លោកអ្នក បានជ្រាបរួចមកហើយថា តារាសម្ដែង អេដ វីន ត្រូវបានកម្លាំងកងរាជអាវុធហត្ថបញ្ជូនចូលពន្ធនាគារ តាមដីកាបង្គាប់ឲ្យឃុំខ្លួន លេខ ៖ ៤៤៣៥ “ញ”ដ.ឃ.ដ ចុះថ្ងៃទី២៣ ខែមិថុនា ឆ្នាំ២០២១ របស់សាលាដំបូងរាជធានីភ្នំពេញ។
ស្របពេលកំពុងជាប់ឃុំនោះ ស្រាប់តែនៅថ្ងៃទី១២ ខែសីហា ឆ្នាំ២០២១កន្លងទៅនេះ ក៏ទទួលដំណឹងថា ម្ដាយរបស់តារាសម្ដែងអេដ វីន បានទទួលមរណភាព ធ្វើឲ្យអ្នកគាំទ្រ លោកសម្ដែងការអាណិតជាពន់ពេក។
ទោះយ៉ាងណាថ្មីៗនេះ ស្រាប់តែអ្នកនាង សុទ្ធ បញ្ចកា បានទម្លាយរឿងរ៉ាវជាច្រើនទៀត ពាក់ព័ន្ធនឹងតារាសម្ដែង អេដ វីន ធ្វើមកលើខ្លួន ហើយថែមទាំង បញ្ជាក់ពីការនៅក្រៅឃុំរបស់តារាសម្ដែងរូបនេះ ទៀតផង។
ស្របពេលរឿងនេះ កំពុងក្លាយជាប្រធានបទដ៏រសើបសម្រាប់អ្នកគាំទ្រនោះ ស្រាប់តែនៅថ្ងៃទី៣ ខែសីហា ឆ្នាំ២០២១កន្លងទៅនេះ, រូបថតជាច្រើនសន្លឹក បង្ហាញពីទិដ្ឋភាព ដែលតារាសម្តែងរូបនេះ កំពុងគ្រងស្បង់ចីពរ ត្រូវបានបង្ហោះនៅលើបណ្តាញសង្គមហ្វេសប៊ុក បង្កឲ្យមានការចាប់អារម្មណ៍ជាខ្លាំង។
គេមិនទាន់ដឹងតារា តារាសម្ដែងរូបនេះ បួសរយៈពេលប៉ុន្មានថ្ងៃ ហើយបួសដើម្បីអ្វីនោះឡើយ ដោយគ្រាន់តែដឹងថា ការបួសនេះ កើតឡើង បន្ទាប់ពីរូបលោក មានសេរីភាព និងក្រោយពីម្ដាយរបស់លោកទទួលមរណភាព៕
