អ្នកនាង Love Riya និងលោកប៉ូលិសរូបសង្ហា ឈ្មោះ ហេង គីមហៀង បានដឹកនាំគ្នា ចូលរោងការតាមប្រពៃណី កាលពីថ្ងៃទី១៥ ខែធ្នូ ឆ្នាំ២០២១ កន្លងទៅ ដោយគិតមកដល់ពេលនេះ មាន រយៈពេលប្រមាណ១ឆ្នាំហើយ។
ក្រោយរៀបការពួកគេ ក៏មានដំណក់ឈាមរួមគ្នា ជាកូនប្រុស។ បន្ទាប់ពីពពោះរយៈពេលប្រមាណ៩ខែ, អ្នកនាងLove Riya បានវះ,កាត់សម្រាលកូនប្រុសនោះ ដោយជោគជ័យ កាលពីថ្ងៃទី១២ ខែធ្នូ ឆ្នាំ២០២២ ដោយដាក់ឈ្មោះថា ហៀង អារីយ៉ាផាយុ ហៅតនៗ។
ហៀង អារីយ៉ាផាយុ ត្រូវបានLove Riya និងស្វាមី ធ្វើពិធីបង្កក់ ចេញខែយ៉ាងអធិកអធម កាលពីថ្ងៃទី១២ ខែមករា ឆ្នាំ២០២៣កន្លងទៅនេះ។ តែអ្វីដែលគួរឲ្យបារម្ភ ពេលនេះ ហៀង អារីយ៉ាផាយុ មានអាយុ៤៩ថ្ងៃ ស្រាប់តែមានអាការៈផ្ដាសាយ គួរឲ្យបារម្ភ។
បង្ហោះភ្ជាប់ជាមួយរូបថតកូនប្រុសកំពុងដេកឈឺនៅថ្ងៃទី៣១ ខែមករា ចេញពីបាងកក ប្រទេសថៃ, លោក ហេង គីមហៀង បានពោលពាក្យបង្ហាញក្ដីបារម្ភថា «អាណិតកូនខ្លាំងណាស់ ទើបតែកើតអាយុទើបតែបាន49ថ្ងៃសោះ ឥលូវ ផ្ដាសាយ ក្អក ឡើងស្លេះ ដកដង្ហើមតែតាមមាត់ទេពិតជាអាណិតគាត់ខ្លាំងណាស់(យើងជាមនុស្សធំពេលដែលផ្ដាសាយម្ដងៗពិបាកណាស់ហើយទម្រាំគ្នានៅតូច)ប៉ាជូនពរអោយកូនឆាប់ជាណាកូនសម្លាញ់»។
តាមរយៈនេះ មានការផ្ដល់យោបល់ថា «បើស្លេះខ្លាំងកុំទុកយូរ គួរទៅអោយពេទ្យធ្វើចលនា ជៀសវាងមានគ្រោះថ្នាក់ ខ្ញុំមានបទពិសោធន៍ហើយ បើតិចតួចឧស្សាហ៍ឆ្ពុងសេរ៉ូមប្រៃ, ទៅធ្វើចលនាស្លេះនៅ ពេទ្យកុមារជាតិទៅបងជំនាញពូកែ កូនខ្ញុំវិញស្ទះស្លេះឡើចង់ត្រដរខ្យល់ឡើងបញ្ឈរភ្នែក, កូនតូចត្រូវប្រយ័ត្ន ពេលកាន់ត្រូវលាងដៃស្អាតនិងកុំថើបពេក ពិសេសជិតមាត់កូនព្រោះក្មេងតូចផ្សេងធំផ្សេង»។ ក្រោយពីមានការផ្ដល់យោបល់ហើយនោះ លោក ហេង គីមហៀង បានធ្វើការអរគុណ និង បញ្ជាក់ពីការសម្រេចចិត្តថា «បាទអរគុណណាស់បង ឥលូវកំពុងតែត្រៀមយកទៅពេទ្យឥលូវហើយបង»៕
