មួយរយៈចុងក្រោយនេះ បើទោះអ្នកស្រី ទ្រី ដាណា ធ្វើការបដិសេធរឿងស្នេហារបស់ខ្លួនជាមួយលោក សេង មង្គល ក៏ពិតមែន តែសកម្មភាពរបស់ពួកគេ នៅតែជាមន្ទិលរបស់អ្នកគាំទ្រនៅឡើយ។
ជាក់ស្ដែង ថ្មីៗនេះ អ្នកស្រី បានបណ្ដើរលោកសេង មង្គល ទៅពិធីមង្គលការមួយ ហើយបង្ហោះរូបថតជាច្រើនសន្លឹកជាមួយគ្នា មើលទៅស្និទ្ធស្នាលខ្លាំងណាស់ ដូចប្ដីប្រពន្ធ ឬគូស្នេហ៍ពិតៗអញ្ចឹង។ លើសពីនេះ កាលពីថ្ងៃទី៦ ខែមីនា អ្នកស្រី និង លោក សេង មង្គល បានថតរូប កាន់ដៃអូនប៊ី មើលទៅដូចគ្រួសារតែ១អញ្ចឹង និងមានសកម្មភាពស្វីតៗជាមួយគ្នាជាច្រើនទៀត ដែលជាការថតស្ពតនោះ។
ដោយឡែក នៅថ្ងៃទី១៦ ខែមីនា ឆ្នាំ២០២៣នេះ អ្នកស្រី ទ្រី ដាណា បានបង្ហោះរូបថតជាច្រើនសន្លឹកជាមួយលោកសេង មង្គល ដើម្បីជាការបង្ហាញផលិតផលថ្មី អមដោយសាររៀបរាប់ពីទំនាក់ទំនងរបស់ពួកគេថា «រយៈពេល១ឆ្នាំហើយដែលពួកយើងស្គាល់គ្នា ពីមុនជាអ្នកដទៃ តែឥលូវពួកយើងនៅតែជាអ្នកដទៃដដែល តែដោយសារxsទើបយើងបានថតជិតគ្នាទៀតជឿអត់បងអូន»។
ជាការឆ្លើយតបទៅនឹងការលើកឡើងខាងលើនេះ ស្រាប់តែនៅថ្ងៃដដែលនោះ លោក សេង មង្គល ដែលកំពុងធ្វើការBA, ផ្សព្វផ្សាយ ថត សម្ដែងផ្សេងៗ ជាមួយអ្នកស្រី ទ្រី ដាណា ជាហូរហែនោះ បានចូលខំមិនថា «ពីមុនអ្នកដទៃ ឥលូវគ្រាន់ជាងអ្នកដទៃបន្តិច»។
ក្រោយមក នៅថ្ងៃទី១៧ ខែមីនា ឆ្នាំ២០២៣នេះ ពួកគេ បានគ្រងឈុតអប្សរា មើលទៅដូចព្រះនាង និងព្រះអង្គម្ចាស់សម័យបុរាណ ដើម្បីត្រៀមបង្ហាញឈុតពេញនៅថ្ងៃក្រុងពិលីកម្មវិធីសង្គ្រានnnp ជាប់វិមានឈ្នះៗ នៅថ្ងៃទី២៤ ខែមីនា ឆ្នាំ២០២៣ខាងមុខនេះ។
ការតុបតែងខ្លួនរបស់ពួកគេមើលទៅពិតជាសមគ្នា និងស្រស់ស្អាតខ្លាំងណាស់។ ទោះយ៉ាងណា មានមតិខ្លះលើកឡើងថា «ប្រើក្រែមក្រហមស្រស់បងបានត្រូវនឹងគ្រឿង ខ្ញុំអ្នករបាំបុរាណនៅសាលាវិចិត្រ ផាត់មុខមិនចេះតែផាត់ដូចដើរលេង ស៊ីការទេ សំលៀកបំពាក់ត្រូវក្បួនខ្នាត តែផាត់មុខខុស»៕
