តើ​ការប្រើ​រូប​ប្រាសាទ ​ដែលជា​អរិយធម៌​ខ្មែរ​សម័យអង្គរ​តុបតែង​ឆាក​ក្នុង​ចម្រៀង​បរទេស​ជា​រឿង​គួរ​ឲ្យ​ក្តៅក្រហាយ​ដែរ​ឬ​?

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

កាលពីថ្ងៃទី១០ ខែកញ្ញា ឆ្នាំ២០២១កន្លងទៅនេះ Lisa សមាជិក​របស់​ក្រុម BLACKPINK បានចេញ​វីដេអូ​ចម្រៀង MV ជា​ផ្លូវការ​បទ «LALISA» ហើយក្នុងឈុតមួយនៃMVនេះ Lisa បានដាក់​បញ្ចូល រូបប្រាសាទភ្នំរុង​ ដែល ជា​បុរាណ​ស្ថាន​ដ៏​សំខាន់​ប្រចាំ ខេត្ត​បុរីរម្យ ប្រទេសថៃ ជាទឹកដីកំណើតរបស់នាងនោះ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ជុំវិញការបញ្ចូលរូបប្រាសាទនេះ មានទាំងមតិវិជ្ជមាន និងអវិជ្ជមានពីសំណាក់អ្នកប្រើប្រាស់បណ្ដាញសង្គមហ្វេសប៊ុកនៅកម្ពុជា ទើបទំព័រហ្វេសប៊ុក «Amazing Cambodia» បានធ្វើការវែកញែក ដោយពន្យល់ ភ្ជាប់ជាមួយភស្ដុតាងដូច្នេះថា «តើ​ការប្រើ​រូប​ប្រាសាទ​ដែលជា​អរិយធម៌​ខ្មែរ​សម័យអង្គរ​តុបតែង​ឆាក​ក្នុង​ចម្រៀង​បរទេស​ជា​រឿង​គួរ​ឲ្យ​ក្តៅក្រហាយ​ដែរ​ឬ​?

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

មានប្រតិកម្ម​ជាច្រើន​ទាំង​វិជ្ជមាន និង អវិជ្ជមាន​ចំពោះ​ការយក​រូប​ប្រាសាទ​ដើម​របស់​ខ្មែរ​ទៅប្រើ​ប្រាស់​ជា​ឆាក​ក្នុង MV របស់​អ្នកចម្រៀង​ជនជាតិ​ថៃ​ឈ្មោះ Lisa (Lalisa Manoban) នៃ​ក្រុម Blackpink របស់​ប្រទេស​កូរ៉េ​។ ខ្ញុំ​សូម​លើក​ចំណុច​សំខាន់ៗ​មួយចំនួន​មក​ចែករំលែក តែ​ខ្ញុំ​មិនមែនជា fan គាំទ្រ​ចម្រៀង​របស់​នាង ឬ ជា fan ឧស្សាហកម្ម​ចម្រៀង​របស់​ប្រទេស​កូរ៉េ​ឡើយ (​ដូចនេះ ខ្ញុំ​មិន​ទទួល​ឥទ្ធិពល​ពី​ប្រជាប្រិយភាព​របស់​នាង ឬ ក្រុម​របស់​នាង​ឡើយ​):

