ម៉ាក់ៗ​តិច​អត់ដឹង! ទើប​ឆ្លង​ទន្លេ, ម៉ាក់កូនខ្ចី២១ថ្ងៃ ចាន់ កែវនិមល បង្អួតសម្រស់រាង​ឡើង​ខ្ញង់, ដល់សួរនាំ ទើបនាងប្រាប់រូបមន្តថា…

និយាយ​ដល់​ឈ្មោះ​ពិធីការិនីដ៏ឆ្នើម អ្នកនាង ចាន់ កែវនិមល ប្រិយមិត្តច្បាស់ជាស្គាល់ជាក់ជាមិនខាន ដោយសារតែកេរ្ដិ៍ឈ្មោះល្បីរន្ទឺ របស់អ្នកនាង តាមរយៈការនិយាយស្ដី​ប្រកប​ដោយសំនួនវោហាស័ព្ទ ស្ដាប់ទៅ ពីរោះពិសា ទាក់ចិត្តមហាជន។

សតម្ថភាពដ៏គួរឲ្យស្ងើចសរសើរនេះហើយ បានធ្វើឲ្យពិធីការិនីរូបនេះ ទទួលបានគាំទ្រច្រើនពីសំណាក់មហាជន ហើយកំពុងជោគជ័យលើវិថីមួយនេះផងដែរ។ ដោយឡែក និយាយពីជីវិតគូវិញ អ្នកនាង ក៏កំពុង​ជោគជ័យ​យ៉ាង​ត្រចះត្រចង់​ រស់នៅ​យ៉ាង​មានសុភមង្គលជាមួយគ្រួសារដ៏តូចរបស់ខ្លួន។

អ្វីកាន់តែត្រេកអរបន្ថែមទៀតនោះ កាលពី​ថ្ងៃ​ទី​១៩ ខែ​មិថុនា ឆ្នាំ​២០២២ ជា​ថ្ងៃ​ខួបកំណើត​របស់​កូនច្បង​ច្បង​គម្រប់​អាយុ​១១​ឆ្នាំ​​,​​ ពិធីការិនី​ដ៏​ល្បី​អ្នកនាង ​ចាន់ កែវនិមល មាន​កាដូ​ពិសេស​​​សម្រាប់​កូនស្រី​ច្បង​រូប​នេះ ហើយ​​ពេល​បើក​មើល​ ស្រាប់តែ​​​​​ឃើញ​ថា អូន ទេពី មាន​ប្អូន​ប្រុស។

ក្រោយ​ពពោះ​រយៈពេល​ប្រមាណ​៩​ខែ​១០​នោះ, អ្នកនាង ចាន់ កែវនិមល ក៏បាន​សម្រាល​កូន​ប្រុស តាម​បែប​ធម្មជាតិ ​ដោយ​សុវត្ថិភាព​ និង​ជោគជ័យ​​ កាលពី​ថ្ងៃទី២០ ខែ​ធ្នូ ឆ្នាំ២០២២នេះ នៅ​មន្ទីរពេទ្យ​អន្តរជាតិ អរៀនដា។

បង្ហោះភ្ជាប់ជាមួយរូបថតជាច្រើនសន្លឹកចេញពីមន្ទីរពេទ្យ នាពេលនោះ អ្នកនាង ​ចាន់ កែវនិមល បានរៀបរាប់ថា «យើងធ្វើបានហើយកូនមាសម្តាយ​​ជម្រាបសួរអ៊ំពូមីង​ អូនឈ្មោះ សីលា ចាន់ចេស្តា​ អរគុណលោកគ្រូអ្នកគ្រូនៅមន្ទីរពេទ្យ Orienda International Hospital – មន្ទីរពេទ្យអន្តរជាតិ អរៀនដា ដែលបានមើលថែរអូននិងម៉ាក់រហូតមកដល់ពេលនេះ​ អរគុណអ៊ំពូមីងសម្រាប់ការជូនពរ​»។

ក្រោយសម្រាលតាមបែបធម្មជាតិមិនដល់១ថ្ងៃផង ពេលនេះ អ្នកនាង ចាន់ កែវនិមល អាចងើបដើរបាន​ព​កូន​ពេញដៃហើយ។ ក្រោយសម្រាលបាន២១ថ្ងៃ អ្នកនាង ថែមទាំងតែងខ្លួនស្អាតឡើងខ្ញង់ ធ្វើឲ្យអ្នកគាំទ្រលាន់មាត់សរសើរព្រាតតែម្ដង។

បង្ហោះភ្ជាប់ជាមួយរូបថតតែងខ្លួនឡើងខ្ញង់នៅថ្ងៃទី១១ ខែមករា ឆ្នាំ២០២៣ អ្នកនាង បានពោលពាក្យថា «ម៉ាក់ម៉ាក់កូនខ្ចី២១ថ្ងៃលួចតែងខ្លួន»។ ដោយឃើញបែបនេះ អ្នកគាំទ្រ លាន់មាត់សរសើរថា «កូនខ្ចីហើយស្អាតចឹងចង់តែយកទៀតតាបង, បងញុំាអីបានក្បាលពោះរៀបស្អាតម្លេះបងខ្ញុំទើបសម្រាលបាន12ថ្ងៃដែរចង់ស្រកក្បាលពោះ, ខ្ចូតណាស់ សុំរៀនសូត្រផងអូនសម្លាញ់ ពូកែថែរាងណាស់»។

ចំពោះការសួរនាំញុំាអីបានក្បាលពោះរាបស្មើនេះ, អ្នកនាង ចាន់ កែវនិមល ឆ្លើយថា «បងរឹតហ្គានតាំងពីថ្ងៃសម្រាលរួចភ្លាម ញុំាទឹកក្តៅ ញុំាបាយតិច តែញាំប្រភេទស៊ុបជំនួសវិញ ស្ទីមនិងសង្កត់អំបិលរាល់ព្រឹក បងធ្វើរាល់ថ្ងៃរហូតដល់ឥឡូវអូន គីឡូបងនៅលើសមុនមិនដល់២គីឡូទេ»៕

Related posts