អ្នក​គាំទ្រ តាមដាន​រឿង​ លោក សុវណ្ណ រិទ្ធី ​ហើយ​ផ្ញើ​ឲ្យ​អតីត​ភរិយា​លោក​មើល ស្រាប់តែ​នាង​ឆ្លើយ​តប​វិញ​ថា អតីត​ស្វាមី​របស់​ខ្ញុំ…

ករណី​អ្នក​ធ្វើ​ដំណើរ​ដឹក​ប្រពន្ធ​បី​កូន​ ឈប់​ជួយ​លើក​ម៉ូតូ​​​ ​ជួប​គ្រោះ,,ថ្នាក់​ចរា,,ចរណ៍​លើ​ស្ពាន​ជ្រោយចង្វា កាល​ពី​ពេល​ថ្មីៗ​នេះ ហើយ​ត្រូវ​អ្នក​សារព័ត៌មាន​ដ៏ល្បីម្នាក់ ស្ដីឲ្យ និង​ប្រាប់​កុំ​ឲ្យ​ធ្វើ​បែបនេះ​ ដោយ​​ដោយសារ​សមត្ថកិច្ច​មិនទាន់​វាស់វែង​នោះ, បាន​ក្លាយ​ជា​ប្រធាន​បទដ៏​រសើប​សម្រាប់​មហាជន​ធ្វើការ​វែកញែក។

ក្នុងការវែកញែកនោះ ឃើញមានទាំងមតិស្រប និងមតិផ្ទុយ។ ប៉ុន្តែ​តាម​ការកត់សម្គាល់ ​​ឃើញ​ថា មតិ​ប្រឆាំងនឹង​ជំហរ​របស់​អ្នក Live​ផ្ទាល់​ច្រើនជាង​ការ​គាំទ្រ​ រហូតដល់មានការស្នើសុំចាត់វិធានការច្បាប់ចំពោះអ្នកសារព័ត៌មាន ដែលធ្វើលើសពីតួនាទី និងក្រមសីលធម៌ទៀតផង។

ក្រោយពីឃើញមតិជាច្រើនរិះគន់ និងសារព័ត៌មានជាច្រើនបានចុះផ្សាយពីរឿងខាងលើនេះ ស្រាប់តែអ្នកគាំទ្រមួយចំនួន បានផ្ញើឲ្យអ្នកនាង មាស សុជាតា មើល ហើយជាការឆ្លើយតប អតីត​ប្រពន្ធ លោក សុវណ្ណ រិទ្ធី រូបនេះ បានប្រាប់ទៅវិញ កុំឲ្យផ្ញើមក និងយកនាងជាមួយកូនទៅពាក់ព័ន្ធនោះ។

អ្នកនាង មាស សុជាតា បានប្រាប់ដូច្នេះតាមរយៈការបង្ហោះសារថា «មិត្តភ័ក្ដិ​ណាក៏ដោយ អ្នកស្គាល់ណាក៏ដោយ បើតាមដានរឿងអ្នកណាម្នាក់ ហើយក៏សូមអញ្ជើញមើលម្នាក់ឯងទៅ មិនចាំបាច់រមាស់ដៃជើងសេនចូលឆាតខ្ញុំធ្វើអ្វីទេ ខ្ញុំមិនបានទៅចង់ដឹងឮរឿងអ្នកណាម្នាក់ទេ បើគេមិនប៉ះពាល់ខ្ញុំមុន

ចឹងសូមមេត្តាជ្រាបផងខ្ញុំរវល់មើលកូនៗនិងម្ដាយខ្ញុំឈឺ មិនបានមានពេលទៅមើល និងចេះដឹងរឿងអ្នកណាម្នាក់ទេ តាំងពីរលេងfbមកដូចមិនដែលរមាស់និងរឿងជីវិតអ្នកណាម្នាក់ផង អតីតស្វាមីរបស់ខ្ញុំបើថាអោយគាត់ក៏ថាចុះ តែកុំមកពាក់ពន្ធ័នឹងរឿងអតីតរបស់ខ្ញុំ យកខ្ញុំ និងកូនៗទៅនិយាយ ជាពិសេសកូនៗរបស់ខ្ញុំសូមរក្សាតម្លៃកូនស្រីរបស់នាងខ្ញុំផង ឈ្លោះតាមនុស្សធំកុំអូសក្មេងចូល អរគុណ»៕

Related posts