ក្នុងអំឡុងខែធ្នូ ឆ្នាំ២០២២កន្លងទៅនេះ អ្នកមេម៉ាយកូន១រូបស្រស់ ឡុង ម៉ានីន ( long Manin ) បានប្រកាសដំណឹងចែកផ្លូវជាមួយតារាចម្រៀង ថុល សុភិទិ យ៉ាងភ្ញាក់ផ្អើល ក្រោយជួបឧបសគ្គមួយចំនួន ដោយត្រូវប្រើប្រាស់បណ្ដាញសង្គមមួយចំនួនយល់ឃើញថា ពួកគេមិនសក្ដិសមនឹងគ្នានោះ។
នៅពេលនោះ អ្នកនាង ឡុង ម៉ានីន បានប្រកាសថា «លែងបានទើសពួកខ្ញុំទៀតហើយណា នៅច្រើនទៀតតែខ្ជិលផុស ពាក្យធ្ងន់ៗពេកសម្រាប់ខ្ញុំ ខ្ញុំមិនចង់អោយគាត់មានឈ្មោះមិនល្អដោយសារមានសង្សារដូចខ្ញុំទេ ទើបសម្រេចចិត្តចាកចេញ មិនចង់អោយប៉ះពាល់ក្តីស្រមៃគាត់ ស្រឡាញ់ខំតស៊ូមកយូរហើយ»។
ក្រោយប្រកាសបែកគ្នាក្នុងឆ្នាំចាស់ ស្រាប់តែចូលដល់ថ្ងៃទី៣១ ខែធ្នូ ជាថ្ងៃឆ្លងឆ្នាំថ្មីភ្លាម អ្នកនាង ឡុង ម៉ានីន ប្រកាសត្រូវគ្នាវិញ ជាមួយតារាចម្រៀង ថុល សុភិទិ ធ្វើឲ្យអ្នកគាំទ្ររបស់ពួកគេជាច្រើន បានសម្ដែងការអបអរសាទរ ខណៈអ្នកខ្លះជំរុញឲ្យពួកគេរៀបការឆាប់ៗផងដែរ។
តាំងពីត្រូវគ្នាវិញ ឃើញថា ស្នេហារបស់ពួកគេ កាន់តែផ្អែមល្ហែមពី១ថ្ងៃទៅមួយថ្ងៃ ជាពិសេស ថុល សុភិទិ បានមើលថែ យកចិត្តទុកដាក់ចំពោះគូស្នេហ៍របស់ខ្លួនខ្លាំងណាស់ ជាហេតុធ្វើឲ្យអ្នកនាង ឡុង ម៉ានីន តែងតែលាន់មាត់សរសើរជារឿយៗ។
ជាក់ស្ដែង នៅថ្ងៃទី៣ ខែកុម្ភៈ ឆ្នាំ២០២៣នេះ តារាចម្រៀង ថុល សុភិទិ បានបង្ហោះរូបថត១សន្លឹកយ៉ាងផ្អែមល្ហែមជាមួយគ្នា ដោយមិនបាននិយាយអ្វីទាំងអស់។ គ្រាន់តែគូស្នេហ៍បង្ហោះរូបថតភ្លាម, អ្នកនាង ឡុង ម៉ានីន ចូលទៅខំមិនភ្លែតថា «ខាងស្រីមុខចាស់ជាងខាងប្រុសបន្តិច»។
តាមរយៈរូបថតដ៏ផ្អែមល្ហែមនេះ បានធ្វើឲ្យអ្នកគាំទ្រចូលទៅខំមិនព្រាត ក្នុងនោះអ្នកខ្លះ បានចាប់អារម្មណ៍ថា «ចែនីនជ្រុតដៃលើអីគេនឹង, ពូទិ ណាដៃមួយចំហៀងទៀត?,អាវក្រៅបងទិស្អាត៕
