លោកអ្នក បានជ្រាបរួចមកហើយថា កាលពីថ្ងៃទី១៨ ខែសីហា ឆ្នាំ២០២១នេះ តារាទីកតុកដ៏ល្បីឈ្មោះ ម៉ាក់ល័ក្ខ បានចុះកុងត្រាការងារជាមួយអ្នកស្រី ទ្រី ដាណា ថៅកែហាងពេជ្រចិត្តធម៌ ក្នុងតម្លៃខ្លួនដ៏ខ្ពស់មួយ។
តាមរយៈវីដេអូ ដែលស្រីល័ក្ខ បង្ហោះក្នុងទីកតុក បានបញ្ជាក់ថា តាមពិតទៅ អ្វីទាំងនេះ អត់ត្រូវបង្ហាញទេ តែពេលទិញរបស់អ្វីមួយ ដែលខ្លួនស្រឡាញ់ ខ្លាចគេថា យើងហ្នឹងបានលុយមក ដោយអត់ដឹងប្រភព។
នៅក្នុងវីដេអូនោះ អ្នកស្រី ទ្រី ដាណា បានបញ្ជាក់ថា លុយទាំងអស់នេះ មានចំនួន១០ដុំ ហើយនេះគ្រាន់តែជា មួយផ្នែកតូច នៃការងាររបស់ស្រីល័ក្ខ ជាមួយខ្លួនប៉ុណ្ណោះ នៅមួយផ្នែកធំទៀត នេះជាចំណុចចាប់ផ្ដើម។
បើទោះលុយចំនួន១០ដុំនេះ អ្នកស្រី ទ្រីដាណា មិនបានបញ្ជាក់ថា មានចំនួនប៉ុន្មានក៏ពិតមែន តែយើងអាចដឹងបាន តាមរយៈការលើកជាសំណួរ ក្រោមវីដេអូ របស់ ស្រីល័ក្ខ ក្នុងទីកតុក ថា «គាត់មិនមែនសម្ដែងទេ កុងត្រាប៉ុន្មានឆ្នាំដែរ បាន១០០.០០០$?
ភ្លាមៗនោះ ស្រីល័ក្ខ បានបញ្ជាក់ថា «មួយឆ្នាំ. នេះពាក់កណ្ដាលទេបង»។ បើការបញ្ជាក់របស់ស្រីល័ក្ខ ជាការពិត មានន័យថា កុងត្រារយៈពេល១ឆ្នាំ គ្រាន់តែលុយពាក់កណ្ដាលនាងទទួលបានរហូតដល់១០ម៉ឺនដុល្លារ។ ដូច្នេះ មួយឆ្នាំ តម្លៃខ្លួនរហូតដល់ទៅ២០ម៉ឺនដុល្លារឯណោះ។
ឆ្លើយតបនឹងខំមិនមួយទៀត ដែលលើកឡើងបង្ហាញពីការព្រួយបារម្ភថា «លុយច្រើនមែន តែពេលយើងធ្វើការឲ្យគេអត់កើត ប្រាកដជាទឹកភ្នែក»នោះ ស្រីល័ក្ខ បានបញ្ជាក់ថា «គ្រាន់តែឡាយ១ថ្ងៃ មួយម៉ោង»។ នេះ ទំនងជាស្រីល័ក្ខ ចង់បញ្ជាក់ថា ការងារនេះ មិនពិបាករហូតនាងធ្វើមិនបាននោះទេ៕ ដើម្បីកាន់តែជ្រាបច្បាស់ សូមទស្សនាវីដេអូ ខាងក្រោមនេះ ៖