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

១. ប្ញ​សគល់​នៃ​បញ្ហា គឺ ត្រង់​ថា​អ្នក​ប្រើ​បណ្តាញ​ហ្វេ​ស​ប៊ុ​ក​ក្នុងស្រុក​ជាច្រើន​គិតថា អ្នកចម្រៀង​រូបនេះ​មាន​ចេតនា​ចង់​ចម្លង​ប្រាសាទ “​ខ្មែរ​” ទាំង​ដែល​នាង​ជា​ថៃ​សោះ​។ បើតាម​ជីវប្រវត្តិ​របស់​នាង នាង​មានឈ្មោះ​ដើម​ថា ប្រាណ​ព្រី​យ៉ា មនោ​បាល (​ដូរ​ទៅជា ឡា​លី​សា មនោ​បាន​) មានកំណើត​នៅ​ខេត្ត​បុរីរម្យ អតីត​ខេត្ត​មួយ​របស់​ខ្មែរ​ពី​អតីតកាល​។ យើង​ក៏​ដឹង​ហើយ​ថា ប្រាសាទភ្នំរុង ជា​គោលដៅ​ទេសចរណ៍ និង ជា​បុរាណ​ស្ថាន​ដ៏​សំខាន់​ប្រចាំខេត្ត​នោះ អាច​ថា​ជា​អត្តសញ្ញាណ​របស់​ខេត្ត​ក៏បាន​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ហេតុអ្វី​បានជា សិល្បការិនី​មួយរូប​មិនអាច​ផ្សព្វផ្សាយ​ពី​កន្លែង​កំណើត ឬ បញ្ចូល​អ្វីដែល​ទាក់ទង​នឹង​ស្រុកកំណើត​របស់​នាង​ទៅក្នុង​ស្នាដៃ​សិល្បៈ​របស់​នាង​បាន​? ឧ​ទា​: ខ្មែរ​ម្នា​ក់កើត​នៅ​ប៉ៃលិន គាត់​មិនអាច​បង្ហាញ​ពី​ភ្នំ​យ៉ា​ត ឬ វត្ត​កោង​កាង លើ​ឆាក​អន្តរជាតិ​បានទេ​ឬ ដោយសារតែ​វា​ជា​ស្លាកស្នាម​វប្បធម៌​ជនជាតិ​កូ​ឡា​? អ្នក​បាត់ដំបង​គ្មាន​សិទ្ធិ​ផ្សាយ​ពី​មី​កូ​ឡា មី​កន្តាំង ឬ វិហារ​ចិន​ស្វាយប៉ោ​បាន ដោយសារ​វា​ជា​របស់​ដើម​របស់​សាសន៍​គេ​? ហ្នឹង​មិន​រាប់ ករណី​ដែល​នាង​អាចមាន​សែស្រឡាយ​ឈាមជ័រ​ជា​ខ្មែរសុរិន្ទ (​សព្វថ្ងៃ ហៅថា ថៃ​ឦសាន​) ផង​!

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

២. អ្នកខ្លះ​យក​ប្រាសាទ​ដែល​នាង​ប្រើ​ទៅ​ផ្ទឹម​នឹង​រូប​ប្រាសាទបន្ទាយស្រី​ដែល​សព្វ​ថ្ងៃជា​របស់​ខ្មែរ​។ វា​គ្រាន់​តែមាន​រចនាបថ​ដូច​ឬ​ស្រដៀង​គ្នា (​បើ​មើល​តែ​នឹង​ភ្នែក​) តែ​មិនអាច​ទាញ​ថា Concept ពិត​របស់​នាង​ពិតជា​ចម្លង​ចេញពី​ប្រាសាទបន្ទាយស្រី​ដូច​ការចោទប្រកាន់​នោះទេ​។ រចនាបថ​បែបនេះ​មាន​បង្កប់​នៅក្នុង​មត៌ក​ស្ថាបត្យកម្ម​ខ្មែរ​ជាច្រើន​ទាំង​នៅក្នុង​និង​នៅក្រៅ​ប្រ​ទស (​ប្រទេសជិតខាង​បច្ចុប្បន្ន​)​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

តាមពិត រចនាបថ​នេះ​យក​លំនាំ​តាម​ផ្នែក​មួយ​នៃ​ប្រាសាទភ្នំរុង​ដែល​ពិតជា​មត៌ក​វប្បធម៌​-​ប្រវត្តិសាស្ត្រ​របស់​ខ្មែរ​ពី​អតីតកាល ប៉ុន្តែ​(​សព្វថ្ងៃ​)​វា​កំពុង​ស្ថិតក្នុង​បូរណភាព​ទឹកដី​ប្រទេស​ថៃ​ទៅហើយ​។ ហេតុអ្វី​បានជា​យល់ថា ប្រជា​ជនជាតិ​សាសន៍​មួយ​មិនអាច​ប្រើ​អ្វីដែល​ស្ថិតក្រោម​ការគ្រប់គ្រង​ក្នុង​ដែនដី​របស់គេ​បច្ចុប្បន្ន​បាន​? គេ​មិនអាច​ថតកុន ថត​ចម្រៀង ឬ យក​ជា concept inspiration ទៅ​ច្នៃ​ជា​ផលិតផល​សិល្បៈ​ថ្មីៗ​បាន​?

