នាង ដាវីន ​សុំ​ពរជ័យ​ពី​ម្ដាយ ​បើក​ទំព័រ​ជីវិត, អ្នកគាំទ្រ ឃើញ​ហើយ រំភើប​ចិត្ត​ខ្លាំង ​ក៏​ទម្លាយ​ប្រវត្តិ​តស៊ូ​របស់​ដាវីន​ថា…

គេ​នៅ​ចាំ​បាន​ថា នៅ​ក្នុង​វគ្គ​ពាក់​កណ្ដាល​ផ្ដាច់ព្រ័ត្រ​ នៃ​កម្មវិធី​ប្រឡង​ចម្រៀង​លំដាប់ថ្នាក់​ពិភពលោក Cambodian Idol រដូវ​កាល​ទី​៤ ​កាលពី​ថ្ងៃ​ទី​២១ ខែ​សីហា ឆ្នាំ​២០២២​កន្លង​ទៅ​នោះ​, បេក្ខជន នាង ដាវីន បាន​ទទួល​សំឡេង​បោះឆ្នោត​ច្រើន​ពី​ទស្សនិកជន​រហូត​ជាប់​Top 2 ខណៈ​បេក្ខជន​លេចធ្លោ ថុល សុភិទិ ជាប់​ត្រឹមTop 3ប៉ុណ្ណោះ។

នៅពេលនោះ នាង ដាវីន ក្លាយ​ជា​ទីចាប់អារម្មណ៍​សម្រាប់​មហាជន រហូត​​ត្រូវ​បាន​អ្នកសារព័ត៌មាន​ក្នុងស្រុក​មិន​តិច​ទេ សុំ​ជីក​កកាយ​ជីវប្រវត្តិ​តស៊ូ​ផ្ទាល់ខ្លួន តែ​ត្រូវ​​ ​នាង ដា​វីន បដិសេធ​ ហើយ​សុំ​លាក់​សិន ព្រោះ​លោក​មិន​ចង់​ឲ្យ​ការ​ប្រឡង​របស់​លោក ពាក់ព័ន្ធ​នឹង​ការ​តស៊ូ​នៃ​ឆាក​ជីវិត​ឡើយ​។​

ក្រោយប្រឡងចប់ ទោះមិនបានពាន ក៏ នាង ដាវីន ស្ថិត​ក្នុង​ចំណោមTop4 ផង​ដែរ ហើយ​កេរ្តិ៍ឈ្មោះ​របស់លោកពេលនេះ ក៏​មាន​គេស្គាល់ច្រើន ទីផ្សារ​សិល្បៈ ក៏​មាន​ហាងឆេង មិន​ធម្មតា​នោះ​ដែរ។ ជា​ពិសេស​ចូលដល់ឆ្នាំថ្មីភ្លាម តារា​ចម្រៀង ពន្លក​ថ្មីរូបនេះ បានឲ្យម្ដាយស្រោចទឹកឲ្យពីមុខរថយន្តព្រុសរបស់ខ្លួនទៀតផង។

បង្ហោះភ្ជាប់ជាមួយរូបថត អង្គុយមុខរថយន្តព្រូស ហើយម្ដាយ​ស្រោច​ទឹកឲ្យ នៅថ្ងៃទី៦ ខែមករា ឆ្នាំ២០២៣នោះ, តារាចម្រៀង នាង ដាវីន បានពោលពាក្យយ៉ាងខ្លីថា «សុំពរសុំជ័យពីអ្នកម្តាយ បើកទំព័រជីវិតទទួលយកអាយុថ្មី ​ ហើយយប់នេះ កុំភ្លេចជួបគ្នាណាបងប្អូន អ្នកបន្ទាយមានជ័យ(ក្រុងប៉ោយប៉ែត)»។

តាមរយៈនេះ អ្នកគាំទ្រ ជាច្រើន បានជូនពរឲ្យហេងៗក្នុងឆ្នាំថ្មី ក្នុងនោះទំព័រហ្វេសប៊ុក «គាំទ្រតារាខ្មែរ» បានលើកឡើងពីការតស៊ូរបស់នាង ដាវីន ថា «ឃើញរូបមួយសន្លឹក​ របស់​ លោក​ នាង​ ដាវីន​ ហើយមានអារម្មណ៍ថា រំភើបចិត្ត​ និងទឹកចិត្តដ៏ប្រពៃ​ របស់កូនចំពោះអ្នកម្តាយ​

ការតស៊ូព្យាយាមរបស់គាត់​ ចាប់ផ្ដើម​ច្រៀងCover ជាច្រើន​បទបន្ទាប់​មកក៏​ចាប់ផ្ដើម​ច្រៀងនៅផលិតកម្មមួយ​ រហូតដើរមកដល់ថ្ងៃមួយ​ បានចូលប្រឡងCambodia Idol ឆ្លងកាត់ឧបសគ្គជាច្រើន​រឿង​ ទាំងពេលខ្លះ​ ស្ទើរតែស្រក់ទឹកភ្នែក​ តែ​មិនជាថ្វីក្មេង​ប្រុស​ម្នាក់​ នៅតែបំពេញក្តីស្រម៉ៃរបស់ខ្លួន​ មានថ្ងៃមួយពិតមែន​ គឺបានTop4 និងទទួលបានការគាំទ្រយ៉ាងច្រើន​ ព្រមទាំង​បាន​ ច្រៀង​ក្នុងផលិតកម្ម​មួយ​ ដែលខ្លួនប្រាថ្នា»៕​

Related posts