គេនៅចាំបានថា កាលពីថ្ងៃទី២៧ ខែធ្នូ ឆ្នាំ២០២០កន្លងទៅ តារាចម្រៀងប្រចាំផលិតកម្មសាន់ដេ លោក អ៊ីណូ បានធ្វើពិធីខួបកំណើតរបស់ខ្លួន ជាមួយនឹងការបើកសម្ពោធឃ្លាំងរថយន្ត ដែលចំណាយដើមទុនកន្លះលានដុល្លារ ក្នុងពេលនោះតែម្ដង។
ក្រោយបើកសម្ពោធឃ្លាំងរថយន្តរយៈពេលប្រមាណ២ឆ្នាំ ស្រាប់តែនៅថ្ងៃទី១៦ ខែមករា ឆ្នាំ២០២៣កន្លងទៅនេះ តារាចម្រៀង អ៊ីណូ បានធ្វើពិធីឡើងគេហដ្ឋានថ្មី ក្រោមវត្តមានតារាល្បីៗចូលរួមជាច្រើន មានដូចជា ៖ លោក ប៉ែន ចំរុង, អ្នកនាង យក់ ថិតរដ្ឋា, លោក កែវ វាសនា, អ្នកនាង សេង សុខឃីម, លោក វង្ស ថាណាន់, លោក ចាន់ កូម៉ែន, អ្នកនាង គ្រត, លោក យឿន សូត្រអនុស្សារីយ៍,លោក គួច ខេវិន, តារាកំប្លែង ប៉េងប៉ោង ជាដើម។
អ្វីជាការចាប់អារម្មណ៍នោះ, ធ្វើពិធីឡើងគេហដ្ឋានទេ តែអ៊ីណូពាក់ខ្សែកពេជ្រ ឡើងធំ រហូតលោកប៉ែន ចំរ៉ុង ឃើញហើយ ក៏បានបង្ហោះវីដេអូនៅលើបណ្ដាញសង្គម ដោយដាក់Captionថា «Enoមិនដឹងឡើងផ្ទះ ឬឡើងខ្សែកទេនៀក»។ នៅក្នុងវីដេអូនេះ ទៀតសោត គេឃើញអ្នកចូលរួមមានការចាប់អារម្មណ៍ចំពោះខ្សែករបស់អ៊ីណូខ្លាំងណាស់។
ក្រោយឃើញលោកប៉ែនចំរ៉ុង និយាយបែបនេះហើយ អ្នកលេងបណ្ដាញសង្គមចូលទៅខំមិនព្រាតថា «ចង់ខ្ចីគាត់ពាក់មួយថ្ងៃពីរថ្ងៃ, ឡើងខ្សែកថ្មី, ខ្សែកសុទ្ធម៉ូដខ្សែកាបូបបងENO, ENO រកស៊ីតាំងពី ក្បាលតូចដល់ក្បាលធំ, ខ្សែរកCopy ពីជីដេវីតសោះ, អ៊ីណូក្បាលធំម្ល៉េះ, វីដេអូ នៅភ្នំពេញ សំឡេងនៅបាត់ដំបង»។
ទោះយ៉ាងណា នៅថ្ងៃឡើងគេហដ្ឋានថ្មីនោះ មិនមានការបង្ហើបពីតម្លៃខ្សែកនោះឡើយ ទើបតែថ្មីៗនេះ ENO បានបង្ហើបប្រាប់សារព័ត៌មានកម្សាន្តក្នុងស្រុកមួយថា បន្តោងខ្សែក ដែលមានរចនាបថឈ្មោះ “ENO” តម្លៃជិត ១ម៉ឺនដុល្លារនេះ។
អ៊ីណូ បន្តថា បន្តោងនេះ លោកកុម្ម៉ង់ជាងរចនាឡើងយ៉ាងយកចិត្ដទុកដាក់បំផុត ព្រោះលោកគិតថាបន្តោងខ្សែកដែលមានឈ្មោះ ENO ជាឈ្មោះនាំសំណាងដល់លោកចាប់តាំងពីលោកមិនទាន់ល្បី រហូតលោកមានអ្វីៗគ្រប់យ៉ាងនៅពេលនេះ៕
