ខួប​កំណើត​អនាគត​ភរិយា​រួច ​ល្បី​រឿង​ជួល​គេ​១​ពាន់​ដុល្លារ​ធ្វើ​បាប​ប្ដី ​ស្រាប់តែ ​លោក ​ឌួង ឆាយ ប្រលយ​ពាក្យ​ថា…(មានវីដេអូ)

ប្រិយមិត្ត​មួយ​ចំនួន បាន​ជ្រាប​រួចមកហើយថា កាលពីថ្ងៃទី១៤ ខែមករា ឆ្នាំ២០២៣កន្លងទៅនេះ លោក ឌួង ឆាយ បាន​រៀបចំពិធីខួបកំណើតឲ្យ​អនាគត​ភរិយា​របស់ខ្លួន ប្រកប​ដោយ​ក្ដី​រីករាយ ពោរពេញ​ដោយ​ស្នាមញញឹម។

បង្ហោះភ្ជាប់ជាមួយវីដេអូ សកម្មភាពធ្វើខួបឲ្យអនាគតភរិយានោះ, លោក ឌួង ឆាយ បានដាក់Captionថា «រីករាយថ្ងៃខួបកំណើតអូន​សម្លាញ់​ម៊ីលី បងជូនពរអូនមានសុខភាពល្អស្រលាញ់បងអោយច្រើនៗ»។ បន្ថែមលើនេះនៅថ្ងៃដដែល លោកបានបង្ហោះរូបថត១សន្លឹកជាមួយគ្នា ដោយសរសេរនូវCaptionដូចខាងលើដដែល និងបន្ថែមដោយពាក្យ «Happy Birthday My Idol ​»។

ក្រោយពីធ្វើពិធីខួបកំណើតជូនអនាគតភរិយារួចមក ស្រាប់តែនៅថ្ងៃទី១៥ ខែមករា ឆ្នាំ២០២៣ មានការភ្ញាក់ផ្អើល និងល្បីរឿង ស្ត្រី​ម្នាក់ ឈ្មោះ សាន់​ ធីតា​ អាយុ៣៤ឆ្នាំ បានជួលគេ ក្នុងតម្លៃ​១,០០០​ដុល្លារ ស​ម្លា​…​ប់​ប្ដី​ខ្លួនឯង នៅ​ស្រុក​កៀនស្វាយ ខេត្តកណ្ដាល។

នៅពេលទទួលដំណឹងនេះភ្លាម, លោក ឌួង ឆាយ បានបង្ហោះសារប្រលយពាក្យទៅកាន់អនាគតភរិយារបស់ខ្លួនថា «មានអីនិយាយគ្នាបានណា ធម្មតាបងមនុស្សមានអំណោយទានមានគេស្រលាញ់ច្រើន។ អត់មានជួលគេមកសម្លាប់បងទេណាប្រាប់អោយហើយ»។

គ្រាន់តែឃើញបែបនេះ អ្នកគាំទ្រចូលខំមិនបែបលេងសើចថា «បន្ថែមអង្គរក្សទៅពូឆាយ, សង្ឃឹមថា ករណីទី២មិនមែន លោកពូឆាយទៅចុះ, និយាយគ្នា សិនទៅ បើនិយាយមិនស្ដាប់ចាំ…, បងភ័យហើយ, ប៉ិនណាស់បង, ចិត្តមិនដាច់ទេបង»៕



Related posts