ក្រោយពីសែនព្រេនតាមប្រពៃណី ហើយសម្រេចចុះសំបុត្រអាពាហ៍ពិពាហ៍ក្លាយជាប្ដីប្រពន្ធស្របច្បាស់រួចមក ឧកញ៉ា លាន អាហ្វ្រីលគីនីន និងអ្នកលក់អនឡាញដ៏ល្បីអ្នកនាង យូ លីណា តែងតែបង្ហាញភាពផ្អែមល្ហែមមើលទៅពិតជាមានក្ដីសុខខ្លាំងណាស់។
អ្វីជាការកត់សម្គាល់នោះ ពួកគេតែងតែបំពេញចន្លោះប្រហោងឲ្យគ្នា ហើយទោះមានអ្នកណានិយាយមិនល្អ ចង់ឲ្យពួកគេបែកបាក់គ្នាយ៉ាងណា ក៏ស្នេហារបស់ពួកគេនៅតែរឹងមាំដដែល ដោយពួកគេមិនស្ដាប់តាមការចាក់រុករបស់មតិណាមួយឡើយ។
ជាក់ស្ដែង កាលពីយប់ថ្ងៃទី២១ ខែធ្នូ ឆ្នាំ២០២២នេះ ឧកញ៉ា លាន អាហ្វ្រីលគីនីន បានលើកសរសើរភរិយាខ្លួនថា ថា «ប្រពន្ធលានអាហ្រីលគីនីន ពូកែ ឆ្លាត ស្អាត ដឹងចិត្តប្ដី ការពារប្ដី លើកមុខទុកតម្លៃឲ្យប្ដីជាធំ ពូកែលួងចិត្តប្ដីណាស់ បេះដូងបង អរគុណអូន ដែលចូលមកក្នុងជីវិតរបស់បង ព្រមទទួលយកបងទាំងអាក្រក់និងល្អ
អូនចេះយោគយល់ ផ្ដល់គំនិត ពិភាក្សាឆ្លងយោបល់ គោរពបងដូចឪពុកថែបងដូចកូន ប្រុសខូចខិលដូចបងមិនដែលជួបភាពស្មោះត្រង់ អន់ចិត្តងរប្ដីអូនដេកឱបកូន អូនឡាយ មិនដែលចេះដើរលេងផឹកស៊ីខាងក្រៅ បើគ្មានបងនៅក្បែរ រក្សារតម្លៃខ្លួនមុខមាត់ប្ដីជាធំ សរសេរមិនអស់ពីចិត្តបង តែបងសំណាងធំ»។
ងាកមក អ្នកនាង យូ លីណាវិញ នៅថ្ងៃទី២៥ ខែកុម្ភៈ ឆ្នាំ២០២៣ បានបង្ហោះរូបថតពេលភ្ជាប់ពាក្យជាច្រើនសន្លឹក ហើយពោលពាក្យថា «ជីវិតគូ បើចង់ខ្លាំង គឺ ប្រេះស្រាំ បែកបាក់ បើចង់គង់វង្ស គឺ ខ្ជិលឈ្លោះ មិនមែនខ្ញុំស្លូតទេ តែខ្ញុំខ្ជិល មិនមែនខ្ញុំគ្មានប្ដីស្លា,,ប់ទេ តែខ្ញុំខ្ជិល មិនមែនប្ដីខ្ញុំសង្ហា ឬអស្ចារ្យទេតែខ្ញុំខ្ជិល បើសិនអ្នកជាប្ដីលះ,,បង់បញ្ហាមិនបានទេ ខ្ញុំក៏ខ្ជិល»៕
