កូនល្អ! ថ្ងៃ​ខួប​កំណើត, ស្រីអ៊ីត ​​ថើប​ឪពុកម្ដាយ​, រៀបរាប់​ពី​គុណបំណាច់​ និង​ជូនពរ​ខ្លួន​ឯង ​ម៉ា​អែម​ថា…

អ្នក​ស្នេហា​វិស័យ​សិល្បៈ ​បាន​ដឹង​ខ្លះ​ហើយពី​ខ្សែ​ជីវិត​របស់​ តារា​កំប្លែង​ប្រចាំ​ស្ថានីយ​ទូរទស្សន៍ CTN​អ្នកនាង សេន ចិន្តា ហៅ ស្រី​អ៊ី​ត ​ដោយ​នាង​ បានសម្រេច​លែងលះ​ដាច់ស្រេច​ជាមួយ​អតីត​ស្វាមី​ជា​គ្រូបង្រៀន ​បន្សល់​ទុក​កូន​ស្រី​ម្នាក់​ក្នុង​បន្ទុក​នោះ។

ក្រោយពី​​លែងលះ​​ជាមួយ​​​ស្វាមី និង​អោបក្រសោប​យក​កូនស្រី​បណ្ដូលចិត្ត​មក​ចិញ្ចឹម​បីបាច់​ថែទាំ​យ៉ាង​យកចិត្ត​ដាក់​តែ​ម្នាក់ឯង​អស់​រយៈពេល​ជាច្រើន​ឆ្នាំ​នោះ,​ ​ពេល​នេះ ​កូនស្រី​បណ្ដូលចិត្ត​របស់ ស្រី​អ៊ី​ត ​​ឈ្មោះថា ង៉ា ស្រី​ណាន ​​កំពុង​ទទួល​ការ​ទំនុកបម្រុង​ និង​ត្រួសត្រាយ​ផ្លូវ​បាន​យ៉ាង​ល្អប្រសើរ​ពី​សំណាក់​អ្នក​ម្ដាយ​ជាទី​ស្រឡាញ់​លើ​វិថី​សិល្បៈ។

ងាកមកស្រីអ៊ីត ខ្លួនឯងវិញ បច្ចុប្បន្ន កំពុងទទួលបានភាពជោគជ័យខ្លាំងលើវិថីសិល្បៈ ហើយនៅថ្ងៃទី១០ ខែមករា ឆ្នាំ២០២៣ ជាថ្ងៃខួបកំណើតរបស់ខ្លួននោះ អ្នកនាង បានបង្ហោះរូបថតជាច្រើនសន្លឹក មានទាំងរូបថតថើបឪពុកម្ដាយផងដែរ។

បង្ហោះភ្ជាប់ជាមួយរូបថតទាំងនេះ ស្រីអ៊ីត បានរៀបរាប់ពីគុណរបស់ឪពុកម្ដាយ និងជូនពរខ្លួនឯងម៉ាអែមថា «ថ្ងៃនេះជាថ្ងៃកំណើតកូន​ 10.1.2023​ កូនសូមអរគុណពុកម៉ែដែលបានផ្ដល់កំណើតអោយកូន

កូនគ្មានអ្វីតបស្នងលោកទាំងពីរស្មើរនឹងលោកគុណពុកម៉ែទេ គុណពុកម៉ែកូនរៀបរាប់មិនអស់ទេ កូនសូមជូនពរពុកម៉ែអោយមានអាយុវែង មានសុខភាពល្អ កូនស្រលាញ់ពុកម៉ែ ​( នឹងសូមជូនពរខ្លួនឯង អោយមានសុខភាពល្អ រឹងមាំ មានសម្រស់ស្រស់ស្អាត បងប្អូនអាណិតច្រើន រកលុយបានច្រើនៗ​»៕

Related posts