គង់ ចាន់ស្រីមុំ ជាតារាស្រីម្នាក់ ដែលគេស្គាល់ថា ចូលចិត្តធ្វើអ្វីបំពេញសេចក្ដីសុខខ្លួនឯង មិនខ្វល់ពីសម្ដីអ្នកដទៃនិយាយបែបណានោះឡើយ ដូចជាការស្លៀកពាក់បែបស៊ិចស៊ី, ការតុបតែងខ្លួនប្លែកៗ ជាដើមនោះ ហើយចំណុចនេះ នាងក៏ធ្លាប់លើកឡើងផងដែរ។
ក្រៅពីនេះ គង់ ចាន់ស្រីមុំ មិនត្រឹមតែជាលំដាប់សិល្បការិនីមានឈ្មោះបោះសំឡេងលើវិថីសិល្បៈតែម្យ៉ាងនោះទេ តែនាង ក៏ត្រូវបានជាប់ឈ្មោះជាលំដាប់តារាស្រីអភិជន មានការចាយវាយទិញសម្ភារៈទំនើបៗ និង ដើរលេងកម្សាន្តបែបអភិជនយ៉ាងហ៊ឺហា។
ជាក់ស្ដែងកាលពីឆ្នាំមុន គណនីទីកតុកមួយឈ្មោះ «Rainnie Dara »បានទៅដល់បន្ទប់ទឹករបស់អ្នកនាង គង់ ចាន់ស្រីមុំលើកដំបូង ស្រាប់តែលាន់មាត់សរសើរថា ពិតជាធំខ្លាំងណាស់ ហើយនៅទីនោះពោរពេញដោយកាបូប និង ខោអាវ ប្រ៊េនៗ។ ក្នុងនោះ គណនីទីកតុកខាងលើ ក៏បានបង្ហាញកាបូបមួយ មានតម្លៃរហូតដល់ទៅ២ម៉ឺនដុល្លារឯណោះ។
បន្ថែមលើនេះ កាលពីថ្ងៃទី២៣ ខែកុម្ភៈ ឆ្នាំ២០២៣គង់ ចាន់ស្រីមុំ បានបង្ហាញរថយន្ត ស៊េរីទំនើបពណ៌លឿងយ៉ាងថ្មីសន្លាងមួយគ្រឿងបន្ថែមទៀត ចតតម្រៀបគ្នាជាមួយរថយន្តរបស់អ្នកនាង និង ស្វាមីពណ៌លឿងទំនើបៗផ្សេងទៀត។ បង្ហោះភ្ជាប់ជាមួយរថយន្តទាំងនេះ អ្នកនាង គង់ ចាន់ស្រីមុំ បានប្រាប់យ៉ាងខ្លីថា «ធ្វើម៉េចបើគេស្រឡាញ់លឿងតាមប្តី»។
ទោះយ៉ាងណាអ្វីៗ ដែល គង់ ចាន់ស្រីមុំ មានដូចសព្វថ្ងៃនេះ មិនមែនបានមកដោយងាយៗ ឬសុខៗលុយធ្លាក់ពីលើមេឃនោះទេ ពោលគឺសុទ្ធតែកើតចេញពីកម្លាំងញើសឈាមរបស់នាង ដែលខិតខំប្រឹងប្រែងបំពេញការងារ រកស៊ីប្រចាំថ្ងៃទាំងឈឺ ទាំងជានោះ។
បង្ហោះភ្ជាប់ជាមួយរូបថតជាច្រើនសន្លឹកនៅយប់ថ្ងៃទី២៤ ខែកុម្ភៈ ឆ្នាំ២០២៣ គង់ ចាន់ស្រីមុំ បានរៀបរាប់ដូច្នេះថា «កូនអោយ ខាងឈឺ និងធ្វើការមិនខ្វល់ពីខ្លួនឯង ជីវិតខ្ញុំសាំម្យ៉ាងដែរ ២ថ្ងៃមុនឈឺចង់ស្លា,,ប់ ក្រោយមកសាកថ្មដាក់សេរ៉ូម រស់មកធ្វើការបំពេញតួនាទីវិញបាន2ថ្ងៃ ដួលទៅវិញទៀតបាត់ហើយ ជីវិតគេអោយរស់ស្រួលមិនចង់ទេ កម្មអើយស្រីកម្ម ឈឺសូម្បីតែសម្រាកក៏មិនហ៊ាន អោយតែមានកម្លាំងបន្តិចគឺរត់ទៅធ្វើការរកស៊ីទៀតហើយ ចង់ប្រាប់ថា មិនចេះនៅស្ងៀមដេកស៊ីទេ ចឹងគ្រប់យ៉ាង ដែលខ្ញុំមានសព្វថ្ងៃគឺកើតចេញមកពីកម្លាំងញើសឈាមផ្ទាល់ ខំណាស់ ប្រឹងណាស់ ទើបមានថ្ងៃនេះ មិនមែនដេកសុខៗលុយធ្លាក់ពីលើមេឃមកអោយទេ»៕
