សម្ដេច​តេជោ​ ហួសចិត្ត​រឿង​អ្នក​កាសែត និង​អ្នក​លើក​ម៉ូតូ, ចំពោះ​ការ​ស្នើសុំ​ឲ្យ​ដក​អាជ្ញាប័ណ្ណ ​សម្ដេច ​មាន​ប្រសាសន៍​ថា…(មានវីដេអូ)

កាលពី​យប់​ថ្ងៃ​ទី​២២ ខែ​មករា ឆ្នាំ​២០២៣ កន្លង​ទៅ​នេះ មាន​ករណី​គ្រោះ,,ថ្នាក់​ចរា,ចរណ៍​មួយ បានកើត​ឡើង រវាង​ម៉ូតូ និង​កង់​បី បណ្ដាល​ឲ្យ​ភាគី​ម៉ូតូ​ជិះ​គ្នា​២​នាក់​ស,ន្លប់​ម្នាក់​នៅនឹងកន្លែង​។ ឃើញ​បែប​នេះ បុរស​ជា​ដំណើរ​ម្នាក់ ក៏​ទៅ​លើក​ម៉ូតូ​ឡើង ហើយ​លោក សុវណ្ណ រិទ្ធី នៅ​ទីនោះ ក៏​ធ្វើការ​ស្ដីប,ន្ទោស​​ ព្រោះ​សម,ត្ថកិច្ច​មិនទាន់​វាស់វែង​។​

​នៅពេលនោះ បុរស ដែល​ជួយ​យកអាសា​គេ​នោះ បានធ្វើការ​សុំទោស​ទៅកាន់​លោក សុវណ្ណ រិទ្ធី ដោយ​លើក​ហេតុផល​ថា ខ្លួន​មិនដឹង ជា​ករណី​ប៉ះគ្នា​ជាមួយ​ភាគី​PassApp​នោះឡើយ ស្មានតែ​ករណី​ជិះ​ដួល​ដោយ​ខ្លួនឯង​នោះ​។​

​ទោះជា​មានការ​សុំទោស​បែប​ណាក៏ដោយ ក៏​លោក​សុវណ្ណ រិទ្ធី នៅតែប្រើ​សម្ដី​ស្រែក​ខ្លាំងៗពន្យល់ទៅកាន់បុរសនោះទៀត ហើយ​សួរ​​​ថា សុំទោស​ចេញពី​ចិត្ត​ឬ​អត់​នោះ​? ការប្រើ​សម្ដី​ខ្លាំងៗ​បែបនេះហើយ ទើប​ធ្វើ​ឲ្យ​មហាជន សម្ដែង​ការមិន​ពេញចិត្ត​ចំពោះ​អ្នកសារព័ត៌មាន​ដ៏​ល្បី​រូបនេះ រហូត​ផ្ទុះ​ការវែកញែក​ពេញ​បណ្ដាញ​សង្គម​ហ្វេ​ស​ប៊ុ​ក។

ជុំវិញរឿងនេះ ឯកឧត្តម ស សុខា បានបង្ហោះសារចែក​រំលែក​គតិ​៤​ចំណុច ដោយពន្យល់យ៉ាងលម្អិត ហើយពេលនោះ សម្ដេចតេជោ ក៏បានចូលទៅខំមិន សម្ដែងការគាំទ្រថា «​គាំទ្រការបកស្រាយ និងពន្យល់របស់ក្មួយស សុខា។ត្រូវជួយ​គ្នាជាមុនទើបបញ្ជៀសបាននូវបញ្ហាកាន់តែធំ។ ខ្ញុំ​សូមអរគុណ និងកោតសរសើរចំពោះអ្នកបានជួយ ដែលនេះជាវប្បធម៌ដដ៏​ល្អនៃជាតិសាសន៍យើង»។

