លោកអ្នក បានជ្រាបរួចមកហើយថា លោកស្រី នួន ស៊ុន្ទរី ហៅ ស្រីអូន និងស្វាមីរបស់នាង មានងារជាឧកញ៉ានោះ ពិតជាស្រឡាញ់គ្នាខ្លាំងណាស់ ចេះអត់ឱន អធ្យាស្រ័យឲ្យគ្នា ខណៈបច្ចុប្បន្ន ពួកគេមានជំនួញជាច្រើនក្នុងដៃ។
ទោះយ៉ាងណា មួយរយៈចុងក្រោយនេះ ទំនងជាមានរឿងមិនសប្បាយចិត្តអ្វីមួយពាក់ព័ន្ធនឹងមនុស្សមួយចំនួនជុំវិញខ្លួន ទើបស្ត្រីចិត្តធម៌រូបនេះ បានបង្ហោះCaptionប្លែកៗក្នុងន័យលើកទឹកចិត្តខ្លួនឯង និងមនុស្សទូទៅ ដែលត្រូវសាច់រឿងនោះ។
ជាក់ស្ដែង កាលពីថ្ងៃទី១៥ ខែកុម្ភៈ ស្រីអូន បានបង្ហោះរូបថត១សន្លឹក ហើយពោលពាក្យយ៉ាងចាក់ដោតថា «ពាក់កណ្ដាលជីវិតមុនរស់ផ្គាប់ចិត្តគេ ពាក់កណ្ដាលជីវិតក្រោយរស់ផ្គាប់ចិត្តខ្លួនឯងម្ដង»។
ក្រោយមកនៅថ្ងៃដដែល ស្រីអូន បានបង្ហោះរូបថត២ផ្ទឹមគ្នា ហើយប្រាប់ថា «ជីវិតក្នុងហ្វេសប៊ុក Vs ជីវិតពិត ជាការពិតពិភពលោកពោរពេញទៅដោយការសម្ដែង កុំសូវជឿនៅអ្វី ដែលយើងឃើញតែមួយជ្រុងពេក »។
នៅថ្ងៃបន្ទាប់ទៀត ស្រីអូន បានបង្ហោះរូបថត១សន្លឹកទៀត ហើយពោលពាក្យយ៉ាងមានន័យថា «រឿងរ៉ាវណាដែលធ្វើឲ្យយើងមិនសប្បាយចិត្ត កើតទុក្ខ ឈឺចាប់ កាត់វាចោលខ្លះទៅ រាងកាយយើង ចិត្តយើង បេះដូងយើង ពេលខ្លះក៏ត្រូវការអោយយើងថ្នាក់ថ្នមដែរ ជីវិតនេះខ្លីណាស់ #ស្រលាញ់ខ្លួនឯង»៕
