សម្រាល​កូន​១​ថ្ងៃ អាច​ដើរ​បាន, សម្រាល​បាន​១​ខែ ចាន់ កែវនិមល អួត​រាង​ឡើង​ខ្ញង់ ហើយ​ប្រាប់​ថា…

និយាយ​ដល់​ឈ្មោះ​ពិធីការិនីដ៏ឆ្នើម អ្នកនាង ចាន់ កែវនិមល ប្រិយមិត្តច្បាស់ជាស្គាល់ជាក់ជាមិនខាន ដោយសារតែកេរ្ដិ៍ឈ្មោះល្បីរន្ទឺ របស់អ្នកនាង តាមរយៈការនិយាយស្ដី​ប្រកប​ដោយសំនួនវោហាស័ព្ទ ស្ដាប់ទៅ ពីរោះពិសា ទាក់ចិត្តមហាជន។

សតម្ថភាព​ដ៏គួរឲ្យស្ងើចសរសើរនេះហើយ បានធ្វើឲ្យពិធីការិនីរូបនេះ ទទួលបានគាំទ្រច្រើនពីសំណាក់មហាជន ហើយកំពុងជោគជ័យលើវិថីមួយនេះផងដែរ។ ដោយឡែក និយាយពីជីវិតគូវិញ អ្នកនាង ក៏កំពុង​ជោគជ័យ​យ៉ាង​ត្រចះត្រចង់​ រស់នៅ​យ៉ាង​មានសុភមង្គលជាមួយគ្រួសារដ៏តូចរបស់ខ្លួន។

អ្វីកាន់តែត្រេកអរបន្ថែមទៀតនោះ កាលពី​ថ្ងៃ​ទី​១៩ ខែ​មិថុនា ឆ្នាំ​២០២២ ជា​ថ្ងៃ​ខួបកំណើត​របស់​កូនច្បង​ច្បង​គម្រប់​អាយុ​១១​ឆ្នាំ​​,​​ ពិធីការិនី​ដ៏​ល្បី​អ្នកនាង ​ចាន់ កែវនិមល មាន​កាដូ​ពិសេស​​​សម្រាប់​កូនស្រី​ច្បង​រូប​នេះ ហើយ​​ពេល​បើក​មើល​ ស្រាប់តែ​​​​​ឃើញ​ថា អូន ទេពី មាន​ប្អូន​ប្រុស។

ក្រោយ​ពពោះ​រយៈពេល​ប្រមាណ​៩​ខែ​១០​នោះ, អ្នកនាង ចាន់ កែវនិមល ក៏បាន​សម្រាល​កូន​ប្រុស តាម​បែប​ធម្មជាតិ ​ដោយ​សុវត្ថិភាព​ និង​ជោគជ័យ​​ កាលពី​ថ្ងៃទី២០ ខែ​ធ្នូ ឆ្នាំ២០២២នេះ នៅ​មន្ទីរពេទ្យ​អន្តរជាតិ អរៀនដា។

ក្រោយសម្រាលតាមបែបធម្មជាតិមិនដល់១ថ្ងៃផង ​ អ្នកនាង ចាន់ កែវនិមល អាចងើបដើរបាន​ព​កូន​ពេញដៃហើយ។ បន្ទាប់ពីសម្រាលបានប្រហែលខាង១រាងអ្នកនាងឡើងខ្ញង់ វិលមករកស្ថានភាពដើមវិញ។

ជាក់ស្ដែង នៅថ្ងៃទី២៣ ខែមករា ឆ្នាំ២០២៣នេះ អ្នកនាង បានបង្ហោះរូបថតម្នាក់ឯងជាច្រើនសន្លឹក អមដោយរូបថតកូនៗចុងក្រោយ ហើយប្រាប់យ៉ាងខ្លីថា «គិតថា ផុសរូបម្នាក់អោយអស់ចិត្ត តែចុងក្រោយនៅតែមិនអាច»។

គួរ​បញ្ជាក់​ថា ថ្មីៗ​នេះ​ មាន​ការ​សួរនាំ​ជុំវិញ​រូបរាង​ ក្រោយ​សម្រាលនេះ​ផង​ដែរ ហើយ​ អ្នកនាង ចាន់ កែវនិមល ឆ្លើយ​ថា «បងរឹតហ្គានតាំងពីថ្ងៃសម្រាលរួចភ្លាម ញុំាទឹកក្តៅ ញុំាបាយតិច តែញាំប្រភេទស៊ុបជំនួសវិញ ស្ទីមនិងសង្កត់អំបិលរាល់ព្រឹក បងធ្វើរាល់ថ្ងៃរហូតដល់ឥឡូវអូន គីឡូបងនៅលើសមុនមិនដល់២គីឡូទេ»៕

Related posts