គេនៅចាំបានថា កាលពីថ្ងៃទី២២ ខែកក្កដា ឆ្នាំ២០២០ អ្នកស្រី ទ្រី ដាណា ថៅកែហាងពេជ្រចិត្តធម៌ បានសាងភាពភ្ញាក់ផ្អើលសម្រាប់អ្នកគាំទ្រ ខណៈអ្នកស្រី បានឡាយវីដេអូ បង្ហាញមុខកូនស្រីរបស់ខ្លួនលើកដំបូង ជាមួយនឹងការផ្ដល់ជាកាដូ ជារថយន្ត lamborghiniដ៏ស្រស់ស្អាតនោះ។
ការភ្ញាក់ផ្អើលចំពោះអ្នកគាំទ្រនោះ ដោយហេតុថា កន្លងមក គេមិនដឹង រឿងអ្នកស្រី ទ្រី ដាណា មានកូនស្រីពេញរូបពេញរាងបែបនេះនោះឡើយ ហើយចាប់តាំងពីពេលបង្ហាញមក កេរ្តិ៍ឈ្មោះកូនស្រីរបស់អ្នកនាង ចាប់ផ្ដើមល្បីល្បាញមិនធម្មតានោះឡើយ ដោយគ្រាន់តែបង្កើតផេកភ្លាម មានអ្នកចូលទៅចុចឡាយព្រោងព្រាតសឹងមិនគួរឲ្យជឿនោះ។
អ្វី ដែលធ្វើឲ្យអ្នកគាំទ្រសឹងមិនគួរឲ្យជឿ និងសរសើរទៀតនោះ ក្រោយពីកូនស្រីរបស់អ្នកស្រីទ្រី ដាណា មានឈ្មោះថា «ដាណាភីន» បានបញ្ជាក់នៅលើបណ្ដាញសង្គមទីកតុក កាលពីពេលថ្មីៗថា ខ្លួនមិនមានលុយទុកច្រើនដូចគេនោះទេ ហើយគេលក្ខណៈធម្មតាៗ តែគេមានលុយចាយច្រើន ខ្លួនមានលុយសន្សំ មានតែលុយចាយធម្មតា ៥ពាន់ ៤ពាន់រៀល។
ដោយឡែកថ្ងៃនេះ ជាថ្ងៃខួបកំណើតរបស់នាងនោះ, ម៉ាក់ល័ក្ខ ដែលទើបតែចុះកុងត្រាជាមួយអ្នកស្រី ទ្រី ដាណា ក្នុងតម្លៃខ្លួន១០ម៉ឺនដុល្លារ បានបង្ហោះសារជូនពរថា «Happy birthday to oun ជូនពរអោយអូនមានសម្រស់កាន់តែស្អាត សុខភាពល្អ សំណាងល្អ ពេញមួយជីវិត»។
ចំណែកអ្នកស្រី ទ្រី ដាណា ក៏បានបង្ហោះសារជូនពរកូនរបស់ខ្លួនដែរថា «ថ្ងៃនេះជាថ្ងៃខួបកំណើតរបស់កូនស្រីម៉ាក់ ជូនពរកូនឱ្យមានសុខភាពល្អអនាគតល្អ និងជួបតែសេចក្តីសុខ ក្នុងជីវិត និងជួបតែមនុស្សល្អៗ»៕