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

៣. ក្តីបារម្ភ​មួយទៀត​របស់​កូន​ខ្មែរ (​មួយចំនួន​) គឺ​ចេះតែ​ខ្លាច​ថា​ពេល​បទ​គេ​ផ្ទុះ​ល្បី​ខ្លាំង​ទៅ ពិភពលោក​យល់ច្រឡំ​ថា ប្រាសាទ​ហ្នឹង​ជា​របស់​ថៃ គេ​លែង​ស្គាល់​ថា​ជា​ប្រាសាទខ្មែរ​។ ត្រង់ចំណុច​ហ្នឹង ខ្ញុំ​គិតថា ផលិតករ​មិនទាន់​សរសេរ​អក្សរ​លោត​ថា “​ប្រាសាទ​ថៃ​កសាង​” លើ​នោះ​ឯណា​? ហើយ​ទស្សនិកជន​ទូទាំង​ពិភពលោក ក្នុង​បរិបទ​សម័យ Internet បើ​មានរឿង​អ្វីមួយ​ដែល​គេ​សង្ស័យ គេ​អាច search Google រកឃើញ​ការពិតហើយ​។ មិនមែន​អ្នក​ស្តាប់​សុទ្ធតែ​មនុស្ស​ល្ងង់​ឯណា​? ក្មេង​វិទ្យាល័យ​ក៏​ចេះ search ដែរ​! សម្រាប់​ករណី​ប្រាសាទភ្នំរុង​មួយ​នេះ នៅក្នុង wikipedia (​ដែល​ភាគច្រើន​និយម​ចូល​មើល​ព័ត៌មាន​ទូទៅ​) មិន​ថា ជា​ភាសា​ខ្មែរ ភាសា​ថៃ ឬ អង់គ្លេស​ទេ សុទ្ធតែ​បាន​លើក​ពី​ប្រវត្តិ​វា​មានភ្ជាប់​ព្រះនាម​ព្រះមហាក្សត្រ​ខ្មែរ​សម័យអង្គរ មានន័យថា​អ្នកណាៗ​ក៏​ដឹងថា​ជា​ស្លាកស្នាម​វប្បធម៌​ខ្មែរ​ដែរ (​មិន​រាប់បញ្ចូល ក្មេងៗ​ក្នុង​ហ្វេ​ស​ប៊ុ​ក ឬ Tik Tok ដែល​និយាយ​មិន​ផ្លូវការ​)​។ បើ​មាន​ឯកសារយោង​ហើយ ភ័យ​ធ្វើ​អី​?

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

៤. នៅក្នុង​គេហទំព័រ​ផ្លូវការ​របស់​សារព័ត៌មាន​អន្តរជាតិ​ធំៗ CNN ក៏​គេ​បញ្ជាក់​ប្រើពាក្យ​ថា Buriram: Khmer Ruins, UNESCO ដាក់ថា “built by King Surayavarman II’s relative…” ជាដើម​។ យើង​ទៅ​ខ្វល់​អី​នឹង​ថៃ​ឬ​ខ្មែរ​មួយចំនួន​ដែល​និយាយ​មិន​សាច់​ការ (i.e. online news, fake accounts, individual posts…etc)

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

សួរថា​ពិភពលោក​គេ​មើល​និង​ជឿ​តាម​ស្ថាប័ន media ធំៗ ឬ ការ​បង្ហោះ​ឯកជន​របស់​បុគ្គល​ក្នុង​ហ្វេ​ស​ប៊ុ​ក​??? (​សូម​មើលរូប​ភ្ជាប់​ចម្លង​ចេញពី CNN & UNESCO website ខាងក្រោម​)

