គេនៅចាំបានថា កាលពីពេលថ្មីៗកន្លងទៅនេះ តារាទីកតុក សុខលីន បានទិញរថយន្តដ៏ថ្មីសន្លាងមួយគ្រឿងតម្លៃជិត៦ម៉ឺនដុល្លារ ជូនឪពុកជាទីស្រឡាញ់របស់ខ្លួន ជាហេតុធ្វើឲ្យអ្នកគាំទ្រជាច្រើន បានសម្ដែងការអបអរសាទរ ខណៈមតិមួយចំនួនតូចក៏បានលើកឡើងបែបឌឺដងថា នាងទិញរថយន្តបង់រំលស់។
ជុំវិញការលើកឡើងតាមរយៈខំមិននេះ ត្រូវបានអ្នកគាំទ្ររបស់សុខលីន អានហើយ ក៏បានយកសំណួរនេះ ទៅសួរនាង ពេលកំពុងឡាយ កាលពីថ្ងៃទី១៥ ខែសីហា ឆ្នាំ២០២១កន្លងទៅនេះ ហើយសុខលីន ក៏បានបកស្រាយយ៉ាងលម្អិតដើម្បីជម្រះមន្ទិលអ្នកទើសនាង ក៏ដូចអ្នកគាំទ្រមួយចំនួនផងដែរ។
សុខ លីន បានលើកឡើងនៅក្នុងការឡាយនោះថា សម្រាប់ការបង់រំលស់តែងតែមានហើយ ព្រោះយើងមិនមែនជាអ្នកមានទេ តែសម្រាប់ការបង់រំលស់នេះ ទាល់តែយើងមានប្រាក់ខែរាប់ពាន់ដុល្លារបានគេឲ្យ។
សុខ លីន បានបញ្ជាក់ទៀតថា ដូចខ្លួនរាល់ថ្ងៃនេះ ធ្វើការមានប្រាក់ខែខ្ទង់រាប់ពាន់ បានគេដាក់ឲ្យយើងបាន ហើយក៏មិនមែនអត់មានលុយសោះទៅទិញឡានគេនោះដែរ ទាល់តែមានលុយចូលរួមពាក់កណ្ដាល ឬក៏ជិតដាច់។
ចំពោះការលើកឡើងពាក់ព័ន្ធនឹងរឿងបង់រំលស់នេះ ត្រូវបានអ្នកគាំទ្រនាងយល់ថា ជាការច្រណែន ហើយជាការឆ្លើយតប សុខលីន បានបញ្ជាក់ថា កុំនិយាយរឿងគេ ខ្លួនខ្លាចណាស់ មនុស្សអាក្រក់រឿងអ្វីក៏ហ៊ានធ្វើដែរ អញ្ចឹងកុំទៅប៉ះពាល់គេ៕ ដើម្បីជ្រាបកាន់តែច្បាស់ទៀតនោះ សូមទស្សនាវីដេអូ ខាងក្រោមនេះ ៖
