តារា​ចម្រៀង​ជើង​ចាស់​ ​ ម៉េង កែវពេជ្ជតា ចេញ​បទ​រ៉េប ពេល​អាន​ខំ​មិន​ហើយ ក៏​ពោល​ពាក្យ​ថា…(មាន​វីដេអូ)

កាលពីពេលថ្មីៗកន្លងទៅនេះ តារាចម្រៀងជើងចាស់ អ្នកនាង ម៉េង កែវពេជ្ជតា បានបញ្ចេញបទចម្រៀងថ្មីស្នាដៃប្លែកមួយ ជាបទចម្រៀងបែបមនោសញ្ចេតនាលាយឡំនឹងការរ៉េប សហការរួមគ្នាជាមួយនឹងតារារ៉េបវ័យក្មេង២រូប ធ្វើឲ្យអ្នកគាំទ្រមានការចាប់អារម្មណ៍ជាខ្លាំង។

បទថ្មីនេះ មានចំណងជើងថា «បណ្ដាំ» ជាការច្រៀងសហការជាមួយ តារារ៉េប សាំង សុខសេរី និង តារាចម្រៀង កាន់ ពេជ្រ។ បទថ្មីនេះដែរ ជាបទរ៉េប លាយឡំនឹងបនោសញ្ចេតនាជ្រាលជ្រៅ បង្ហាញពីទំហំទឹកចិត្តអ្នកមានគុណ ជាពិសេស អារម្មណ៍ឈឺចាប់ របស់ម្ដាយ ដែលទើបតែបាត់បង់ស្វាមី ជាបង្គោលគ្រួសារនោះ។

ក្រោយពីបង្ហាញបទនេះរួចមក នៅថ្ងៃទី៧ ខែធ្នូ ឆ្នាំ២០២២នេះ អ្នកនាង ម៉េង កែវពេជ្ជតា បានបង្ហោះសារបញ្ជាក់ថា «គឺជាសិល្បៈនៃការច្រៀង​បែបថ្មី​ ..ថ្មីសម្រាប់បងប្អូន​អ្នកស្តាប់​ ក៏ថ្មីសម្រាប់នាងខ្ញុំ ដែលជាតារាចម្រៀងជំនាន់ចាស់​ផងដែរ

ប្អូនៗតារាចម្រៀងសិស្សប្អូនគាត់មកច្រៀងបទពីដើម​ ឬ​ Cover បទខ្ញុំ​ អ្នកខ្លះ បានទទួលការសរសើរណាស់​ ទោះអ្នកខ្លះនៅមានចំណុចខ្វះខាតច្រើនក៏ដោយ​ ដូច្នេះខ្ញុំមិនជឿថា​ពេលដែលខ្ញុំមកច្រៀង រ៉េបវិញ​ គ្មានការពេញចិត្តនោះទេ​ ហេហេ​ ​និយាយដូចអួតខ្លួនឯង​ ច្រៀងបទនេះរួច​ហើយ ខ្ញុំញញឹមបិទមាត់មិនជិតទេ​ មានគេពោលសរសើរច្រើន​

សប្បាយចិត្ត ដែល​ខ្ញុំ​អាច​បំពេញបំណងប្អូនៗទាំងពីរបាន​ Sang Sok Serey – សាំង សុខសេរី ប្អូន​ Kan Pich (​ បង​សូម​អរគុណ​អូន​ សិរី​ ដែលចេះនឹកឃើញបង​ អរគុណ​ប្អូនពេជ្រ​ ដែល​ជួយ​ប្រាប់​បងពី​កិច្ចការ​នេះ​ )​ ម្យ៉ាង​ ខ្ញុំ​បាន ដឹង​ថា វិជ្ជាគុន​របស់ខ្ញុំ​នៅតែ​ខ្លាំង​ហើយ​កំពុង​ស្ទុះ​ឡើង​ថែម​មួយ​កម្រិត​ទៀត​ហើយ​ យ៉ាងណា​ ខ្ញុំ​មិន​ភ្លេច​អរគុណ​ទៅ​ដល់​ប្រិយមិត្ត​ Fans ពិត​របស់​ខ្ញុំ​ទេ​ ដែល​ពួកគាត់​តែង​គោរព​ការ​សម្រេច​ចិត្ត​របស់​ខ្ញុំ​ គោរព​នូវ​ស្នាដៃ​របស់​ខ្ញុំ​គ្រប់​កាលៈទេសៈ​ គ្រប់​ស្ថានការណ៍​ …»។

បន្ថែម​លើ​នេះ នៅថ្ងៃទី៨ ខែធ្នូ អ្នកនាង បានបង្ហាញ​អារម្មណ៍​ទៀត​ថា «មើល​ឃើញ​ខមិន​ហើយ​ កាន់តែ​មាន​កម្លាំង​ ​​ នេះ​ត្រឹមតែ​ខមិន​របស់​បងប្អូន​ទស្សនិកជន​តែ​ប៉ុន្មាន​នាក់​ផង​ នៅ​មាន​ច្រើន​ទៀត​​ ជាដំបូង​ បងសូមអរគុណប្អូនស្រី​ Sang Sok Serey – សាំង សុខសេរី ដែលប្អូនជា​ New generation តែប្អូននឹកឃើញដល់បង​ ផ្តល់ភាពជឿជាក់លើបង​ក្នុងយុទ្ធនាការបទថ្មីបែប​ទំនើប​នេះ​ ទី២សូមអរគុណដល់ប្អូនប្រុស​ Kan Pich ដែលប្អូនមានចិត្តដូចគ្នានឹងសេរី​ គឺប្អូនទាំងពីរតែងផ្តល់ស្នាមញញឹមដល់បងដោយក្តីស្រលាញ់​ និងគោរព​ទី៣​ សូមអរគុណដល់កូនៗ​ ក្រុមគ្រួសារបងប្អូនកូនក្មួយនាងខ្ញុំដែលតែងតែផ្តល់កម្លាំងចិត្តប្រកបដោយភាពកក់ក្តៅអោយខ្ញុំគ្រប់ពេល​ និងមិនភ្លេចអរគុណដល់បងប្អូនទស្សនិកជនគ្រប់ស្រទាប់​ គ្រប់វ័យ​ និងគ្រប់លំដាប់ថ្នាក់​ដែលបានផ្តល់ការគាំទ្រដល់នាងខ្ញុំជារៀងដរាបមិនថាស្ថានភាពបែបណា​ ក៏បងប្អូននៅតែទទួលយកបានអំពីនាងខ្ញុំ​ ..នាងខ្ញុំពិតជាអរគុណខ្លាំងណាស់​»៕​


Related posts