នារី​ខ្មែរ ស្រស់​ស្អាត​ម្នាក់​ ជិះ​យន្តហោះ​ទៅ​ញុំា​Steak រោក​អំបិល​ដោយ​លោក​Salt Ba ដល់​ប្រទេសកាតា, គ្រាន់តែ​Steak​១ដុំនេះ មានតម្លៃរហូតដល់ទៅ…

ប្រិយមិត្ត អ្នក​ស្នេហា​វិស័យ​បាល់ទាត់ ​បាន​ជ្រាប​រួច​មក​ហើយ​ថា ​កាលពី​ពេល​ថ្មីៗ​កន្លង​ទៅ​នេះ ​ក្រុម​ជម្រើស​ជាតិ​អាហ្សង់ទីន ​បាន​ឈ្នះ​ជើងឯកពានព្រឹត្តិការណ៍បាល់ទាត់ពិភពលោក FIFA World Cup 2022 នៅប្រទេសកាតា បន្ទាប់ពីយកឈ្នះក្រុមបារាំង ដោយបាល់ប៉េណាល់ទី ៤-២ បន្ទាប់ពីលេងស្មើពេញម៉ោង​៣-៣។

នេះជាការឈ្នះពានរង្វាន់ជើងឯកបាល់ទាត់ពិភពលោកជាលើកទី៣ ក្នុងប្រវត្តិសាស្ត្រនៃការចូលរួមប្រជែងពាន World Cup របស់ក្រុមជម្រើសជាតិអាហ្សង់ទីន បន្ទាប់ពីធ្វើបាននៅឆ្នាំ១៩៧៨ និងនៅឆ្នាំ១៩៨៦​ ដ្បិតរងជើងឯក ៣លើកនៅឆ្នាំ១៩៣០, ១៩៩០ និងឆ្នាំ២០១៤។

ចំពោះក្រុមមាន់គកបារាំង បានត្រឹមរងជើងឯកឆ្នាំ២០២២ នេះ ដ្បិតនាមធ្លាប់ឈ្នះជើងឯក ២លើកនៅឆ្នាំ១៩៩៨ និងឆ្នាំ២០១៨ ធ្វើឲ្យពួកគេជាក្រុមរងជើងឯក ២លើក, និងធ្លាប់បានចំណាត់ថ្នាក់លេខ៣ ចំនួន ២លើកផងដែរ នៅឆ្នាំ១៩៥៨ និងឆ្នាំ១៩៨៦ និងបានលេខ៤ នៅឆ្នាំ១៩៨២។

ងាកមកចាប់អារម្មណ៍ ពេលការប្រកួតកំពុងដំណើរការវិញនោះ, នារីខ្មែរដ៏ស្រស់ស្អាតម្នាក់ ប្រើប្រាស់ទំព័រហ្វេសប៊ុកឈ្មោះ « J-Moch» បានជិះយន្តហោះ ទៅលំហែកាយ ដល់​ប្រទេសកាតា ថែមទាំងបានចូលហាងមួយកន្លែង នៅក្នុងប្រទេសនេះ ញ៉ាំ Steak (ស្តេក) ទៀតផង។

អ្វីកាន់តែចាប់អារម្មណ៍ទៀតនោះ គ្រាន់តែ ស្តេក មួយដុំ​ ​មានតម្លៃរហូតដល់ទៅ ២៣១០ ដុល្លារ ឯណោះ ធ្វើឲ្យ អ្នកលេង បណ្ដាញសង្គមហ្វេសប៊ុកនៅខ្មែរឃើញហើយនាំគ្នាចូលខំមិនវែកញែកព្រោងព្រាតតាមការយល់ឃើញរបស់ពួកគេនោះ។

បង្ហោះភ្ជាប់ជាមួយវីដេអូ កាលពីពេលថ្មីៗកន្លងទៅនេះ, នារីខាងលើ បានដាក់Captionថា «រំភើបណាស់ ដែលបានញុំាស្តេក ដោយលោក Salt Bae រោយអំបិលដោយផ្ទាល់»។ តាមរយៈនេះ អ្នកលេងបណ្ដាញសង្គម បានលើកឡើងព្រោងព្រាតថា «វាគ្មានអីឆ្ងាញ់ជាងម៉ែ ឪ ខ្ញុំធ្វើម្ហូបឲ្យហូបទេ ជូនគាត់ត្រឹម១០ម៉ឺន ចង់ផ្អកៗ ចង់ម៉ាំៗ, Steak​ មកពី​ឋានសួគ៌​ញ៉ាំ​ទៅ​មិន​ចេះ​ចាស់​ណា​ ថ្លៃ​ $2310​ បូក​ Tips $700​ =​ $​ 3000​ US, គេហូបមួយពេលឯរកមួយឆ្នាំ»។

គួរបញ្ជាក់ថា លោក Nusret Gokce ​​រហស្សនាម​ថា Salt Bae មានដើមកំណើតនៅប្រទេសតួកគី បានកសាងកេរ្ដិ៍ឈ្មោះល្បីល្បាញខ្លាំង នៅតាមបណ្ដាញសង្គម ហើយបច្ចុប្បន្នលោក ក៏មានសាខាភោជនីយ៍ជាច្រើនកន្លែងក្នុងប្រទេសអ្នកមាននៅទូទាំងពិភពលោកផងដែរ។

នៅថ្ងៃក្រុមអាហ្សង់ទីនឈ្នះពាន World Cupនោះ,​ លោក Salt Bae បានចូល ទៅកាន់ទីលានអបអរ​ជ័យជម្នះ ដោយគ្មានការអនុញ្ញាត ហើយទីបំផុត​ FIFA សម្រេចដាក់ពិន័យ ដោយ ហាមឃាត់ Salt Bae មិនអោយចូលរួមព្រឹត្តិការណ៍ធំៗមួយចំនួននៅឆ្នាំ ២០២៣ខាងមុខនេះ៕


Related posts