មុន​ប្រឡង​បាក់ឌុប​, តារា​សម្ដែង​ អាង សុជាតា ភ័យ​បុក​ពោះ​ ដល់​ប្រឡង​ចប់ ស្រាប់តែ​ពោលពាក្យ​ថា…(មាន​វីដេអូ)

អាង សុជាតា ជា​តារា​សម្ដែង​វ័យក្មេង​មួយរូប ដែល​មាន​ទេពកោសល្យ​ពី​ធម្មជាតិ រួម​នឹង​សម្រស់​ផូរផង់​ផង​នោះ ជាហេតុ​ធ្វើ​ឲ្យ​នាង​ដើរ​តាម​គន្លង​អ្នក​ម្តាយ សឿន ផា​ភួង បាន យ៉ាង​ងាយស្រួល ខណៈ​បច្ចុប្បន្ន មាន​ទីផ្សារ​ការងារ​រីក​ទូលាយ​មិន​ថា​ការ​សម្តែង​រឿង ឬ​ថត​ផ្សាយពាណិជ្ជកម្ម​នោះទេ។

ដោយឡែក​កាលពីថ្ងៃទី៥-៦ ខែធ្នូ ឆ្នាំ២០២២កន្លងទៅនេះ ជាថ្ងៃប្រឡង​សញ្ញាបត្រ​មធ្យមសិក្សា​ទុតិយភូមិ​ នោះ គេឃើញ​ តារា​ស្រីស្ថិតក្នុងវ័យ ១៧​ឆ្នាំ អាង សុជាតា បានបង្ហាញវត្តមានក្នុងការប្រឡងនោះផងដែរ។​

ក្រោយប្រឡងចប់, តារាស្រីវ័យក្មេងរូបនេះ បានផ្តល់កិច្ចសម្ភាសន៍ជាមួយសារព័ត៌មាន «ផ្ទះតារា» ដោយប្រាប់ថា ខ្លួនរៀនអត់សូវបានគ្រប់គ្រាន់ ដេកភ័យបុកពោះ តែ ពេលដល់មណ្ឌលប្រឡងមានអារម្មណ៍រាងបាត់ភ័យដែរ ហើយធ្វើបានរៀងច្រើនដែរ តែលទ្ធផលយ៉ាងណា នាងទទួលយកបាន។

​ក្រៅពីការផ្ដល់បទសម្ភាសន៍នេះ នៅលើបណ្ដាញសង្គមហ្វេសប៊ុកវិញ, តារាស្រីរូបនេះ បានបង្ហោះរូបថត១សន្លឹក បញ្ជាក់ពីការប្រឡងរបស់ខ្លួនបានបញ្ចប់រួចរាល់។ តាមរយៈនេះ អ្នកគាំទ្រ ជូនពរព្រាតថា «ជូនពរប្រលងជាប់ណា, ជូនពរidol ទទួលបានលទ្ធផលល្អ​, កុំភ័យអូនក្រសួងមិនធ្លាក់ទេ បើប្រឡងជាប់»។

គួរ​បញ្ជាក់​ថា ដំណើរការ​សំណេរ នៃ​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ​ប្រព្រឹត្តិ​ទៅ​រយៈពេល ២ ថ្ងៃនេះ មាន​បេក្ខជន​អវត្តមាន​ចំនួន ២៤០០ នាក់ ស្រី ១០៣៦ នាក់ ត្រូវជា ១,៨៧ ភាគរយ ក្នុង​ចំណោម​បេក្ខជន​សរុប​ចំនួន ១២៨១៣៥៣ នាក់។

ចំណែក​បេក្ខជន​មាន​បញ្ហា​សុខភាព​មាន​ចំនួន ៧០ នាក់ ក្នុង​នោះ​ករណី​គ្រោះថ្នាក់​ចរាចរណ៍​កម្រិត​ស្រាល ០៤ ករណី និង​សង្ស័យ​វិជ្ជមាន​ជំងឺ​កូវីដ-១៩ ចំនួន ៤ ករណី។ បេក្ខជន​ដែល​មិន​អាច​បន្ត​ដំណើរការ​សំណេរ​ដោយសារ​បញ្ហា​សុខភាព​មាន​ចំនួន ០៣ ករណី។ ចំណែក​គណៈមេប្រយោគ​មាន​បញ្ហា​សុខភាព​មាន​ចំនួន ១៤ នាក់ ក្នុង​នោះ ១ នាក់ មាន​ស្ថានភាព​ធ្ងន់ធ្ងរ ត្រូវ​បញ្ជូន​ទៅ​សង្គ្រោះ​នៅ​មន្ទីរពេទ្យ។ មាន​បេក្ខជន​ប្រព្រឹត្ត​កំហុស​ឆ្គង​មាន​ចំនួន ០១ ករណី​ប៉ុណ្ណោះ៕


Related posts