បន្ថែមលើនេះ, ថ្លែងនៅក្នុងពិធីប្រគល់សញ្ញាបត្រជូននិស្សិតសាកលវិទ្យាល័យវេស្ទើន ជាង៣ពាន់នាក់ កាលពីព្រឹកថ្ងៃទី២៦ ខែមករា, សម្ដេចតេជោ បានមានប្រសាសន៍​ថា រឿងជ្រោយចង្វារនេះ ល្មមឈប់ហើយ កុំបន្តទៅទៀត។ ប៉ុន្តែអ្វី ដែលជាការហួសចិត្តនោះ… មានអ្នកជិះម៉ូតូប៉ះគ្នាដួល ហើយមានអ្នកមកជួយលើក ខុសត្រូវយ៉ាងណា ជារឿងមួយ តែការស្ទះចរាចរណ៍លើស្ពាន មិនគួរឲ្យកើតមានទេ។ សម្ដេចថា ការជួយគ្នា ជារឿងចាំបាច់ តែអ្វី ដែលជារឿងឆ្គងត្រង់ថា អ្នកសុំទោស មិនបានសុំទោសប៉ូលិសនោះទេ ទៅសុំទោសអ្នកកាសែត, អ្នកកាសែតមានសិទ្ធិអី។

សម្ដេចបន្តថា រឿងហ្នឹង អត់ត្រូវអ្វីទាល់តែសោះ ដំបូងបំផុតចាំបាច់ត្រូវទៅជួយគ្នាសិន។ យ៉ាងណាក៏ដោយ ​រឿងអត់សមហេតុសមផលទេ នូវការប្រើពាក្យសម្ដីបែបនេះ បើខ្លួនជាប៉ូលិស មិនថាទេ ខ្លួនគ្រាន់តែមានទូរសព្ទមួយឡាយ អញ្ចឹងបង្កើតបានជារឿងមួយឈុតធំទៅ។

ទោះយ៉ាណា សម្ដេច មានប្រសាសន៍ទៀតថា អ្នកខ្លះក៏មានមតិជ្រុលហួសដែរថា គួរតែលុបចោល​អាជ្ញាប័ណ្ណ, អ្នកខ្លះរហូតទៅដល់ថា សុំឲ្យព្រះរាជអាជ្ញាធ្វើការចោទប្រកាន់ វាអត់ត្រូវទេ ឈប់បានឈប់ទៅ បញ្ឈប់ទៅ បញ្ចប់​វាត្រឹមហ្នឹងទៅ។

ងាកមកលោក សុវណ្ណ រិទ្ធគីន ដែលជាប្អូនប្រុសលោក សុវណ្ណ រិទ្ធី បានសុំការ​យោគយល់​ពីមហាជន តាម​រយៈការបង្ហោះសារ កាលពីម្សិលមិញថា «សង្ឃឹមថា បងប្អូននឹងយោគយល់អធ្យាស្រ័យគាត់ផង ​ គាត់មិនដែលមានចិត្ត អាក្រក់ មិនធ្លាប់ជេរប្រ,,មាថ ឬធ្វើបាបអ្នកណាឡើយ គាត់តែងតែ ចង់ជួយយកអាសាអ្នកដទៃរហូតទោះបីខ្លួនគាត់លំបាកក៏ដោយ និយាយនេះមិនមែនកាន់ជើងគាត់ជាបងប្អូនទេ គ្រាន់តែចង់ឱ្យបងប្អូន យោគយល់ ឲ្យឱកាស គាត់កែប្រែនូវអ្វី ដែលមិនល្អ និងមានកំហុសដែលកើតមាននេះ គាត់ជាមនុស្សដែលចូលចិត្តនិយាយធ្ងន់ៗត្រង់ៗ មិនពីរោះទេ តែចិត្តបេះដូងគាត់តែងតែចង់ជួយគេ បងប្អូនអាចដឹងបាន ខ្ញុំដឹងថាបងប្អូនខឹង ជេស្អប់គាត់ តែគាត់ក៏បានទទួលស្គាល់កំហុសខុស និងសុំទោសរួចហើយ ដែលគាត់បានធ្វើនេះ»៕

Related posts