សាមញ្ញ​តែ​កក់ក្ដៅ! ខួប​កំណើត​កូន​ស្រី​គម្រប់​អាយុ​៦​ឆ្នាំ, ជា វិបុល​ និង គង់ សុជាតិ ​ពោល​ពាក្យ​​ ថា…

គេនៅចាំបានថា អ្នកនាងគង់ សុជាតិ ​បាន​រៀបការជាមួយ លោក ជា វិបុល កាលពីថ្ងៃទី០៩ ខែ​វិច្ឆិកា ឆ្នាំ​២០១៣ នៅសណ្ឋាគាអាំងទែរកុងទីណង់តាល់ ដោយចំណាយថវិកាជាច្រើនម៉ឺនដុល្លារ។ ក្រោយរៀបការ បានប៉ុន្មានឆ្នាំ ពួកគេ ក៏ទទួលបានចំណងដៃកូនស្រីដ៏គួរឲ្យស្រឡាញ់ម្នាក់។

មុននឹង​រៀបការ​ជាមួយ​លោក​ជា វិបុល​នោះ អ្នកនាង​គង់ សុជាតិ មានកូន​២​នាក់​ក្នុងបន្ទុក ​ដែល​ជាដំណក់ឈា,មរួមគ្នាជាមួយ លោក ម៉ៅ វិសាលភាព។ ក្រោយលែ,ងលះគ្នា អ្នក​ទាំង​ពីរ​ នៅ​រាប់អាន​នឹង​គ្នា​ធម្មតា ហើយពេលនេះ កូនច្បងរបស់ពួកគេ បានរៀបការរួចហើយដែរ កាលពីឆ្នាំ២០២១នោះ។

ចំពោះកូនស្រី អ្នកនាង គង់ សុជាតិ និងលោកជា វិបុល វិញ មានឈ្មោះ ថា​ «ជា សុជាតិ នារី ដូរី» ​កើតកាលពីថ្ងៃ០៤ ខែមករា ឆ្នាំ២០១៧ នៅវេលាម៉ោង១១និង២៥នាទី នៅ​មន្ទីរពេទ្យ​កំពូលពេជ្រ ដោយគិតមកដល់ពេលនេះ មានអាយុ៦ឆ្នាំហើយ។

ក្នុងឱកាសខួបកំណើតកូនស្រីគម្រប់៦ឆ្នាំនេះ, លោក ជា វិបុល បានបង្ហោះរូបថតកូនស្រី ជាច្រើនសន្លឹក ហើយជូនពរថា «រីករាយថ្ងៃកំណើតកូនស្រី ដូរី ( ៤ មករា ២០២៣) អាយុ ៦ឆ្នាំ ​ សូមអោយកូនស្រីមានសុខភាពល្អ រៀនពូកែឆ្លាតវាងវ៉ៃ ជាកូនល្អចេះស្តាប់ឪពុកម្តាយ ចាស់ទុំណាកូនណា»។

ដោយឡែកជាអ្នកគង់ សុជាតិ បានបង្ហោះរូបថតកូនស្រីជាច្រើនសន្លឹកដូចគ្នា ហើយពោលពាក្យជូនពរថា «សាមញ្ញតែកក់ក្តៅ អរគុណ ដែលមានកូនជា​កម្លាំងចិត្ត​ដល់ម្តាយ អរគុណ ដែលកូនផ្តល់ភាពរីករាយមកដល់គ្រួសារមួយនេះ​ សូម​អោយខួបកំណើតឆ្នាំថ្មីនេះ កូនមានសុខភាពល្អ មានប្រាជ្ញាឆ្លាតវៃ និង ជាក្មេងស្រីដែលពូកែ ម៉ាក់ស្រលាញ់កូន​ Happy Birthday my naughty Dory»៕

Related posts