លោកអ្នក បានជ្រាបរួចមកហើយថា កញ្ញា តេង ណដាណា ហៅ អាម៉ី បានភ្ជាប់ពាក្យជាមួយនឹងបុរសសង្ហាម្នាក់ កាលពីថ្ងៃទី២៥ ខែមិថុនា ឆ្នាំ២០២១កន្លងទៅនេះ ដោយធ្វើឡើងលក្ខណៈគ្រួសារ គោរពតាមគោលការណ៍ណែនាំរបស់រាជរដ្ឋាភិបាល និងក្រសួងសុខាភិបាល។
នៅក្នុងពិធីភ្ជាប់ពាក្យនោះ អ្វី ដែលធ្វើឲ្យមហាជនមានការចាប់អារម្មណ៍ខ្លាំងនោះ គ្រាន់តែថ្លៃបណ្ដាការ រហូតទៅដល់៩៩៩៩៩ដុល្លារសហរដ្ឋអាមេរិក ស្មើនឹង ៤០០ ០០០ ០០០រៀល (បួនរយលានរៀល) និងចិញ្ចៀនពេជ្រ ២ម៉ឺនដុល្លារឯណោះ។
នៅពេលនោះ មានការរិះគន់មួយចំនួនចំពោះពួកគេ ហើយជាការជម្រះមន្ទិល គូដណ្ដឹងរបស់អាម៉ី ដែលជាStreamer បានធ្វើការឆ្លើយតបថា «បញ្ចេញមតិបែបសប្បាយរីករាយខ្ញុំពេញចិត្តនិងសប្បាយជាមួយ តែអ្នកខ្លះចូលមកមិនដឹងរឿងខំរំលឹករឿងមិនសប្បាយចិត្តមកដើម្បីចង់បានចំណាប់អារម្មណ៍ ដល់តែគេថា គេធ្វើទៅ ថាគេអាក្រក់ប្រកាន់ច្រើន។
មុននឹងនិយាយទៅស៊ើបមើលឲ្យដឹងដំណើរដើមទងឲ្យច្បាស់ មិនមែនអ្នកណាមានថ្មីមុនសុទ្ធតែខុសទេ(ខ្ញុំនិយាយទូទៅ) ហើយនេះជាប្រពន្ធស្របច្បាប់ មិនមែនសង្សារទេ ដោយសារតែមូលហេតុអស់នេះទើបគ្រួសារទាំងពីរខ្នះខ្នែងខំរៀបចំជូនកូនទាំងពីរឲ្យផុតពីពាក្យថាសង្សារ គួរយល់ ហើយដាក់សំណួរខ្លួនឯងសាកមើល មិចបានចឹង?
មិចបានពួកគាត់ភ្ជាប់ពាក្យលឿន មកពីអី មកពីឲ្យតម្លៃគ្នាទៅវិញទៅមក នេះជារឿងអនាគតមួយជីវិត មិនមែនស៊េរីអ្នកឯងមកថានិងទេ។ ពួកខ្ញុំអាយុតិចតែការគិតមនុស្សពេញវ័យ មិនមែនស៊េរីអាយុច្រើននៅឈ្លក់អង្វែងនឹងសម្រស់ខ្លួនឯងមានអំនួត គិតខ្លួនអស្ចារ្យ ហើយនៅបើកផ្លូវខ្លួនឯងមើលអ្នកផ្សេងពេលកំពុងទាក់ទងនឹងមនុស្សម្នាក់ទេមិនឲ្យតម្លៃគេទេមើលងាយគេហើយទាំងគ្រួសារគេទៀត(និយាយទូទៅ) ។
នេះជាអនាគតរបស់ខ្ញុំ ទើបខ្ញុំសម្រេចស្វែងរកមនុស្សដែលឲ្យតម្លៃខ្ញុំនិងគ្រួសារ ដល់ពេលឃើញបែបនេះ សភ្នែក បើកភ្នែកធំៗ ។ មុននឹងបញ្ចេញមតិអាន cmtខ្ញុំនេះផង អរគុណដោយក្ដីគោរពពីខ្ញុំ និងគូរដណ្ដឹង»។
ក្រោយភ្ជាប់ពាក្យរហូតមកដល់ពេលនេះ ពួកគេតែងតែបង្ហាញភាពផ្អែមល្ហែមជាមួយគ្នាជាហូរហែ ហើយកាលពីថ្ងៃទី១៦ ខែសីហា ឆ្នាំ២០២១ម្សិលមិញនេះ អាម៉ី ថែមទាំងសម្រេចបំណង១របស់គូដណ្ដឹងខ្លួនទៀតផង។
ជាការអរគុណចំពោះទឹកចិត្តរបស់អាម៉ី, គូដណ្ដឹងរបស់នាង បានបង្ហោះសារថា «ក្ដីសុខ Gamer ពេលបានប្រពន្ធយល់ចិត្តបែបនេះ គ្រាន់តែឃើញប្ដីSaveរូប PS5ទុកសោះ មិនដឹងថា គាត់មើលឃើញតាំងពីពេលណាទេ គ្រាន់តែចេញពីធ្វើការមកដល់ផ្ទះភ្លាម ឃើញចឹងម៉ង អរគុណសម្រាប់ក្ដីស្រលាញ់ និងការយកចិត្តទុកដាក់នឹងបងបែបនេះ ឃើញភ្លាមគាំងបេះដូង បងស្រលាញ់អូន ប្រពន្ធសម្លាញ់»។
ឃើញគូដណ្ដឹងពេញចិត្តរបស់ ដែលខ្លួនទិញឲ្យនោះ, អាម៉ី ពោលពាក្យទាំងញញឹមថា «ស្នាមញញឹមរបស់បងពិបាករកជាងលុយទៅទៀត»។ តាមរយៈនេះ អ្នកគាំទ្រ បានលើកសរសើរថា « គ្រួសារមានក្តីសុខក្តីសុខណាស់, រវល់តែSweet ចឹងតើបានមិនឃើញឡាយ ជូនពរបងស្រលាញ់គ្នាដល់ចាស់កោងខ្នង»៕
