ករណីអ្នកធ្វើដំណើរដឹកប្រពន្ធបីកូន ឈប់ជួយលើកម៉ូតូ ជួបគ្រោះ,,ថ្នាក់ចរា,,ចរណ៍លើស្ពានជ្រោយចង្វា កាលពីពេលថ្មីៗកន្លងទៅនេះ ហើយត្រូវអ្នកសារព័ត៌មានដ៏ល្បីម្នាក់ ស្ដីឲ្យ និងប្រាប់កុំឲ្យធ្វើបែបនេះ ដោយដោយសារសមត្ថកិច្ចមិនទាន់វាស់វែងនោះ, បានក្លាយជាប្រធានបទដ៏រសើបសម្រាប់មហាជនធ្វើការវែកញែក។
ក្នុងការវែកញែកនោះ ឃើញមានទាំងមតិស្រប និងមតិផ្ទុយ។ ប៉ុន្តែតាមការកត់សម្គាល់ ឃើញថា មតិប្រឆាំងនឹងជំហររបស់អ្នក Liveផ្ទាល់ច្រើនជាងការគាំទ្រ រហូតដល់មានការស្នើសុំចាត់វិធានការច្បាប់ចំពោះអ្នកសារព័ត៌មាន ដែលធ្វើលើសពីតួនាទី និងក្រមសីលធម៌ទៀតផង។
ក្រោយពីឃើញមតិជាច្រើនរិះគន់ និងសារព័ត៌មានជាច្រើន បានចុះផ្សាយពីរឿងខាងលើនេះ កាលពីថ្ងៃទី២៦ ខែមមករា ឆ្នាំ២០២៣ អង្គភាពសារព័ត៌មានTVFB ក្រោមការដឹកនាំរបស់ លោកស្រី គឹម សុធា និងលោក សុវណ្ណ សុខា ទទួលបានការអនុញ្ញាតទៅជួបឯកឧត្តម ផុស សុវណ្ណ ដើម្បីសុំឲ្យជួយនាំនូវពាក្យសុំអត់ឱន អភ័យទោស។
បង្ហោះភ្ជាប់ជាមួយរូបថតជាច្រើនសន្លឹកក្នុងជំនួបនោះ, ឯកឧត្តម ផុស សុវណ្ណ បានបញ្ជាក់ថា «លោកស្រី គឹម សុធា ហៅលី ណា ចាងហ្វាង អង្គភាពគេហទំព័រ www.st-tvfb.comលោក សុវណ្ណ សុខា បាននាំលោក សយវណ្ណរិទ្ឋី និង បុគ្គលិកមួយចំនួន មកសុំឲ្យជួយពាំនាំ នូវ ពាក្យសុំអត់អោន អភ័យទោស ពីឯកឧត្តមរដ្ឋមន្រ្តី និង ថ្នាក់នាំក្រសួងព័ត៌មាន ក៏ដូចជារៀមច្បងជាអ្នកសារព័ត៌មាន ចំពោះការប្រព្រឹត្តជ្រុលជ្រួស ពីបន្ទាត់វិជ្ជាជីវៈនាពេលកន្លងទៅ»។
ក្រោយពីបានទៅជួបសុំការអត់ឱន អភ័យទោស រួចមក, លោក សុវណ្ណ រិទ្ធគីន ប្អូនប្រុសលោក សុវណ្ណ រិទ្ធី បានស៊ែរផុសខាងលើ អមដោយការដាក់Captionសន្យាថា «ខ្ញុំបាទសូមគោរពអរគុណលោកតា រដ្ឋមន្ត្រីក្រសួងព័ត៌មាន លោកពូឯកឧត្តម ផុស សុវណ្ណ និង បងៗ មន្ត្រីថ្នាក់ដឹកនាំទាំងអស់ រួមទាំងអ្នកកាសែតរួមអាជីព ដែលបាន ណែនាំ និង អធ្យាស្រ័យ ដល់ពួកខ្ញុំដែលជាក្មេងជំនាន់ក្រោយនេះ ពួកខ្ញុំសន្យាថា នឹង លត់ដំនឹងកែប្រែនូវកំហុសកើតមាននេះ និងមិនអោយមានលើកក្រោយទៀតទេ ដោយក្តីគោរពពីខ្ញុំនិងក្រុមគ្រួសារ»។
ងាកមកលោក សុវណ្ណ រិទ្ធី មិនបាននិយាយអ្វីបន្តទៀត ពាក់ព័ន្ធរឿងនេះទេ។ តែលោក បានបំផុសគំនិតឲ្យមានការសាងអំពើល្អក្នុងសង្គម ហើយរូបលោកផ្ទាល់ គេឃើញលោក បានបន្តធ្វើអំពើល្អជាច្រើនទៀត តាមអ្វី ដែលលោកធ្លាប់ធ្វើជាច្រើនកន្លងមកនោះ។ តាមរយៈការដឹងខុសចេះកែ និងអំពើល្អជាច្រើននេះ សង្ឃឹមថា មហាជន នឹងមិនរិះ,,គន់លោកពាក់ព័ន្ធនឹងរឿងកើតឡើងថ្មីៗកន្លងមកនេះ នោះទេ៕
