កូន​ប្រុស​ច្រមុះ​ឡើង​ស្រួច! ប្ដី​Love Riya​ បង្ហោះ​រូប​ថត​ជុំគ្រួសារ ហើយ​ប្រាប់​ថា ពេជ្រ​កើត​ចេញ​ពី​ដុំ​ថ្ម​​ ប្ដី​ល្អ​កើត​ចេញ​ពី…

អ្នកនាង Love Riya និង​លោក​ប៉ូលិស​រូប​សង្ហា ឈ្មោះ ហេង គីម​ហៀ​ង បាន​ដឹក​នាំគ្នា ចូល​រោងការ​តាម​ប្រពៃណី កាលពី​ថ្ងៃទី​១៥ ខែធ្នូ ឆ្នាំ​២០២១ កន្លងទៅ ដោយ​គិត​មក​ដល់​ពេលនេះ មានរ​យៈពេលប្រមាណ១ឆ្នាំហើយ។​

ក្រោយ​រៀបការ​​ពួកគេ ក៏​មាន​ដំណក់​ឈាម​រួមគ្នា ជា​កូន​ប្រុស។ បន្ទាប់​ពី​ពពោះ​រយៈពេល​ប្រមាណ​៩​ខែ, អ្នកនាងLove Riya ​ បាន​វះ,កាត់​សម្រាល​កូន​ប្រុសនោះ ​ដោយ​ជោគជ័យ កាលពីថ្ងៃទី១២ ខែធ្នូ​ ឆ្នាំ២០២២ ដោយ​ដាក់ឈ្មោះថា ​​​​ ហៀង​ អារីយ៉ាផាយុ​ ​ ហៅ​តនៗ។

រហូតមកដល់ពេលនេះ តនៗមានអាយុជិត១ខែហើយ ជាមួយនឹងមុខមាត់គួរឲ្យក្នាញ់ខ្លាំងណាស់ ពិសេសច្រមុះឡើងស្រួចតែម្ដង។ ងាកមក ចំណងស្នេហ៍អ្នកនាង Love Riya និងលោកប៉ូលិសរូបសង្ហា ហេង គីមហៀងវិញ តាំងពីមុនពេលរៀបការ ក្រោយរៀបការ និងក្រោយមានកូន នៅតែរក្សាភាពល្អដដែល។

ការរក្សាបានចំណងស្នេហ៍ដ៏ល្អនេះ ​ដោយសារតែ លោក ហេង គីមហៀង ជាមនុស្សដឹងខុសចេះកែ, ទទួលស្គាល់កំហុសរបស់ខ្លួន, ចេះលួងលោមភរិយា ជាមួយនឹងការសន្យាធ្វើជាប្ដីល្អ, ឪពុកល្អ ជាខែលដ៏ល្អ ការពារប្រពន្ធកូន ខណៈអ្នក​នាង​Love Riya​ មាត់​រឹង​ចិត្ត​ទន់​, សម្ដី​ពេល​ខ្លះ​អាក្រក់ តែ​ចិត្តល្អ។

ក្រោយពីរួមរស់ជាមួយគ្នាកសាងគ្រួសារដ៏មានសុភមង្គលនោះ, នៅថ្ងៃទី៤ ខែមករា ឆ្នាំ២០២២ លោក ហេង គីមហៀង បានបង្ហោះរូបថតជុំគ្រួសារជាច្រើនសន្លឹក រួមទាំងរូបថត​ស្ថិតក្នុង​ឯកសណ្ឋាន​ជា​ប៉ូលិស ហើយ​ពោល​ពាក្យ​ថា «ពេជ្រកើតចេញពីដុំថ្ម​​ ប្ដីល្អកើតចេញពីប៉ូលីស #ប៉ាអាទែនប៉ាអាតន»៕​

Related posts