គេនៅចាំបានថា កាលពីប៉ុន្មានខេមុន, តារាចម្រៀង ម៉េង កែវពេជ្ជតា និងកូនស្រីពៅ បានហោះហើរទៅលេងកូនប្រុសច្បង ដែលកំពុងរស់នៅ និងសិក្សានៅប្រទេសបារាំង។ ទៅទីនោះ ចំពេលកាន់បុណ្យ, ម៉េង កែវពេជ្ជតា មិនភ្លេចឡើយនូវប្រពៃណីខ្មែរដ៏ផូរផង់របស់ខ្មែរយើង។
ម៉េង កែវពេជ្ជតា និងកូនៗ បានរៀបចំខ្លួនដើម្បីទៅវត្តកាន់បិណ្ឌនៅទីនោះ ជាមួយនឹងសម្លៀកបំពាក់ប្រពៃណីខ្មែរយ៉ាងស្រស់ស្អាត ហើយមុននឹងបានសម្លៀកបំពាក់សម្រាប់ទៅវត្តនោះ ម៉េង កែវពេជ្ជតា បានបញ្ជាក់ថា «ទៅវត្តស្លៀកអី? ខំដេរទាំងយបទាំងថ្ងៃ គឺដើម្បីស្លៀកទៅវត្តក្នុងរដូវកាន់បិណ្ឌ ដើម្បីអភិរក្សសម្លៀកបំពាក់ខ្មែរផង និងដើម្បីអោយបរទេសគាត់ស្គាល់សម្លៀកបំពាក់ស្ត្រីទៅវត្តរបស់ខ្មែរយើងយ៉ាងម៉េចផង»។
ម៉េង កែវពេជ្ជតា បន្តថា «នៅពេលដែលមានគេសរសើរថា ឈុតទាំងនេះស្អាតៗណាស់ ខ្ញុំពិតជាសប្បាយចិត្តមែនទែន តែខ្ញុំកាន់តែសប្បាយ និងមានកម្លាំងចិត្តទៅទៀតនោះគឺសម្លៀកបំពាក់ទាំងនេះជាស្នាដៃរបស់ខ្លួនឯងផ្ទាល់ (បញ្ជាក់: ខ្ញុំកាត់ដេរអាវខ្លួនឯង និងអាវសំពត់កូនផ្អែម ចំណែកសំពត់ខ្ញុំខាងកាត់ដេរ ស៊ីវម៉ីដេរអោយពីភ្នំពេញទេ ព្រោះខ្ញុំកាត់ដេរមិនទាន់ ខិខិ) ១៨.០៩.២០២២»។
ដោយឡែក ពេលត្រឡប់មកខ្មែរវិញនោះ អ្នកនាង ម៉េង កែវពេជ្ជតា បានធ្វើឲ្យអ្នកគាំទ្រកាន់តែសរសើរថែមទៀត នៅពេលអ្នកនាងស្លៀកពាក់ប្រពៃណីយ៉ាងសមសួនជាការច្នៃម៉ូតដោយខ្លួនឯង បង្ហាញវត្តមានច្រៀងក្នុងមង្គលការគេនៅកោះពេជ្រនោះ។
បន្ថែមលើនេះ នៅថ្ងៃទី៤ ខែកុម្ភៈ ឆ្នាំ២០២៣នេះ អ្នកនាង ម៉េង កែវពេជ្ជតា បានបង្ហាញឈុត ដែលខ្លួនខំដេរដាច់យប់ ហើយរៀបរាប់ថា «អ្វី ដែលខ្ញុំខិតខំទាំងយប់ ទាំងថ្ងៃបានទទួលផលហើយ
នេះជាឈុត ដែលខ្ញុំខំដេរដាច់យប់ សម្រាប់ខែទី២ ថ្ងៃទី២ នៃដើមឆ្នាំ២០២៣ ស្អាតទេបងប្អូន?
សូមអរគុណសម្រាប់កម្លាំងចិត្តទាំងប៉ុន្មានអំពីអ្នកទាំងអស់គ្នា»។
តាមរយៈនេះ អ្នកគាំទ្រលាន់មាត់សរសើរគ្រប់គ្នាថា «ផាត់មុខក៏ស្អាត មិនផាត់ក៏ស្អាតដែរអ្នកបង, សូមសរសើរកច្នៃម៉ូដរបស់អ្នកបង សាមញ្ញតែទាន់សម័យ, ពូកែទាំងព្រមណាស់អ្នកបង, ស្អាតបង ពូកែសព្វគ្រប់តែម្តងហើយ, ពូកែណាស់ប្អូនស្រី ច្រៀងក៏ពីរោះ កាត់ដេរសំលៀកបំពាក់ឡើងលើឆាក ទាំងម៉ាក់និងកូនស្រីយ៉ាងស្រស់ស្អាតណាស់ អត់សរសើរមិនបាន ស្រឡាញ់ណាស់, ស្អាត ឆ្លាត ពូកែ បានទាំងព្រម អាយដលខ្ញុំ»៕
