ប្រិយមិត្ត មួយចំនួន បានជ្រាបរួចមកហើយថា កាលពីថ្ងៃទី១០ ខែសីហា ឆ្នាំ២០២១កន្លងទៅនេះ អ្នកនាង សុទ្ធ បញ្ចកា បានបង្ហាញមុខអ្នកស្អំបេះដូងរបស់ខ្លួន ដែលត្រូវបានគេស្គាល់ថា ជាគ្រូពេទ្យចិត្តធម៌មួយរូប គឺលោកគ្រូពេទ្យ ហ៊ាង រតនា។
ការបង្ហាញមុខអ្នកស្អំបេះដូងនេះ ធ្វើឡើង ក្រោយពីអ្នកនាង បញ្ចកា បានជួបព្យុះភ្លៀងជាមួយតារាសម្ដែង អេត វីន រហូតតារាប្រុសរូបនេះ ត្រូវបានសមត្ថកិច្ចបញ្ជូនចូលពន្ធនាគារព្រៃស កាលពីរសៀលថ្ងៃទី២៣ ខែមិថុនា ឆ្នាំ២០២១កន្លងទៅនេះ។
ទោះយ៉ាងណា ក្រោយពីបង្ហោះរូបថត និងសារបង្ហាញមុខអ្នកស្អំបេះដូងបាន១ថ្ងៃ ស្រាប់តែបាត់សារ និងរូបភាពនោះ ចេញពីគណនីហ្វេសប៊ុករបស់នាង ហើយឃើញសារមួយទៀតនៅថ្ងៃបន្ទាប់ អ្នកនាង បានហៅគ្រូពេទ្យចិត្តធម៌រូបនេះថា ជាបងប្រុសទៅវិញ។ គេមិនដឹងថា រឿងនេះយ៉ាងណានោះទេ។ តែកាលពីថ្ងៃទី១៨ ខែសីហា ឆ្នាំ២០២១ម្សិលមិញនេះ អ្នកនាងបានបង្ហាញអារម្មណ៍ច្របូកច្របល់។
អ្នកនាង បញ្ចាកា បានបង្ហោះសារថា «មិនដឹងថាត្រូវរ៉ាយរ៉ាប់ ចំពោះអារម្មណ៍ប៉ុន្មានថ្ងៃនេះយ៉ាងម៉េច!!!ច្របូកច្របល់ ចង់យំចង់ស្រែក ចង់និយាយអីដែលលាក់ទុកតែឯង ចង់បកស្រាយ ចង់កែតម្រូវ ចង់ប្រឆាំង ចង់ស្តីអោយ ចង់ឈ្លោះ តែ គ្រប់យ៉ាង វិធីដែលល្អ គឺគេអោយនៅអោយស្ងៀម ស្ងប់ស្ងាត់ តាមដំណើរសិន! មិនចង់អោយអ្នកណាមកគិតថាយើងល្អទេ តែសំខាន់ខ្ញុំគោរពសន្យា និង សតិសម្បជញ្ញៈ របស់ខ្ញុំ ! M here for u forever»។
ដោយឡែកថ្ងៃនេះ អ្នកនាង បានបង្ហោះសារបង្ហាញពីអារម្មណ៍ក្ដៅក្រហាយថា «វាអាចជាប្រវត្តិសាស្ត្រមួយ សម្រាប់ជីវិត ដែលខ្ញុំ ចេះគេចវេះ នឹងបញ្ហា មិនហ៊ានតបត ឬបកស្រាយ នូវចំនុចដែលគេគិតខុស និង យាយី មកលើខ្ញុំ ហើយវាជាប្រវត្តិសាស្ត្រ របស់ជីវិតខ្ញុំដែរខ្ញុំ ប្រើពេលចុះចាញ់ លើសពី3 ថ្ងៃ !
ទម្លាប់ក្នុងជីវិត មិនដែលបណ្ដោយ អោយផ្លូវចិត្ត ផ្លូវកាយ ដួល លើសពី 24 ម៉ោងទេ គឺតែងតែងើបមកតតាំង នឹងបញ្ហា គ្រប់យ៉ាង ទាន់ហន់ តែម្ដង! បើប្រៀបនឹងរឿងចិន ខ្ញុំជាកូនទ័ព័ម្នាក់ដែលរង កាំបិតដាវ សមរភូមិ ច្រើនជាងគេហើយ មើលទៅ!! ស្អីក៏ធ្លាប់ជួបដែរ ដល់អាយុប៉ុននេះ តែនៅតែជួប អាប៉ិ mark Zuckerberg ទេ ហើយបើអោយជួបណា អ ញ ហៅ ពិភាក្សាថី បាន ទំនេរអត់ទៅឃ្លាំមើលអាណាផ្សេងមកឃ្លាំមើលតា អញ រហូត block អញ អត់ស្វាយសោះ … អាពុង វឹង រៀប ស្វាយ ហើយ វា block ឯងបាត់…. ឯងនេះវឹងទៀត….!»៕
