និយាយដល់ឈ្មោះ អ្នកនាង យុគ ចិន្តា ប្រិយមិត្តច្បាស់ជាបានស្គាល់រួចមកហើយថា រូបនាង ជាពិធីការិនីដ៏ល្បីមួយរូបឈរជើងលើវិថីសិល្បៈអស់រយៈពេលជាច្រើនឆ្នាំមកហើយ ហើយការរស់នៅរបស់អ្នកនាងទៀតសោត មានភាពសាមញ្ញខ្លាំងណាស់។
បន្ថែមលើភាពល្បីល្បាញជាយូរឆ្នាំលើវិថីសល្បៈ, បច្ចុប្បន្ន អ្នកនាង យុគ ចិន្តា ក៏មានជំនួញពេញក្នុងដៃ ហើយអាចចាត់ទុកជាអ្នកជំនួញជោគជ័យម្នាក់ ព្រោះនាង និងកូនស្រី បានបង្កើតមុខជំនួញថ្មីជាបន្តបន្ទាប់។
និយាយដល់កូនស្រីរបស់អ្នកនាងយក់ ចិន្តា វិញ មានឈ្មោះថា យុគ ដាពេជ្រ ហៅអម បច្ចុប្បន្ន មានរូបរាងធំពេញវ័យ ក្លាយជានារីក្រមុំដ៏ស្រស់ស្អាត និងមានទេពកោសល្យមួយរូបផងដែរ។ នៅថ្ងៃខួបកំណើតកូនស្រីគម្រប់អាយុ១៩ឆ្នាំ កាលពីថ្ងៃទី១៣ ខែមិថុនា ឆ្នាំ២០២២កន្លងទៅ អ្នកនាង យុគ ចិន្តា បានបង្ហោះរូបថត និងសារជូនពរយ៉ាងមានន័យថែមទៀតផង។
យុគ ចិន្តា បានជូនពរជាមួយពាក្យបណ្ដាំថា «រីករាយថ្ងៃកំណើតកូនស្រីម្ដាយឆ្នាំនេះថៅកែអមពេញក្រមុំហើយ អ្នកម្ដាយជូនពរកូន សូមអោយកូនស្រីម្ដាយ ជាកូនល្អរបស់អ្នកម្ដាយជារៀងរហូត! បណ្ដាំអ្នកម្ដាយជូនដល់កូន …. – ចូលកូនខំប្រឹងសិក្សា ចំណេះគីជាទ្រព្យ – ចូរកូនប្រកាន់ខ្ជាប់ប្រពៃណីទំនៀមទម្លាប់ជាស្រ្តីខ្មែរ – ចូរកូនខំថែកេរដំណែល ដែលម៉ែទុកអោយ ដោយក្ដីស្រលាញ់ពី អ្នកម្ដាយ របស់កូន យុគចិន្ដា 13/06/2022»។
ដោយឡែក នៅថ្ងៃទី៣១ ខែមករា ឆ្នាំ២០២៣ យុគ ចិន្តា បានបង្ហោះរូបថតកូនស្រីស្លៀកពាក់យ៉ាងសមសួន ហើយពោលពាក្យថា «កូនអើយកូនម្ដាយពេញរូបរាងកាយ តែងខ្លួនប្រពៃ អោយម្ដាយពេញចិត្ត ពេញភ្នែកញាតិថ្លៃ គេសរសើរស្រីមិនដាច់ពីមាត់ . កូនអមកូនម៉ែ ម្ដាយខំថ្នមថែប្រើពាក្យស្រដី កូនចេះលើកដាក់មនុស្ស់ចាស់ប្រុសស្រី នាម៉ឺនមន្រ្តីកូនចេះលំអោន ( ដោយក្ដីស្រលាញ់ពីអ្នកម្ដាយ ថៅកែអម)»៕
