អបអរសាទរ! ស្ងាត់ៗ កូ​នស្រី​ច្បង​​រៀន​ចប់ មហាវិទ្យាល័យ​​ ហើយ​ជា​សិស្ស​ឆ្នើម​ទៀត, លោក​ ចាប ចៀន សប្បាយ​ចិត្ត​បំផុត​ក្នុង​ឆាក​ជីវិត​ ក៏ពោលពាក្យថា…

និយាយដល់ឈ្មោះ​តារាកំប្លែង និង​សម្ដែង លោក​ចាបចៀន ប្រិយមិត្តច្បាស់ជាជ្រាបជាក់ជាមិនខាន ថា រហូតមកដល់បច្ចុប្បន្ននេះ លោក បានបន្សល់ទុកនូវស្នាដៃសិល្បៈជាច្រើន ហើយប្រជាប្រិយភាពរបស់លោក ហាក់មិនថមថយនោះឡើយ បើទោះមានវ័យកាន់តែ​ជ្រេ​ក៏ដោយចុះ។

លោក ចាប​ចៀន មានឈ្មោះ ពិត​ប្រាកដ ថា “​អ៊ុក សុវណ្ណារិទ្ធ​” ។​លោក កើត​នៅ​ថ្ងៃទី​០៤ ខែឧសភា ឆ្នាំ​១៩៦៤ នៅ​សង្កាត់​លេខ​៣ ខ័​ណ្ឌ​ទួលគោក រាជធានី​ភ្នំពេញ (​កើត​នៅ​មន្ទីរពេទ្យ​កាល់ម៉ែត​)​។ លោក មាន​បងប្អូន​បង្កើត​ចំនួន​៤​នាក់ ប្រុស​៣​នាក់ និង​ស្រី​១​នាក់ ហើយ​គាត់​ជា​កូន​បង​គេ​ក្នុងចំណោម​កូន​ទាំង​៤​នាក់​នោះ​។

លោក ​​បាន​រៀប​មង្គលការ ជាមួយ​អ្នកស្រី “​សែន សុវណ្ណ​ធី​” នៅ​ឆ្នាំ​១៩៩៦-១៩៩៧ ដែល​ពេលនេះ គាត់​ទទួល​បានកូន​ចំនួន​៣​នាក់​ហើយ​ ក្នុងនោះ​​​ស្រី​២​នាក់ និង​ប្រុស​១​នាក់​។ ចំពោះ​កូនស្រី​បង​ឈ្មោះ “​អ៊ុក រិទ្ធី​នាថ​” ពេលនេះ មាន​អាយុ​ប្រហែល​២៣​ឆ្នាំ​, ​កូនប្រុស​ទី​២ ឈ្មោះ “​អ៊ុក រិ​ទ្ធ​រ៉ូ​ឡិន​ឌូ​” អាយុប្រហែល២០ឆ្នាំ និង​កូនស្រី​ម្នាក់ទៀត ឈ្មោះ “​អ៊ុក រិទ្ធី​រី​ហា​ណា​” អាយុប្រហែល១១ឆ្នាំ។

អ្វីដែលគួរឲ្យសរសើរនោះ ពេលនេះ កូនស្រីច្បងរបស់លោក បានរៀនចប់​មហាវិទ្យាល័យ​ហើយ និងជា​សិស្សឆ្នើមប្រចាំថ្នាក់ទៀតផង។ បង្ហោះភ្ជាប់ជាមួយរូបថតកូនស្រីច្បង ទទួលសញ្ញាប័ត្រ លោក ចាប ចៀន បានបង្ហាញអារម្មណ៍ថា «(7.1.2023.)សម្រាប់ជីវិតខ្ញុំ នេះគឺជាថ្ងៃដែលខ្ញុំសប្បាយរីករាយបំផុតរកអ្វីប្រៀបផ្ទឹមពុំបានព្រោះបានឃើញកូនស្រីច្បងរៀនចប់មហាវិទ្យាល័យ ហើយបានទទួលលទ្ធផលល្អ ជាសិស្សឆ្នើមប្រចាំថ្នាក់រហូតបំណាច់ឆ្នាំ។

បន្ទាប់មក កូនប្រុសទី២ទើបតែប្រលងជាប់បាក់ឌុបបញ្ចប់ថ្នាក់ទី១២ត្រៀមចូលមហាវិទ្យាល័យ ហើយខ្ញុំសង្ឃឹមថា កូនប្រុសខ្ញុំនឹងទទួលបាននិទ្ទេសល្អដូចបងស្រីគេជាក់ជាពុំខាន។ ចំណែកឯកូនស្រីពៅ ទើបតែរៀនថ្នាក់ទី៦នៅឡើយទេ ប៉ុន្តែខ្ញុំជឿជាក់ ថាកូនស្រីពៅខ្ញុំនឹងយកបងៗរបស់គេធ្វើជាគំរូ។

កូនល្អស្តាប់ហេតុផលម៉ែ សិស្សពូកែស្តាប់ហេតុផលគ្រូ គ្រូពូកែស្តាប់ហេតុផលសិស្ស ឪពុកម្តាយល្អស្តាប់ហេតុផលកូន។ នៅលើលោកនេះ គ្មានអ្វីប្រាស់ចាក ហេតុនិងផល ឡើយ។ ស្របជាមួយពុទ្ធឱវាទមួយឃ្លា បុគ្គលដែលសាបព្រួសពូជណា រមែងតែងតែទទួលផលពូជហ្នឹង។ សូមអរគុណ!»៕​


Related posts