និយាយដល់ឈ្មោះ អ្នកនាង ចោម ច័ន្ទ ប្រិយមិត្តភាគច្រើន ច្បាស់ជានឹកឃើញភ្លាមថា កន្លងមក នាងបានយកតុក្កតា ធ្វើជាប្ដី តែក្រោយមកស្រាប់តែឃើញនាង បានបង្ហាញមុខស្វាមីរបស់ខ្លួនជាជនជាតិអារ៉ាប់ ដ៏សង្ហាមួយរូប ធ្វើឲ្យអ្នកគាំទ្រឃើញហើយសរសើរមិនដាច់ពីមាត់នោះទេ។
កាលពីប៉ុន្មានខែមុន ក្នុងឆ្នាំចាស់, អ្នកនាង ចោម ច័ន្ទ ទើបតែនាំស្វាមីរបស់ខ្លួនទៅជួបឪពុកម្ដាយ ហើយបង្ហោះរូបថត និងសារបញ្ជាក់ដូច្នេះថា «មកលេងពុកម៉ែរួចរាល់ ក៏បន្តការងារធម្មតាពុកម៉ែគ្រួសារទាំងមូលទទួលស្គាល់កូនប្រសា សរសើរខាងប្រុសម៉ងហេតុតែស្រលាញ់ចូលស្ទឹងតាមបទ»។
លើសពីនេះ ពួកគេ ឧស្សាហ៍នាំគ្នាដើរកម្សាន្ត, ចែកអំណោយ, ចូលរួមកម្មវិធីតូចធំជាដើម។ ក្រៅពីនេះ, គូស្នេហ៍ ដែលមិនទាន់លេចឮដំណឹងចូលរោងការមួយគូនេះ តែងតែថតរូបបង្ហាញភាពផ្អែមល្ហែម មើលទៅពិតជាគួរឲ្យច្រណែនខ្លាំងណាស់។
ទោះយ៉ាងណា ពួកគេទំនងជាជិតដល់ថ្ងៃចូលរោងការជាមួយគ្នាហើយមើលទៅ ដោយសារតែនៅថ្ងៃទី២១ ខែកុម្ភៈ ឆ្នាំ២០២៣នេះ ចោមច័ន្ទ បានបង្ហោះរូបថតបង្ហាញភាពផ្អែមល្ហែមជាមួយគ្នាមើលទៅឡើងត្រជាក់ភ្នែក ហើយបង្ហើបយ៉ាងខ្លីថា «យល់ចិត្តគ្នាខ្លាំងទៅ មិនយូរមិនឆាប់ដល់ថ្ងៃពិសេស»។
បន្ថែមលើនេះ នៅថ្ងៃទី២៣ ខែកុម្ភៈ ឆ្នាំ២០២៣នេះ អ្នកនាង ចោមច័ន្ទ បានបង្ហោះរូបថតជាច្រើនសន្លឹកជាមួយគ្នាថែមទៀត ហើយទម្លាយរឿងខាងប្រុសតាមស្រឡាញ់ខ្លួនថា «តួប្រុសអារ៉ាប់តាមសុំស្នេហ៍រយៈពេលជិត៣ឆ្នាំ សុំសរសើរអោយអស់ពីចិត្តថា គាត់ពិតជាតស៊ូខ្លាំងណាស់ទម្រាំបានជួបម្ចាស់ចិត្តក្នុងក្តីស្រមៃនោះគឺ. ទ្បាំយ៉ង»៕
