គេ​ថា​ឲ្យ​ខ្លួន ធ្វើ​ជា​គណៈកម្មការ​ អត់​ចេះ​និយាយ​អី ស្រាប់តែ ​សុគន្ធ និសា តប​វិញ​យ៉ាង​ទន់ភ្លន់​ថា…(មានវីដេអូ)

កម្មវិធី​ប្រឡង​ចម្រៀង​កុមារ​លំដាប់​ថ្នាក់​ពិភពលោក ​The Voice Kids Cambodia រដូវកាលទី៣ បាន​ឈានដល់វគ្គផ្ដាច់ព្រ័ត្រ កាលពីយប់ថ្ងៃទី២៤ ខែធ្នូ ឆ្នាំ២០២២កន្លងទៅនេះ ហើយម្ចាស់ពាន បានទៅលើ​កុមារា សារុំ​ បញ្ញាស័ក ដែលជាកូនក្រុមរបស់តារាចម្រៀងហ្សូណូ។

ងាកមកCoach សុគន្ធ និសា ទោះកូនក្រុមរបស់ខ្លួនមិនបានឈ្នះពានក៏ពិតមែន តែអ្នកនាង បានបំពេញ​តួនាទី​បានយ៉ាងល្អជាមួយនឹងការ​ពន្យល់​កូន​ក្រុម​បាន​យ៉ាង​ក្បោះក្បាយ​ផងដែរ។ ទោះ​យ៉ាងណា តារា​ចម្រៀង​សំឡេង​ស្រទន់​រូបនេះ ត្រូវ​បាន​មតិ​មួយ​ចំនួន​តូច​យល់​ឃើញថា អ្នកនាង ធ្វើជា​គណៈកម្មការ​ អត់ចេះនិយាយអីទៅវិញ។

ឆ្លើយតបទៅនឹងការលើកឡើងនេះ នៅក្នុងការឡាយ កាលពីថ្ងៃទី៩ ខែមករា ឆ្នាំ២០២៣ តារាចម្រៀង សុគន្ធ និសា បានទទួលស្គាល់ថា ខ្លួនអត់សូវចេះនិយាយទេ ហើយក៏អត់សូវមានពាក្យពេចន៍វោហារស័ព្ទអ្វីខ្លាំងដែរ។ ខំប្រឹងហើយ ទើបបានប៉ុណ្ណឹងនោះ ខ្លួនអត់សូវពូកែសម្ដីនោះទេ។

បន្ថែមលើនេះ អ្នកនាង នៅតែធ្វើការអរគុណដល់អ្នកផ្ដល់យោបល់នេះ ដោយលើកឡើងថា យោបល់នេះ ខ្លួនទទួលយក ហើយខ្លួនខំប្រឹងដែរ តែធ្វើម៉េចបានតែប៉ុណ្ណឹង។ ទោះយ៉ាងណា ខ្លួននឹងព្យាយាមបន្ថែមទៀត សង្ឃឹមថា ការងារពីម្ដងទៅម្ដង អាចហ្វឹកហាត់ខ្លួនឯងឲ្យកាន់តែប្រសើរ។

តាមរយៈនេះ អ្នកគាំទ្រ បានលើកឡើងថា «គាត់អត់សូវនិយាយទេ តែពេលបង្វឹកកូនសិស្សខ្លាំង, ស្រលាញ់ចូលចិត្តគាត់ សុភាពរាបសារ ​សំដីសំដៅទន់ភ្លន់, ស្រឡាញ់គាត់ត្រង់នេះឯង សំដីតិចតែផ្អែម មានន័យ, និយាយតិចតែន័យច្រើនប្រសើរជាងនិយាយច្រើនតែគ្មានន័យ, ស្រលាញ់បងត្រង់សុភាពបែបនារីខ្មែរ ទោះបីបងមិនសំបូរសម្តីក៏ពិតមែន»៕ សូមទស្សនាវីដេអូ ខាងក្រោម ៖


Related posts