អង់គ្លេស៖ លោក Gabriel Agbonlahor ដែលជាអតីតកីឡាកររបស់ Aston Villa បាននិយាយថាខ្សែប្រយុទ្ធ Harry Kane គឺជាខ្សែប្រយុទ្ធពូកែបញ្ចប់ទីបំផុតតាមដែលលោកធ្លាប់ឃើញ គឺល្អជាង Cristiano Ronaldo ទៅទៀត។
ខ្សែប្រយុទ្ធ Cristiano Ronaldo
Ronaldo បានវិលត្រឡប់មកទឹកដី Old Trafford វិញក្រោយចាកចេញអស់រយៈពេលជាង១២ឆ្នាំ ដោយមានការសាទរពីសំណាក់អ្នកគាំទ្រ ខណៈដែល Harry Kane ដែលជាខ្សែប្រយុទ្ធឆ្នើមប្រចាំក្លិប Tottenham Hotspur រកបាន១៥គ្រាប់ក្នុងរយៈពេល៧ឆ្នាំចុងក្រោយនេះ។
ដូច្នេះទើប Agbonlahor បានកោតសរសើរសមត្ថភាពរបស់ប្រធានក្រុមជម្រើសជាតិអង់គ្លេសរូបនេះដោយបានថ្លែងប្រាប់ talkSPORT ថា៖
គេ(Harry Kane) ជាខ្សែប្រយុទ្ធល្អផ្ដាច់គេក្នុងលោក ហើយក្រោយទីផ្សាររដូវក្ដៅបិទ យើងបានឃើញ Ronaldo ផ្ទេរមក Premier League ,Lukaku ក៏មក Chelsea រហូតដល់យើងភ្លេចពី Harry Kane ។ គ្រាប់បាល់របស់គេរកបាននៅ Premier League គួបផ្សំនឹងទម្រង់លេងរបស់គេព្រមទាំងការបញ្ជូនបាល់និងស៊ុតបញ្ចូលទី សុទ្ធតែជាភ័ស្តុតាងបញ្ជាក់ថាគេគួរតែទទួលបានការចាប់អារម្មណ៍។ គេជាអ្នកបញ្ចប់ទីល្អបំផុតដែលគ្មានអ្នកណាធ្វើដូចទេ។
នៅពេលអ្នកសម្ភាសន៍សួរថាតើលោកចង់បាន Harry Kane ឬ Ronaldo លោកបានថ្លែងថា៖
ខ្ញុំនឹងជ្រើសរើសយក Harry Kane បើសិនអ្នកមើលពីការបញ្ចប់ទីគឺ គ្មានអ្នកណាល្អដូច Harry Kane ទេ។
ប្រភពពីkhmerload
