នេះអាចចាត់ទុកជាលើកទី១ហើយសម្រាប់កំពូលតារាចម្រៀងខេមរៈ សិរីមន្ត ដែលបង្ហោះវីដេអូ ចូលចង្ក្រានបាយក្នុងនាមជាចុងភៅ ស្លៀកអៀម លេងស្ទាយ វាលខ្នង ធ្វើឲ្យអ្នកគាំទ្រចាប់អារម្មណ៍ជាខ្លាំង។
បង្ហោះភ្ជាប់ជាមួយវីដេអូ ចូលចង្ក្រានបាយ គាស់អយស្ទ័រ ក្នុងសម្លៀកបំពាក់ជាចុងភៅ លេងស្ទាយវាលខ្នង ឃើញដងខ្លួន ពោរពេញដោយស្នាមសាក់នោះ, តារាចម្រៀងមានដើមកំណើតពីខេត្តកំពង់ចាមរូបនេះ បានដាក់Captionថា «ត្រូវការចុងភៅជំនាញគាស់អយស្ទ័រទេណាបាទ»។
តាមរយៈនេះ បានធ្វើឲ្យអ្នកគាំទ្រមានការចាប់អារម្មណ៍ខ្លាំងណាស់ ដោយគ្រាន់តែបង្ហោះរយៈពេល៩ម៉ោង គិតត្រឹមម៉ោង៥និង៣០នាទីរសៀលថ្ងៃទី៣១ ខែសីហា ឆ្នាំ២០២១នេះ មានអ្នកចុចReactជាមេដៃ បេះដូង…ជាង១ម៉ឺន ចែករំលែកជាង៣០០ និងបញ្ចេញមតិជិត៥០០។
ក្នុងចំណោមមតិជាច្រើននេះ ពួកគេ បានលើកឡើងថា «លេងម៉ូដម្ល៉េះidolខាងក្រោយខ្នង, ស្រលាញ់ ត្រង់សាក់ហ្នឹងណាស់! បង, ចេញសាច់ខ្ចី ហើយ ចែចុងភៅ អត់ដឹងរសជាតិម៉េចទេខ្ញុំធ្លាប់ហូបតែ ខ្យងស្រែ ក្តាមស្រែ, ស្លៀកចឹង ដូចទិនហ្វីលក់សាច់ជ្រូក 007,
ចុងភៅស៊ិចស៊ីម៉េស, ឆ្ងាញ់ត្រង់អៀមហ្នឹងហ្មង, គាំងអាយដល, ក្នាញ់អើយក្នាញ់ចែៗ ចង់តែ….., ចែ មន្ដដូចខ្ទើយសាច់ដុំចឹង, ចុងភៅសិចស៊ី, ស្មានតែខ្ទើយសាច់ដុំមកពីណា»៕ ដើម្បីកាន់តែជ្រាបច្បាស់ជាងនេះទៀតនោះ សូមទស្សនា វីដេអូ ខាងក្រោមនេះ ទាំងអស់គ្នា ៖
