កញ្ញាសុភ័ក្ត្រ កុសុម៉ា ជាពិធីការិនីម្នាក់ ដែលមានទេពកោសល្យសិល្បៈតាំងពីក្មេង ហើយមកដល់ពេលនេះ ប្រជាប្រិយភាពរបស់នាង កាន់តែហក់ឡើង ដោយសារតែតារាស្រីរូបនេះពូកែកំប្លែងស្ងួត សម្តីចាក់ទឹកមិនលិច រួមជាមួយនឹងកាយវិការក្រមិចក្រមើមគួរឲ្យស្រលាញ់នោះ។
ក្រៅពីការធ្វើឲ្យមនុស្សជាច្រើន សើចសប្បាយតាមរយៈការនិយាយបែបកំប្លែងស្ងួត កាយវិការក្រមិចក្រមើម នៅលើឆាតហើយនោះ កុសុម៉ា ក៏កាន់តែធ្វើឲ្យគេចាប់អារម្មណ៍ថែមទៀត រាល់ការតុបតែងខ្លួនរបស់នាងមានលក្ខណៈប្លែក ហើយរាល់ការបង្ហោះលើទំព័រហ្វេសប៊ុករបស់ខ្លួនម្ដងៗ អ្នកគាំទ្រទប់សំណើចមិនបាន ទប់ចិត្តមិនជាប់នោះទេ។
ជាក់ស្ដែងនៅថ្ងៃទី១៨ ខែសីហា ឆ្នាំ២០២១នេះ កុសុម៉ា បានបង្ហោះរូបថតជាច្រើនសន្លឹកក្នុងថ្ងៃខួបកំណើតរបស់ម្ដាយ ជាមួយនឹងការតុបតែងខ្លួនទាក់ទាញ អមដោយសារដូច្នេះថា «រីករាយថ្ងៃកំណើតអ្នកម្តាយជាទីស្រលាញ់ កូនសូមជូនពរអ្នកម្តាយមានសុខភាពល្អ អាយុវែងគង់ជាម្លប់កូនចៅរហូតទៅ
កូនសូមអរគុណទេវតាដែលបានអោយកូនចាប់ជាតិធ្វើជាកូនស្រីរបស់អ្នកម្តាយ ហើយកូនសុំផ្សងជួបអ្នកម្តាយគ្រប់ៗជាតិៗសុំទោសផងបងប្អូនកម្មវិធីយើងខ្ញុំធ្វើជាលក្ខណៈគ្រួសារ ហើយយើងនៅតែគោរពការអនុវត្ត ៣កុំ ៣ការពារCredit by ly song»។
តាមរយៈសារនេះ មិនបានធ្វើឲ្យអ្នកគាំទ្រចាប់អារម្មណ៍ខ្លាំងនោះទេ តែការតុបតែងខ្លួនរបស់នាង ធ្វើឲ្យពួកគេ ទប់ចិត្តមិនជាប់ ក៏និយាយទាំងអស់សំណើចថា «ជូនពរថ្ងៃកំណើតអ្នកមីង ពេញចិត្តIdol ស្លៀកពាក់នឹងសមណាស់ ស្មានលោកយាយទួត Idol តើ, មើលមួយភ្លែតស្មានតែយាយមកពីណាតាមពិតកុសុម៉ាសោះ ហីឡើងចាស់ជាងម៉ែចឹង,
មួយណាម៉ែមួយណាកូនបើដូចគ្នាចឹង, Kosoma ធ្វើចាស់សមណាស់ សមទម្រង់មុខកញ្ចាស់ស្រាប់ ហាសហា… និយាយលែងទេ តែវាអញ្ចឹងមែនខិខិខិ, វង្វេងអស់ហើយidol មួយណាម៉ាក់មួយណាកូនមួយណាយាយទៅ, ម៉ែដូចយាយ យាយដូចម៉ែ ម៉ែដូចកូន កូនដូចយាយ យាយដូចចៅ ចៅដូចម៉ែ កូនដូចម៉ែ ម៉ែដូចកូន កូនដូចយាយ យាយដូចចៅ ចៅដូចម៉ែ ម៉ែដូចកូន យាយដូចកូន កូនដូចម៉ែ»៕
