កាលពីថ្ងៃទី១៤ ខែកញ្ញា ឆ្នាំ២០២១ ជាថ្ងៃខួបកំណើតរបស់កំពូលតារាចម្រៀងស្រីប្រចាំផលិតកម្មរស្មីហង្សមាសអ្នកនាង ឱក សុគន្ធកញ្ញា នោះ គេសង្កេតឃើញថា មានមហាជន អ្នកគាំទ្រ និងមិត្តសិល្បករសិល្បការិនីរួមទ្រនំ ជាមួយគ្នា បានបង្ហោះសារជូនពរព្រោងព្រាត។
ក្នុងចំណោមមិត្តភក្ដិរួមទ្រនំជាមួយគ្នានេះ ក៏មានតារាចម្រៀងពេជ្រ សោភា ផងដែរ ដោយនាងបង្ហោះរូបថត និងសារជូនពរ ដូច្នេះថា «Happy birthday My Friend! ជូនពរសំណាងល្អ និងសម្រេចគ្រប់បំណង ទោះពួកយើងអត់ ដែលមានរូបថតច្រើនជាមួយគ្នា
តែយើងមានអនុស្សាវរីយ៍ច្រើនណាឯង ចាំមិនភ្លេចទេឯងនឹងខ្ញុំនៅម៉ាឡេស៊ីបន្ទាប់មួយយើងនៅពីរនាក់ ពួកយើងរត់ចែកជើងគ្នា ព្រោះតែនាងជីងចក់ និងនាងតុកែ ធ្វើម៉ូតសក់អោយគ្នាទៅវិញទៅមក June SP ជូនពរ September ASK ចង់អ្វីបានដូចបំណង»។
គួរបញ្ជាក់ថា ឱក សុគន្ធកញ្ញា កើតនៅថ្ងៃទី១៤ ខែកញ្ញា ឆ្នាំ១៩៨៧ នៅខណ្ឌចំការមន រាជធានីភ្នំពេញ។ អ្នកនាង បានផ្លាស់ប្ដូរផលិតកម្មពីមួយទៅមួយ ដោយនៅឆ្នាំ ១៩៩៩-២០០៥ អ្នកនាង បានចាប់ផ្ដើមអាជីពតន្ត្រីក្នុងផលិតកម្ម រស្មីស្ទឹងសង្កែ ហើយនៅឆ្នាំ២០០៦-២០០៧ នាងឈរជើងនៅផលិតកម្មU2 Entertantment Production។
ក្រោយមក នៅឆ្នាំ២០០៨ ឱក សុគន្ធកញ្ញា ក៏បានចូលរួមក្នុងផលិតកម្ម Rock Musicហើយនៅចុងឆ្នាំ២០០៨ នាងក៏ចាកចេញ ពីផលិតកម្ម Rock ទៅចូលរួមជាមួយផលិតកម្មរស្មីហង្សមាស រហូតមកដល់បច្ចុប្បន្ន។ ដូច្នេះគិតរហូតមកដល់ពេលនេះ អ្នកនាង បានសាងភាពល្បីល្បាញនៅផលិតកម្មរស្មីហង្សមាស ប្រមាណជាង១០ឆ្នាំមកហើយ៕
