងកូន។
ពូម៉ៅ បានបន្ថែមទៀតថា លោកសុំធ្វើវីដេអូនេះ ដើម្បីសុំអភ័យទោសដល់ភរិយា ដើម្បីឲ្យគាត់បានឃើញ ហើយដកពាក្យបណ្ដឹងពីតុលាការ ឲ្យលោកបានចូលផ្ទះ មើលថែប្រពន្ធ និងកូន ដូចដើមវិញ។
ពូម៉ៅ បញ្ជាក់នៅចុងវីដេអូថា ខ្លួនទៅបួសមួយរយៈពេល ដើម្បីយកធម៌ មកដាក់ក្នុងខ្លួន រកអ្វីដែលស្ងប់។ បន្ទាប់មកលោក នឹងធ្វើអ្វីៗដើម្បីគ្រួសាររបស់លោក។
ដោយឡែក នៅថ្ងៃទី១៦ ខែកញ្ញា ឆ្នាំ២០២១នេះ សាមណេរ រិទ្ធ ហៅពូម៉ៅ បាន និមន្តបិណ្ឌបាត្រ តាមភូមិ ឃើញទៅ ពិតជាជ្រះថ្លាណាស់ ហើយត្រូវបានគណនីហ្វេសប៊ុកឈ្មោះ «Man Liva» ធ្វើការឡាយវីដេអូ ដោយដាក់Captionថា «លោកគ្រូ ព្រះចៅ វត្តពោធិអណ្តែត នឹង លោកបង ម៉ៅ និមន្តបិណ្ឌបាត»។ ដើម្បីកាន់តែជ្រាបច្បាស់ទៀតនោះ សូមទស្សនា វីដេអូ ខាងក្រោមនេះ ៖
