លោកអ្នក មួយចំនួន ប្រហែលជា បានជ្រាបរួចមកហើយ នូវខ្សែជីវិតរបស់អតីតពលករប្រទេសកូរ៉េ អ្នកឧកញ៉ា ឡេង ណាវ៉ាត្រា ដែលកើតចេញពីត្រកូលកសិករ និងមានដើមកំណើតនៅខេត្តព្រៃវែង ហើយក៏ជាបុគ្គល ដែលតស៊ូខ្លាំងបំផុតដើម្បីចាកចេញពីភាពក្រីក្រ ដោយបច្ចុប្បន្នកំពុងជោគជ័យលើមុខជំនួញជាច្រើន។
ទន្ទឹមនឹងភាពជោគជ័យលើមុខជំនួញ អ្នកឧកញ៉ា ក៏សកម្មនឹងការងារមនុស្សធម៌ផងដែរ ដោយគ្រាន់តែថវិកា និងគ្រឿងឧបភោគបរិភោគ ក្នុងការចូលរួមប្រយុទ្ធប្រឆាំងកូវីដ-១៩ នាពេលកន្លងមក គិតជាទឹកប្រាក់ មិនក្រោម១០លានដុល្លារនោះទេ។
ងាកមកមើលជីវិតគ្រួសារវិញ, អ្នកឧកញ៉ា ឡេង ណាវ៉ាត្រា និង លោកជំទាវ ឈឿន ស្រីម៉ាច បានរៀបការជាមួយគ្នា កាលពីអំឡុងឆ្នាំ២០១៥ ក្រោយពីស្វែងយល់ចិត្តគ្នាអស់រយៈពេលរហូតដល់ទៅ៨ឆ្នាំនោះ។ ក្រោយរៀបការ ហើយរស់នៅជាមួយគ្នាយ៉ាងមានសុភមង្គល រហូតមកដល់ពេលនេះ ពួកគេ ទទួលបានចំណងដៃកូនប្រុសស្រីចំនួន៣នាក់ក្នុងបន្ទុក។
នៅថ្ងៃទី២៦ ខែសីហា ឆ្នាំ២០២១ បើទោះមមាញឹកនឹងការងារប៉ុណ្ណា ក៏អ្នកឧកញ៉ា មិនភ្លេចថ្ងៃពិសេសរបស់កូនដែរ ដោយឆ្លៀតធ្វើរឿងមួយនេះ ទាល់តែបាន។ ជាក់ស្ដែង អ្នកឧកញ៉ា បានបង្ហោះរូបថត៣សន្លឹក អមដោយសារ បញ្ជាក់ដូច្នេះថា «ខួបកូនប្រុសមានតែប៉ុណ្ណឹង មិនគេងទេនៅចាំលោកពុកចប់ការងារដល់ម៉ោង9យប់ ចឹងមានតែទិញនំអោយ បាននំហើយនៅទាមទារហែលទឹកទៀត»។
តាមរយៈនេះ មានការលើកឡើង និងជូនពរថា «ក្តីសុខណាស់បង, គ្រួសាររីករាយ, Happy Birthday! សាមញ្ញៗតែមានក្ដីសុខសម្រាប់គ្រួសារបង, ជីវិតមានន័យខ្លាំងណាស់ អ្នកឧកញ៉ា,ខ្ញុំសូមជូនពរដល់ក្រុមគ្រួសារ ជួបតែសេចក្តីសុខ សុភមង្គល និងមានសំណាងល្អគ្រប់ពេលវេលា»៕