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

៥. បើ​យើង​ពិតជា​ខ្វល់​រឿង ភាពជា​កម្មសិទ្ធិ ឬ ភាពជា​ម្ចាស់​ដើម (ownership/ originality) ចុះ​ម្តេច​ពេលមុន ពេលដែល​តារា​បរទេស Taylor Swift យក​វីដេអូ​footage​ទាក់ទង​ពី​ប្រាសាទខ្មែរ​ជំនាន់​មុន​បញ្ចូល​ក្នុង​ចម្រៀង​របស់គេ យើង​មិន​ប្រតិកម្ម​ឈឺចិត្ត​ដែល​គេ​យក​ប្រាសាទ​យើង​ទៅប្រើ​មិន​ឆ្លងកាត់​ក្រសួង​វប្បធម៌​ខាងយើង ឬ ផ្តល់ដំណឹង​ឲ្យ​យើង​ដឹង​មុនពេល​ចេញផ្សាយ​ដែរ​ទៅ​? យើង​ទៅជា​គិតថា​ជា​មោទកភាព​ដែល​បរទេស​យក​វប្បធម៌​ខ្មែរ​ទៅ​ជួយ​ផ្សព្វផ្សាយ​ឲ្យ​ពិភពលោក​បានដឹង​ទៅវិញ​?

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

បើ​ធ្លាប់មាន​ផ្នត់គំនិត​បែបនេះ​ដែរ យើង​គួរ​គិត on the bright side (​វិជ្ជមាន​) ថា បើ​បទ​នោះ​ល្បី វា​អាចជួយ​ទាក់ទាញ​កូរ៉េ ឬ fan ក្រុម​ចម្រៀង​នោះ​គ្រប់ទិសទី​ឲ្យ​មក​ទស្សនា​រចនាបថ​ប្រាសាទ​ដូនតា​របស់​យើង​ដែល​កំពុង​ស្ថិតនៅ​ទាំងពីរ​ប្រទេស (​ទាំង​ថៃ​និង​ខ្មែរ ព្រោះ​ប្រាសាទ​បែបនេះ​មាន​រ៉ា​យ​ប៉ាយ​ច្រើន​ទីតាំង​) និយាយ​ទៅ​គឺ​ចូលរួមចំណែក​លើកស្ទួយ​ទេសចរណ៍​ក្នុង​តំបន់ (​ឥទ្ធិពល​ដោយ​ប្រយោល​) ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

៦. បើ​ស្រឡាញ់​ជាតិ គួរ​យក​ពេល​រង់ចាំ​តាមដាន Stalk សាសន៍​ដទៃ ទៅ​ច្នៃ​ប្រតិដ្ឋ​បង្កើត​អ្វីដែល​ថ្មី​ជា​មុខមាត់​មោទកភាព​ជាតិ កុំ​ចាំ​ដល់​គេ​យកទៅ​បាន​… ។ ថ្ងៃ​ណាមួយ​នៅពេល​យើង​ប្រឹង​ឲ្យ​ដល់ position របស់គេ​សព្វថ្ងៃនេះ ឬ ចំណុច​ខ្ពស់​វ៉ា​ដាច់​គេ យើង​នឹង​លែង​សូវ​មាន​អាកា​រៈ​ដូច​សព្វថ្ងៃនេះ​ដោយ​ស្វ័យប្រវត្តិ​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ផ្ទុយទៅវិញ បើ​យើង​នៅតែ​ដូច​បច្ចុប្បន្ន យើង​នឹង​នៅតែមាន​សម្ពាធ ភ័យខ្លាច​បាត់បង់ ខឹងសម្បារ កើតទុក្ខ​ទោម្នេញ បែបនេះ​រហូត​។ សង្ខេប​: “​ប្តូរ​ទម្លាប់​ពី​ការចេញ​ប្រតិកម្ម​ខួបប្រាំងខួបវស្សា មកជា​ការប្រកួតប្រជែង​បញ្ចេញថ្វីដៃ​ក្នុង​ក្របខណ្ឌ​តំបន់​ឲ្យ​ឈានមុខ​គេ​”»៕ ប្រភព ៖ Amazing Cambodia»​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​


Related posts

Leave a Comment