ប្រិយមិត្ត បានជ្រាបរួចមកហើយថា អតីតតារាសម្ដែងរូបស្រស់សិចស៊ី ប៊េននី យុំាង ដែលមានឈ្មោះកំណើតថា លី សុគន្ធារី បានសម្រាលកូនប្រកបដោយសុវត្ថិភាព កាលពីថ្ងៃទី៦ ខែមិថុនា ឆ្នាំ២០២២ ហើយគិតមកដល់ពេលនេះ មានរយៈពេលប្រមាណ៨ខែហើយ។
អ្វីជាការកត់សម្គាល់នោះ ឃើញថា ថ្ងៃកំណើតកូនរបស់ បេនីយ៉ាំង 06.06.2022 គឺលេខ៦ទាំងអស់ ហើយបើទោះគ្មានគូស្នេហ៍នៅក្បែរចាំថ្នាក់ថ្នមក្នុងពេលសរសៃខ្ចី ក៏នាងនៅតែរឹងមាំប្រើត្រកូលខ្លួនសម្រាប់កូនប្រុសជាទីស្រឡាញ់យ៉ាងរំភើយ។
ក្នុងនាមជាអ្នកម្ដាយ Singleនៅពេលនោះ , អតីតតារាស្រី បច្ចុប្បន្នជាអ្នកលក់តាមអនឡាញ អ្នកនាង ប៊េននី យុំាងបានប្រើត្រកូលខ្លួនសម្រាប់កូនជាទីស្រឡាញ់ ដោយនាងដាក់ឈ្មោះថា លី អាន ដែលស្តាប់ទៅឃើញថា ពីរោះនិងមាំមួនស័ក្ដិសមជាកូនពូជតែម្តង។
ទោះយ៉ាងណាពេលនេះ ពួកគេ ស្រាប់តែត្រូវគ្នាវិញ ហើយមិនដឹងថា កូនរបស់នាងត្រូវដូរមកត្រកូលខាងប្ដីវិញ ឬយ៉ាងណានោះទេ។ បង្ហោះភ្ជាប់ជាមួយសារសំឡេងរបស់ស្វាមីបញ្ជាក់ចិត្តភក្ដី, ប៊េននី យុំាង បានបញ្ជាក់ច្បាស់ថា «ទីបំផុត នៅតែមិនអាចចោលគ្នាបាន8year still me»។
តាមរយៈនេះ អ្នកគាំទ្របានសម្ដែងការអបអរសាទរ, សរសើរទឹកចិត្តរបស់ ប៊េននី យុំាង និងត្រេកអរជំនួស ពេលឃើញទិដ្ឋភាពពួកគេជុំគ្រួសារវិញនោះ៕ ដើម្បីកាន់តែជ្រាបច្បាស់ទៀតនោះ សូមស្ដាប់សារសំឡេងខាងក្រោមនេះទាំងអស់គ្នា ៖
