យូរ​ៗ បាន​ស្វីត​ជាមួយ​គ្នា​ម្ដង, យក់ ឋិត​រដ្ឋា និង​ ឃុំ ប៉ុណ្ណា​ដែ​ត ដាក់​ម៉ា​អស់​ដៃ ហើយ​ពោលពាក្យ​ថា រាល់ដង…

គេនៅចាំបាន​ថា តារាចម្រៀង យក់ ឋិត​រដ្ឋា បាន​រៀបការ​ជាមួយ លោក ឃុំ ប៉ុណ្ណា​ដែ​ត កាលពី​អំឡុង​ឆ្នាំ ២០០៦​។ ក្រោយពី​រៀបការ​ជាមួយគ្នា​រួចមក គិត​មកដល់ពេលនេះ ពួកគេ បានទទួល​ចំណងដៃ​កូនប្រុស ស្រី ចំនួន ៣ នាក់​ហើយ។

ក្រោយ​រៀបការ​មកទល់ពេលនេះ លោកឃុំ ប៉ុណ្ណាដែត និងអ្នកនាង យក់ ឋិតរដ្ឋា ​មានកូន៣ នាក់ ក្នុងនោះ ស្រី១នាក់ និងប្រុស២នាក់។ មួយរយៈមុន ពួកគេមានបញ្ហាជាមួយអ្នកមានទ្រព្យ ធ្វើឲ្យជីវិតរបស់ពួកគេ ស្ទើរតែធ្លាក់ដល់ចំណុចសូន្យទៅហើយ។ ប៉ុន្តែ​ពេលនេះ រឿងរ៉ាវទាំងនោះ បាន​ដោះស្រាយ​ចប់​សព្វ​គ្រប់​អស់​ហើយ ហើយ​ពួកគេ​ក៏មានស្នាមញញឹមឡើងវិញផងដែរ។

ក្រោយពីមានស្នាមញញឹមឡើងវិញនោះ, អ្វីដែលមិននឹកស្មានដល់​ ស្រាប់តែ​ អ្នកនាង យក់ ឋិតរដ្ឋា បានប្រកាសប្ដូរឈ្មោះរបស់ខ្លួនចោល ដោយ​ បានប្រកាសថា «សូមអធ្យាស្រ័យផងពីពុកម៉ែបងប្អូនទាំងអស់ ដែលបានស្គាល់ឈ្មោះនាងខ្ញុំ ហៅក្រៅថា អាស្រស់ ឥលូវ នាងខ្ញុំបានដូរ មកឈ្មោះថា អានីន វិញ ដោយសារតែឈ្មោះ ស្រស់នេះ ធ្វើអោយនាងខ្ញុំឈឺច្រើន ហើយមានរឿងរ៉ាវជាច្រើនមិនចេះចប់មិនចេះហើយ ចឹងសូមដូរមកប្រើឈ្មោះ អានីននេះវិញណាបងប្អូនអ៊ំពូមីង»។

ដោយឡែក ថ្មីៗនេះ ពួកគេ បាននាំគ្នាទៅសាកថ្មឲ្យជីវិតកាន់តែស្រស់បំព្រងថែមទៀត។ បង្ហោះភ្ជាប់ជាមួយរូបថត១សន្លឹក កាលពីថ្ងៃទី១៥ ខែមករា លោក ឃុំ ប៉ុណ្ណា​ដែ​ត បានពោលពាក្យថា «ចង់មានពេលវេលាបែបនេះអោយច្រើន​ ព្រមទេពួកម៉ាក​ Yuk Thetrotha តើ​អូនពេញចិត្តទេ? សប្បាយចិត្តទេ​ អារម្មណ៍​ល្អទេ?

បន្ថែមលើនេះ នៅថ្ងៃទី១៧ ខែមករា អ្នកនាង យក់ ឋិតរដ្ឋា បានបង្ហោះរូបថតជាច្រើនសន្លឹកក្នុងដំណើរកម្សាន្តជាមួយគ្នាកន្លងមក ហើយរៀបរាប់ថា «14/01/23 ក្តីសុខតិចៗ​ផុសអត់ទាន់អស់​ហាសហា មិនងាយបានស្វីតតែពីរនាក់យាយតាចឹងទេលោកអើយ រាល់ដងអាឡែងតែជាប់កូនចាបកូនព្រាបច្រើនពេក មកការងារផង ឆ្លៀតបានប្តីនាំមកម្តងសុំផុសអោយអស់រូបម្តងហើយណាកុំថាអោយអូននីនណាបងប្អូន កំពង់សោមដួងចិត្ត»៕

Related posts