គេនៅចាំបានថា អតីតតារាចម្រៀងផលិតកម្មRockម៉ូលីកា បានរៀបការជាមួយតារាសម្ដែងហុង មានុណ ហៅឆានុន កាលពីថ្ងៃទី១៨ ខែមករា ឆ្នាំ២០២០ ធ្វើឲ្យកក្រើកក្នុងពិភពសិល្បៈ ព្រោះតែរៀបចំពិធីមង្គលយ៉ាងប្រណិតចំណាយលុយអស់ជាង១០ម៉ឺនដុល្លារ ខណៈអ្នកទាំងពីរធ្លាប់មានប្រវត្តិស្នេហ៍កម្សត់កម្រជាមួយគ្នាជាង៣ឆ្នាំ។
ក្រោយរៀបការ អ្នកនាងម៉ូលីកា ក៏បានពពោះ ហើយធ្វើការសម្រាលកូនដំបូងរបស់ខ្លួន កាលពីថ្ងៃទី៥ ខែកក្កដា ឆ្នាំ២០២០ ដោយកូនស្រីនោះ មានឈ្មោះ នុណ ច័ន្ទម៉ូនីតា។ ការមានកូនស្រីនេះ គេសង្កេតឃើញថា គ្រួសាររបស់ពួកគេ កាន់តែមានសុភមង្គល តែឧស្សាហ៍មានរឿងរ៉ាវជាមួយគ្នាឥតឈប់ផងដែរ ពាក់ព័ន្ធនឹងការប្រចណ្ឌរបស់ម៉ូលីកា ដោយចោទថា ប្ដីរបស់ខ្លួនមានស្រីនោះ។
ជុំវិញរឿងថា ប្ដីមានស្រីនេះ អ្នកនាង ម៉ូលីកា តែងតែបង្ហោះនៅលើបណ្ដាញសង្គមហ្វេសប៊ុក ធ្វើឲ្យមតិមួយចំនួនក៏សម្ដែងការអាណិតចំពោះនាង ខណៈមតិមួយចំនួនទៀត ក៏គិតថា នេះជាការសម្ដែងប៉ុណ្ណោះ ព្រោះឮតែឈ្លោះបែកៗមិនដឹងប៉ុន្មានដងហើយទេ ហើយទីបំផុតក៏ត្រូវគ្នាវិញដដែល។
ទោះយ៉ាងណា នៅថ្ងៃទី៩ ខែកញ្ញា ឆ្នាំ២០២១នេះ ម៉ូលីកា បានបញ្ជាក់ហើយថា អ្វីទាំងនោះ មកពីការប្រចណ្ឌរបស់ខ្លួនប៉ុណ្ណោះ ហើយធ្វើការបង្ហោះសារសុំទោសប្ដីថា «សុំទោសណាប្ដីដែលប្រពន្ធប្រចណ្ឌបងពេក បងល្អពេកហើយទោះអូនផុសថា អោយបង ក៏បងមិនដែលតបតអូនដែរ
បងចាំឲ្យអូនត្រជាក់ចិត្តបាត់ខឹង ទើបមកនិយាយជាមួយអូន បងមិនដែលខឹងអូន ដែលផុសអាក្រក់ពីបង ជេរបង អូនសុំទោសណា Meanon Hongយើងធ្លាប់លំបាកជាមួយគ្នាច្រើនណាស់អូនមិនអាចឈប់ស្រលាញ់ប្ដីបានទេ
ហើយក៏សុំទោសអ្នកដែលថា ខ្ញុំសម្ដែងផង នេះមិនបានសម្ដែងទេតែមកពីខ្ញុំស្រលាញ់ប្ដី ប្រចណ្ឌប្ដីខ្ញុំពេក ហើយឆេវឆាវពេកមិនខ្វល់ថាពេលផុសថាឲ្យប្ដីហើយមានគេស្អប់ខ្ញុំម៉េចក៏ខ្ញុំមិនខ្វល់ ខ្ញុំខ្វល់តែអារម្មណ៍ខ្ញុំ1ឆាវៗ អោយតែខ្ញុំផុស គេជេរប្ដីខ្ញុំ ពេលខ្ញុំខឹង ខ្ញុំមានអារម្មណ៍ធូរខ្លះចឹង ខ្ញុំវានៅចរិតក្មេងពេក សុំទាំងអស់គ្នាផងណា»៕
