ករណីអ្នកធ្វើដំណើរដឹកប្រពន្ធបីកូន ឈប់ជួយលើកម៉ូតូ ជួបគ្រោះ,,ថ្នាក់ចរា,,ចរណ៍លើស្ពានជ្រោយចង្វា កាលពីពេលថ្មីៗនេះ ហើយត្រូវអ្នកសារព័ត៌មានដ៏ល្បីម្នាក់ ស្ដីឲ្យ និងប្រាប់កុំឲ្យធ្វើបែបនេះ ដោយដោយសារសមត្ថកិច្ចមិនទាន់វាស់វែងនោះ, បានក្លាយជាប្រធានបទដ៏រសើប ក្នុងរយៈពេលកន្លងមកនេះ។
ជុំវិញរឿងនេះ ឯកឧត្តម ស សុខា បានបង្ហោះសារចែករំលែកគតិ៤ចំណុច ដោយពន្យល់យ៉ាងលម្អិត ហើយពេលនោះ សម្ដេចតេជោ ក៏បានចូលទៅខំមិន សម្ដែងការគាំទ្រថា «គាំទ្រការបកស្រាយ និងពន្យល់របស់ក្មួយស សុខា។ ត្រូវជួយគ្នាជាមុនទើបបញ្ជៀសបាននូវបញ្ហាកាន់តែធំ។ ខ្ញុំសូមអរគុណ និងកោតសរសើរចំពោះអ្នកបានជួយ ដែលនេះជាវប្បធម៌ដដ៏ល្អនៃជាតិសាសន៍យើង»។
បន្ថែមលើនេះ, ថ្លែងនៅក្នុងពិធីប្រគល់សញ្ញាបត្រជូននិស្សិតសាកលវិទ្យាល័យវេស្ទើន ជាង៣ពាន់នាក់ កាលពីព្រឹកថ្ងៃទី២៦ ខែមករា, សម្ដេចតេជោ បានមានប្រសាសន៍ថា រឿងជ្រោយចង្វារនេះ ល្មមឈប់ហើយ កុំបន្តទៅទៀត។ ប៉ុន្តែអ្វី ដែលជាការហួសចិត្តនោះ… មានអ្នកជិះម៉ូតូប៉ះគ្នាដួល ហើយមានអ្នកមកជួយលើក ខុសត្រូវយ៉ាងណា ជារឿងមួយ តែការស្ទះចរាចរណ៍លើស្ពាន មិនគួរឲ្យកើតមានទេ។ សម្ដេចថា ការជួយគ្នា ជារឿងចាំបាច់ តែអ្វី ដែលជារឿងឆ្គងត្រង់ថា អ្នកសុំទោស មិនបានសុំទោសប៉ូលិសនោះទេ ទៅសុំទោសអ្នកកាសែត, អ្នកកាសែតមានសិទ្ធិអី។
សម្ដេចបន្តថា រឿងហ្នឹង អត់ត្រូវអ្វីទាល់តែសោះ ដំបូងបំផុតចាំបាច់ត្រូវទៅជួយគ្នាសិន។ យ៉ាងណាក៏ដោយ រឿងអត់សមហេតុសមផលទេ នូវការប្រើពាក្យសម្ដីបែបនេះ បើខ្លួនជាប៉ូលិស មិនថាទេ ខ្លួនគ្រាន់តែមានទូរសព្ទមួយឡាយ អញ្ចឹងបង្កើតបានជារឿងមួយឈុតធំទៅ។
ទោះយ៉ាណា សម្ដេច មានប្រសាសន៍ទៀតថា អ្នកខ្លះក៏មានមតិជ្រុលហួសដែរថា គួរតែលុបចោលអាជ្ញាប័ណ្ណ, អ្នកខ្លះរហូតទៅដល់ថា សុំឲ្យព្រះរាជអាជ្ញាធ្វើការចោទប្រកាន់ វាអត់ត្រូវទេ ឈប់បានឈប់ទៅ បញ្ឈប់ទៅ បញ្ចប់វាត្រឹមហ្នឹងទៅ។
ក្រោយមក នៅថ្ងៃដដែលនោះ អង្គភាពសារព័ត៌មានTVFB ក្រោមការដឹកនាំរបស់ លោកស្រី គឹម សុធា និងលោក សុវណ្ណ សុខា ទទួលបានការអនុញ្ញាតទៅជួបឯកឧត្តម ផុស សុវណ្ណ ដើម្បីសុំឲ្យជួយនាំនូវពាក្យសុំអត់ឱន អភ័យទោសពីឯកឧត្តមរដ្ឋមន្រ្តី និង ថ្នាក់នាំក្រសួងព័ត៌មាន។
បន្ទាប់ពីឆ្លងផុតរឿងខាងលើនេះ, នៅថ្ងៃទី២៨ ខែមករា ឆ្នាំ២០២៣ ឪពុកម្ដាយ បានស្រោចទឹកឲ្យ ហើយ លោក សុវណ្ណ រិទ្ធី បានបង្ហោះរូបថតជាច្រើនសន្លឹកពីសកម្មភាពទាំងនេះ អមដោយការពោលពាក្យថា «បេះដូងលោកឪពុកអ្នកម្តាយសំរាប់កូន»។
តាមរយៈនេះ អ្នកគាំទ្រចូលទៅខំមិនលើកទឹកចិត្ត និងដាច់តឿនព្រាតថា «ជ្រះថ្លាណាស់បង គាំទ្របងជានិច្ច សុំបងបន្តការធ្វើល្អរហូតណាបងស៊ូៗ, ល្អណាស់ក្មួយចាប់ពីថ្ងៃនេះទៅ ប្រុងប្រយ័ត្នឲ្យបានខ្ពស់សម្រាប់តួនាទីរបស់យើង។អំពើល្អ១០០០០ដងរឿងតូច១កន្លងគេជេរយើងពេញប្រទេស។អំពើល្អគេមិនដែលរំលឹកតែអំពើអាក្រក់១គេជេរយើង។ មីងជាហ្វេនពេញបេះដូង។ព្រោះក្មួយជាអ្នកព័ត៌មានមានក្រមសីលធម៌ល្អជាងគេ ព្រោះយើងសម្តែងអំពើល្អសម្តែងមានប្រយោជន៍ដល់អ្នកក្រ។សូមរក្សាសុខភាពឲ្យបានល្អមីងសូមលើកទឹកចិត្តក្មួយ។»៕
