កាលពីអំឡុងឆ្នាំ២០២២កន្លងទៅនេះ អ្នកគាំទ្រ មានការភ្ញាក់ផ្អើលម្ដងរួចមកហើយ ខណៈនៅសុខៗ ស្រាប់តែតារាសម្ដែង និងបង្ហាញម៉ូដ លី ម៉ារីណា ប្រកាសលែងប្ដីនៅលើបណ្ដាញសង្គម ក្រោមហេតុផលរស់នៅមិនចុះសម្រុងនឹងគ្នានោះ។
ជាការកត់សម្គាល់ ក្នុងការរស់នៅជាមួយស្វាមី លោក សាត ចាន់ថន រយៈពេលជាង១០ឆ្នាំមកនោះ លី ម៉ារីណា មិនសូវបើកបង្ហាញ មុខមាត់ស្វាមីឲ្យមហាជន ស្គាល់បានច្រើននោះទេ ខណៈរហូតមកដល់បច្ចុប្បន្ន ពួកគេមានកូនប្រុសម្នាក់ជាដំណាក់ឈាមរួមគ្នានោះ។
ទោះយ៉ាងណា កាលពីចុងឆ្នាំឆ្នាំ២០២១កន្លងទៅនេះ អ្នកគាំទ្រ ទើបតែស្គាល់មុខ ស្វាមី និងកូនប្រុសរបស់នាងកាន់តែច្បាស់នោះ ស្រាប់ បែរជាទទួលដំណឹងអាក្រក់នៅដើមឆ្នាំ២០២២ ដោយនាង ប្រកាសលែងគ្នាជាមួយស្វាមីយ៉ាងភ្ញាក់ផ្អើលទៅវិញ។
អ្វី ដែលកាន់តែភ្ញាក់ផ្អើលទៀតនោះ កាលពីថ្ងៃទី១៣ ខែឧសភា ឆ្នាំ២០២២ លី ម៉ារីណា បានស្វែងរកអតីតស្វាមី ដែលបានលួ,ចយកទ្រព្យសម្បត្តិគ្រឿងអលង្ការរបស់ខ្លួន និងលុយមួយចំនួនយកទៅហើយគេចខ្លួនបាត់នោះ។
ក្រោយលែងប្ដី គេសង្កេតឃើញថា សម្រស់ របស់ លី ម៉ារីណា កាន់តែស្អាតថែមទៀត។ ជាក់ស្ដែង នៅក្នុងពិធីមង្គលការ របស់ លី ឌីណា កាលពីថ្ងៃទី៣ ខែកុម្ភៈ , តារាសម្តែង លី ម៉ារីណា បានធ្វើឱ្យមិត្តភក្តិក៏ដូចជាភ្ញៀវចូលរួមលាន់មាត់សរសើរ ពេលឃើញនាង ស្ថិតក្នុងឈុតរ៉ូបពណ៌ប្លាទីនភ្លឺចែងចាំងនោះ។
បើទោះពេលនេះ មានរឿងមិន សប្បាយចិត្តដោយសារស្វាមីលួចទ្រព្យសម្បត្តិអស់ពីខ្លួនក្តី តែតារាសម្តែង លី ម៉ារីណា នៅតែមានភាពស្រស់ស្រាយ និងរឹងមាំជាធម្មតា ហើយថ្មីៗនេះ នាងថែមប្រកាសបើកបេះដូង ទទួលយកស្នេហាថ្មីថែមទៀតផង។ ស្ថិតក្នុងវ័យជាង៤០ឆ្នាំ លី ម៉ារីណា បានលើកឡើងថា «អ្នក ថ្មីអាចល្អជាងអ្នកចាស់»៕
